მიმოვიხილავთ ყველაფერს: სმარტსაათებს, ფიტნეს-თრექერებს და სამკაულებსაც კი – თუკი ისინი ტექნოლოგიებთანაა ადაპტირებული. მიუხედავად იმისა, Apple-ს ანიჭებთ უპირატესობას თუ Android-ის ერთგული მომხმარებელი ხართ, ჩვენ ოპტიმალური პროდუქტის განხილვას შემოგთავაზებთ აღნიშნულ სტატიაში.

საუკეთესო მრავალფუნქციური სმარტსაათი

რა ტიპის მომხმარებელი ხართ?

თქვენ დაგრჩებათ საუკეთესოთა შორის საუკეთესო და არც კი ინანებთ მასზე ფულის დახარჯვას.

ჩვენი რჩეული: Apple Watch Series 5 ($400-$1,500)

დიახ, დიახ, ვიცით რომ არ გაკვირვებთ Apple Watch-ის საუკეთესო სმარტსაათთა სიაში არსებობა. Series 5 არ მოიცავს დიდად განსხვავებულ ტექნიკურ მონაცემებს – უდიდესი ცვლილება შეეხო მუდმივად ჩართულ დისპლეის რომელიც LTPO  (დაბალტემპერატურიანი პოლიკრისტალის ოქსიდი) ეკრანითაა წარმოდგენილი. როგორც ითქვა, Apple-მა ასევე გააძლიერა ჯანმრთელობის თრექინგის პროგრამული უზრუნველყოფა. ახლა თქვენ შეგიძლიათ გადახედოთ 90 დღიან სტატისტიკას, ასევე აკონტროლოთ თქვენი რეპროდუქციული ჯანმრთელობა, მოახდინოთ გარემოში არსებული ხმაურის დონეების მონიტორინგი, სწორედ თქვენივე მაჯიდან. ამას გარდა, მას კვლავ აქვს FDA-ს მიერ დადასტურებული ელექტროკარდიოგრამის სიზუსტის სერთიფიკატი. უფრო გაუმჯობესებული მახასიათებლები კი, როგორიცაა LTE კავშირი და NFC გადახდები, კვლავ შეუფერხებლად მუშაობს. ერთადერთი უარყოფითი მხარე ელემენტის სიცოცხლისუნარიანობაა, გაუმჯობესებების მიღებასთან ერთად მოწყობილობა მეტ ენერგიას მოიხმარს და აქედან გამომდინარე მისი დამუხტვა ყოველ 18 საათში მოგიწევთ. თუმცა, ტესტირებისას ჩვენ დაგადგინეთ რომ Series 5 ელემენტი შუა გზაში ნამდვილად არ მიგატოვებთ.

ასევე გაითვალისწინეთ

სხვა პრობლემა, რომელიც Apple Watch-ს აქვს არის ის რომ, მას Android ოპერაციული სისტემის მომხმარებლები სრულებით ვერ გამოიყენებენ. ამ ეტაპზე მისი საუკეთესო ალტერნატივა Samsung Galaxy Watch ან Galaxy Watch Active 2-ია. ორივე საათი მუშაობს Samsung-ის მფლობელობაში არსებულ Tizen-ის ოპერატიულ სისტემაზე, რომელიც დღესდღეობით ბევრად უფრო ინტუიტიურია მოსახმარებლად ვიდრე Google’s Wear OS. Galaxy Watch ცოტათი უფრო ძვირი ღირს ($330-$350), მაგრამ ამის სანაცვლოდ თქვენ მიიღებთ სოლიდურ, 3-5 დღიან ელემენტის ხანგრძლივობას და დამოუკიდებელ LTE-ს. ამავდროულად Galaxy Watch Active2 ბრწყინვალე, უფრო თხელი, ყველა მახასიათებლით აღჭურვილი სმარტსაათია მხოლოდ $280-ად. თრექინგის მანძილზე ის არ იყო ყველაზე აკურატული, ჩვენი ტესტირების დროს მაგრამ Samsung-მა მას შემდეგ რამდენიმე პროგრამული განახლება გამოუშვა.

საუკეთესო ფიტნეს სმარტსაათი

რა ტიპის მომხმარებელი ხართ??

თქვენი დილა პროტეინის შეიქების მირთმევით თუ იწყება და ამავდროულად ყოველი დღის გეგმა 10,000 ნაბიჯის გავლას მოიცავს, მაშინ დაგჭირდებათ ისეთი აქსესუარი, რომელსაც ელემენტის ხანგრძლივობა თქვენი ეპიკური ცხოვრების წესის შესაბამისი აღმოაჩნდება და ამავდროულად მის ვიზუალს თქვენთვის დიდი მნიშვნელობა არ ექნება.

ჩვენი რჩეული: Polar Vantage M ($280)

Polar Vantage M მხოლოდ $280 ღირს, მაგრამ მისი ელემენტი ერთ კვირაზე მეტხანს ძლებს, გააჩნია აკურატული ჩაშენებული GPS და შესანიშნავი გულისცემის გამზომი სენსორიც. თან მოყოლილი Polar Flow აპლიკაცია ნამდვილად ყოვლისმომცველ მონაცემებს წარმოგიდგენთ ვარჯიშის შესახებ, მარტივად გასაგები ფორმით გაჩვენებთ თუ რა წვლილი შეაქვს თითეულ ვარჯიშს თქვენს საერთო პროგრესში. ტრანსარეკვლის მახასიათებლით აღჭურვილი ეკრანი გარეთ სირბილისა და ველოსიპედით სეირნობისათვის შესანიშნავია. მართალია NFC გადახდებისა და მუსიკის მეხსიერების მხარდაჭერით ვერ გამოირჩევა, მაგრამ თქვენ იღებთ შეტყობინებებს და ასევე ახდენს ძილის თრექინგსაც.

ასევე გაითვალისწინეთ

Fitbit Ionic საკმაოდ ულამაზო სმარტსაათია, მაგრამ როცა საქმე ფიტნესს ეხება, ის სრულებით საპირისპირო პერფორმანსით წარმოგიდგებათ. $270-ად, იგი შედარებით ხელმისაწვდომია, ელემენტის ხანგრძლივობა 7 დღემდეა, აქვს მოწყობილობას შიდა მუსიკალური მეხსიერება, NFC გადახდების მხარდაჭერა, ჩაშენებული GPS სისტემა და ვარჯიშების პროგრამა. ის ასევე დიდებული არჩევანია მათთვის, ვინც გარეთ სირბილს ამჯობინებს, ზუსტად იმიტომ რომ იგი ავტომატურად პაუზდება, მაშინ, როდესაც შუქნიშანზე ჩერდებით, მაგალითად. თუმცა, Fitbit-ის პლატფორმა იმდენად ინტუიტიური არაა როგორიც Polar-ისა და Garmin-ის, და მისი აპლიკაციების შეთავაზებების რაოდენობა ჯერ კიდევ ლიმიტირებულია, Wear OS-სა და Apple Watch-თან შედარებით.

საუკეთესო სმარტსაათი Android-ის მხარდაჭერით

რა ტიპის მომხმარებელი ხართ?

ვისაც Android-ზე მომუშავე ტელეფონი აქვს და სურს სმარტსაათი, რომელსაც მას დაუკავშირებს.

ჩვენი რჩეული: Fossil Sport ($255)

ბაზარზე უამრავი Wear OS საათებია წარმოდგენილი, მაგრამ ჩვენ ყველაზე მეტად Fossil Sport-ს გამოვარჩევთ. იგი Snapdragon 3100 პროცესორითაა აღჭურვილი და ტესტირებისას მან მშვენიერი შედეგები აჩვენა შეტყობინებების მიღებისა და თრექინგ აქტივობების კუთხით. სწრაფი დატენვის ფუნქცია ამცირებს ელემენტის მცირე სიცოცხლისუნარიანობის ნეგატიურ გამოცდილებას, 28 თასმით კი ნამდვილად მოახერხებთ თქვენთვის სასურველი სტილის არჩევას.

ასევე გაითვალისწინეთ

Fitbit Versa 2-ს კიდევ უფრო მაღალ საფეხურზე აჰყავს კარგი სმარტსაათის ცნება მართალია, ის ჯერ კიდევ არ აღუჭურვიათ დამოუკიდებელი GPS-ით, მაგრამ თქვენ მიიღებთ ყოველთვის აქტიურ დისპლეისა და თქვენი მაჯიდან Alexa-სთან კომუნიკაციას. მას კიდევ უფრო გაუმჯობესებული ელემენტის სიცოცხლისუნარიანობა აქვს და ერთჯერადად დამუხტვით მისი ელემენტი ერთი კვირა მოგემსახურებათ. ამას გარდა იგი Spotify-ს მხარდაჭერითაცაა გამორჩეული. და ერთი რამ რაც უცვლელია მისი შესანიშნავი $200 ფასის ნიშნულია.

საუკეთესო ჰიბრიდული სმარტსაათი

რა ტიპის მომხმარებელი ხართ?

კლასიკურ დიზაინს აფასებთ და საბაზისო ფუნქციონალს არჩევთ სრულფასოვან მახასიათებლებს? მაშინ გადახედეთ:

ჩვენი რჩეული: Fossil Hybrid HR ($195-$215)

Fossil Hybrid HR ისაა, რასაც Pebble-ს ფანები ამდენ ხანს ელოდნენ მას სემდეგ რაც კომპანია Fitbit-მა შეიძინა. ის არამხოლოდ ლამაზი საათია, მისი ჭკვიანი დისპლეი ამავრდოულად ელეგანტური, ენერგიის დაბალი მოხმარების და რაც ყველაზე მთავარია, მკაფიოა. ელემენტის მუხტი ერთ დატენვაზე ორ კვირას ძლებს და ამას გარდა გულისცემის რიტმის მონიტორინგის ფუნქციაც აქვს. ჯანმრთელობის თრექინგი კიდევ უფრო მარტივადაა წარმოდგენილი, მაგრამ ეს ჰიბრიდი საკმაოდ დეტალიზებულ მეტრიკას სრულებითაც არ წარმოგიდგენთ. თქვენ შეძლებთ ჩაინიშნოთ ვარჯიშები, აწარმოოთ გულისცემის რიტმისა და ძილის მონიტორინგი. რომ შევაჯამოთ, მორგებულობის საკმაოდ მაღალ ხარისხს მიიღებთ. მას არ აქვს NFC გადახდები, ხმოვანი ასისტენტის თავსებადობა და დამოუკიდებელი LTE – მაგრამ თუ ამ ჰიბრიდმა მართლა დაგაინტერესათ, აღნიშნული მახასიათებლები დიდი დანაკლისის განცდას ნამდვილად არ შეგიქმნით.

ასევე გაითვალისწინეთ

Garmin Vivomove სტილი ცოტათი მაღალფასიანია $350, მაგრამ, ის ნამდვილად ელეგანტური საათია. ელემენტის ხანგრძლიობა ხუთი დღეა, აქვს გულისცემის რიტმის სენსორი, NFC გადახდები და ულამაზესი, დამალული AMOLED დისპლეი. მაშინ, როცა ის ტიპიურ ანალოგურ საათს ჰგავს, თქვენ ეკრანზე ერთი თითს დადებით გარდაქმნით მას დახვეწილ სმარტ დისპლეიდ. ეს კი უკეთესი არჩევანია უფრო ფიტნესზე ორიენტირებული მომხმარებლისთვის, რადგან Garmin-ის პლატფორმა ერთ-ერთი საუკეთესოა, მათ შორის რაც კი ოდესმე შექმნილა.

საუკეთესო არა-მაჯის თრექერი

რა ტიპის მომხმარებელი ხართ??

მათთვის, ვისაც არ უყვარს საათის ტარება, მაგრამ სურს რაიმე, რითაც შეძლებს მისი ფიტნესის თუ აქტივობების თრექინგს.

ჩვენი რჩეული: Motiv Ring ($200)

მართალია მასზე შეტყობინებებს ვერ მიიღებთ, მაგრამ Motiv Ring წარმოადგენს ფიტნეს თრექერს, რომელსაც აქვს მინიმალისტური ბეჭდის ფორმა. ის ახდენს ნაბიჯების, აქტიურობის წუთების და თქვენი გულისცემის თრექინგსაც კი. ბოლო განახლებამ აქსესუარი აღჭურვა ბიომეტრიული ორეტაპიანი ავტენთიკაციით. იგი ნამდვილად დაამშვენებს თქვენს თითს.

ასევე გაითვალისწინეთ

Oura Ring ასევე მინიმალისტური ბეჭედია და იგი ძილისა და აქტივობების თრექინგს ახდენს, თუმცა ცოტათი უფრო ძვირი სიამოვნებაცაა თქვენთვის და ხარჯიც თქვენი ჯიბისთვის.

საუკეთესო ბიუჯეტური ფიტნეს თრექერი

რა ტიპის მომხმარებელი ხართ?

მარტივი ფიტნეს თრექერი გსურთ, მაგრამ არ გინდათ მასში ბევრი ფულის გადახდა.

ჩვენი რჩეული: Fitbit Inspire HR ($100)

Inspire HR Apple Watch-ის მეოთხედი დაგიჯდებათ, თუ მის ყიდვას გადაწყვეტთ, თანაც თრექინგ ბენეფიტებით იგი ამ უკანასკნელს არაფრით ჩამოუვარდება. თქვენ მიიღებთ გულისცემის რიტმის უწყვეტ მონიტორინგს, შეტყობინებებს სმარტფონზე და ერთჯერადი დამუხტვით ელემენტის ხუთდღიან სიცოცხლისუნარიანობას. მისი დიზაინი არც იმდენად გლუვი და პრიალაა, როგორც Alta HR-ის, მაგრამ თქვენ ყოველთვის შეგეძლებათ ჩაანაცვლოთ თასმები უფრო მოდური ვიზუალის მისაღებად. თუ ნამდვილად დანაზოგზე ორიენტირებული ადამიანი ბრძანდებით, ასევე შეგიძლიათ ამოაგდოთ გულისცემის რიტმის მონიტორინგის ფუნქციონალიც და შეიძნოთ კიდევ უფრო დაბალფასიანი Inspire ($70).

ასევე გაითვალისწინეთ:

Garmin Vivosmart 4 ($130) შედარებით იაფია, მაგრამ მისი ეკრანის ინტერფეისი სუსტია და თქვენ ვერც თასმებს გამოუცვლით მას. თქვენ მიიღებთ თითქმის იმავე მახასიათებლებს და გარდა ამისა სტრეს თრექინგსა და ელემენტის სოლიდურ სიცოცხლისუნარეიანობას. Fitbit-ის Charge 3 ($150) ასევე საკმაოდ სოლიდურია ფასის ამ კატეგორიაში, მაგრამ მისი მოკლე და სქელი თასმები, GPS კავშირი თქვენი ტელეფონის გავლით და წყალგამძლე დიზაინი მას შესაბამის კომპანიონად ხდის ისეთი ადამიანისათვის, რომელსაც ფიტნესის კუთხით სერიოზული გეგმები აქვს. გარდა ამისა, მონოქრომულ OLED ეკრანზე დამატებული აპლიკაციები აქრობს ზღვარს სმარტსაათსა და თრექერს შორის.