წარმოგიდგენთ დიზაინის, გამოყენების სიმარტივის, კამერის ხარისხის, გამძლეობისა და ფრენის ხანგრძლივობის ტესტირების შედეგად გამოვლენილ დრონების საუკეთესო მოდელებს.

როცა საუკეთესო დრონის არჩევაზე მიდგება საქმე, შეამჩნევთ რომ თქვენს თვალწინ საკმაოდ დიდი არჩევანი გადაიშლება. პრაქტიკულად, ის დროც აღარაა, როცა დრონის სამართავად პილოტის ლიცენზია გჭირდებოდათ. ახლა, უახლესი სენსორებისა და ტექნოლოგიების წყალობით, დრონების მართვა ბევრად უფრო ავტომატიზირებულია, შეუძლიათ ჰაერში სტაბილური მდგომარეობის დიდი ხნით შენარჩუნება, თუნდაც ყველაზე რთულ ამინდის პირობებშიც.

ამავდროულად, სამომხმარებლო ტიპის დრონები კიდევ უფრო გაუმჯობესებული ხარისხით იღებენ საჰაერო ფოტოებსა და ვიდეოებს. გაუმჯობესება შეიმჩნევა არა მხოლოდ კამერებში, არამედ მათ პროგრამულ ნაწილშიც, შესაბამისად, დღეს დრონები უკვე ახერხებენ ადამიანებისა და ობიექტების სკანირებასა და ამოცნობას, რისი საშუალებითაც ნამდვილი, სინემატიკური სცენების გადაღებასაც შეძლებთ. მთლიანობაში, დრონების ფასიც საკმაოდ გაიაფდა. ჩვენ არ ვსაუბრობთ 100 დოლარიან სათამაშოებზე, რომელსაც Amazon-ზე გადააწყდებით. რამდენიმე წლის წინ, საუკეთესო დრონების ფასები 1000 დოლარზე მეტიც კი იყო, დღეს კი შესანიშნავ მოდელებს ამ ფასის ნახევრადაც კი შეიძენთ. მაგრამ, სწორედ ეს ართულებს საუკეთესო დრონის პოვნის პროცესს.

რომელია საუკეთესო დრონი?

ჩვენ საათობით ვცდიდით ათობით დრონს და ამ ტესტირების შედეგად, დავადგინეთ, რომ ადამიანთა უმრავლესობისათვის DJI Mavic Mini საუკეთესო ვარიანტი იქნებოდა. იგი გახლავთ კომპანიის ყველაზე ხელმისაწვდომი და ყველაზე კომპაქტური დრონი, რომელიც მარტივად შეგიძლიათ გადაიტანოთ ნებისმიერ ადგილას და იფრინოს ყველგან. მას მოჰყვება კონტროლერი, გადასატანი ჩანთა, რომლის ზომაც ასევე საკმაოდ კომპაქტურია და გააჩნია თავისუფალი სივრცეები სათადარიგო ნაწილებისა და დამატებითი ელემენტებისათვის.

გამომდინარე იქედან, რომ მისი საშუალებით 4K ვიდეოების გადაღებას ვერ შეძლებთ, ურიგო არ იქნება თუ DJI Mavic Air 2-საც განიხილავდით, რომელიც განსაკუთრებით გამოირჩევა ვიდეოს სუპერ-რბილი გადაღების ტექნიკით. მისი ელემენტის მუხტი 30 წუთამდე ძლებს, შესაბამისად მისი გამოყენება ბევრ სხვა დრონთან შედარებით ბევრად ხანგრძლივადაა შესაძლებელი.

საუკეთესო კამერა-დრონი DJI Mavic 2 Pro გახლავთ, რომელსაც ½.3 Hasselblad-ის სენსორი აქვს, ბევრად უფრო დიდი ვიდრე სხვა ჩაშენებულ კამერიანი დრონების შემთხვევაშია. თუ ისეთ ვარიანტს ეძებთ, რომელსაც zoom ლინზა აქვს, მაშინ Mavic 2 Zoom კარგი არჩევანი იქნება, მისი 2x ზუმ ლინზის გამო.

ხოლო იმ შემთხვევაში თუ ბევრი თანხის ინვესტირება არ გადაგიწყვეტიათ, ჩვენ გირჩევთ DJI Mavic Air 2 (799 დოლარი), რომლის ფრენის დროის ხანგრძლივობა 34 წუთია, გააჩნია ახალი კამერა ½ ინჩიანი სენსორით და იღებს 48 მეგაპიქსელიან ფოტოებს და ვიდეოს რეზოლუცია 4K/120 fps-ს უტოლდება.

თუ დრონს 100 დოლარზე ნაკლებ ფასში ეძებთ, აქ წარმოდგენილია საუკეთესო იაფფასიანი დრონების ჩამონათვალი, ბევრი მათგანი ბავშვებისათვის და დამწყებთათვის საპრაქტიკოდ, ოპტიმალური არჩევანიც იქნება.

აქ კი, მოდით, უახლესი დრონები განვიხილოთ: PowerEgg X, რომლის ფასიც 999 დოლარიდან იწყება. იგი მოდულური დიზაინითაა წარმოდგენილი, რაც იმას ნიშნავს რომ მას ხელის ვიდეოკამერადაც გამოიყენებთ. თქვენ ასევე მიიღებთ წყალგამძლე შეფუთვასა და პონტონს, ამიტომაც წვიმაშიც უპრობლემოდ შეძლებთ მის გამოყენებას და წყლის ზედაპირზეც უსაფრთხოდ დასვამთ. V-Coptr Falcon-ს, აგრეთვე 999 დოლარის ღირებულებით, მხოლოდ ორი როტორი აქვს, რაც მისი ელემენტის ხანგრძლივობას 50 წუთამდე ახანგრძლივებს. ბოლო AirPix drone, 99 დოლარიანი მოდელია, რომელიც იმდენად მცირე ზომისაა რომ თქვენს ჯიბეშიც თავისუფლად მოთავსდება, მისი საშუალებით 12 MP ფოტოებისა და 1080p ვიდეოების გადაღებას შეძლებთ. მისი მართვა კი აპლიკაციით ან ხელის ჟესტებით შეგეძლებათ.

საუკეთესო დრონები, რომელთა ყიდვაც დღეს შეგიძლიათ

1. DJI Mavic Mini

საერთო შეფასებით საუკეთესო დრონი

ფრენის დრო30 წუთი | კამერა2.7K/30 fps | სმარტფონით მართვის ფუნქციადიახ | FAA რეგისტრაციაარ საჭიროებს | სახლში გამოყენებაარა | როტორები4 (2 ფრთა თითო როტორზე, ჩანაცვლებადი) | ზომა (დაუკეცავი): 9.6 x 11.4 x 2.1 ინჩი | წონა249 გრამი

✅ შედარებით დაბალფასიანი

✅ ელემენტის დიდი ხანგრძლივობა

✅ მარტივად სამართავი

❌ Mavic Air-თან შედარებით დაბალი რეზოლუცია

❌ მეტად მგრძნობიარე ძლიერ ქარზე

ადამიანთა დიდი უმრავლესობისათვის DJI Mavic Mini საუკეთესო დრონია, რომელიც ერგება მათ ყველა საჭიროებას. ის მცირე ზომისაა, საკუთარ ხელისგულზეც კი მარტივად თავსდება, მისი მართვა იოლია და ელემენტი მუხტს 30 წუთის მანძილზე ინარჩუნებს. მისი ფასი 400 დოლარზე ნაკლებია და ის ერთ-ერთი ყველაზე დაბალფასიანი DJI-ს დრონია, რაც მას მასებისათვის იოლად ხელმისაწვდომს ხდის.

Mavic Mini-ს კამერის რეზოლუცია 2.7K/30 fps-ია, ანუ იგი 4K კამერიან Mavic Air და Mavic Pro-ზე უფრო ნაკლები რესურსის მქონეა, მაგრამ რაც ამ მოდელს გამოარჩევს მისი კარდანული სტაბილიზაციაა, რაც კადრების ბალანსირებას და რბილ გადაღებას უზრუნველყოფს. რადგანაც მისი წონა სულ რაღაც 249 გრამია, მისი რეგისტრირება არ მოგიწევთ ფედერალურ საავიაციო სააგენტოში, მაგრამ ეს ასევე ნიშნავს იმას რომ დრონი უფრო მგრძნობიარეა ძლიერ ქარზე.

2. DJI Mavic Air 2

საუკეთესო დრონი მათთვის, ვისაც 4K ვიდეოს გადაღება 1,000 დოლარზე ნაკლებ ფასად სურს

ფრენის დრო34 წუთი | კამერა4K/60 fps | სმარტფონით მართვის ფუნქციადიახ | FAA რეგისტრაციასაჭიროებს | სახლში გამოყენებაარა | როტორები4 (2 ფრთა თითო როტორზე, ჩანაცვლებადი) | ზომა (დაკეცილი): 7.1 x 3.8 x 3.3 ინჩი | ზომა (unfolded: 9.96 x 7.2 x 3 ინჩი | წონა566 გრამი

✅ სწრაფი საფრენი

✅ ელემენტის მაღალი ხანგრძლივობა

✅ კომფორტული კონტროლერი

✅ შესანიშნავი ფოტოები და ვიდეოები

❌ წინა მოდელთან შედარებით უღიმღამო დიზაინი

DJI Mavic Air 2 საუკეთესო დრონია მათთვის, ვისაც ვიდეოს გადაღება 4K ხარისხით სურს, მაგრამ სანაცვლოდ დიდი თანხის გაღებასაც არ განიხილავს. Mavic Air-ის აღნიშნული მეორე განახლება აღჭურვილია გაუმჯობესებული კამერით, 4K ვიდეოს 60 კადრი/წამში გადაღების ფუნქციონალით, super slo mo 240p ვიდეოს გადაღების შესაძლებლობითაც full HD რეზოლუციებზე. რაც შეეხება ფოტოების ხარისხს, მას შეუძლია სუპერ სიდიდის 48-მეგაპიქსელიანი ფოტოები გადაიღოს.

DJI-ს ახალ ვერსიაში გაუმჯობესება შეიმჩნევა საფრენ დროშიც, რაც უკვე 34 წუთს უტოლდება, ასევე უკეთ ახერხებს ობიექტის ე.წ. “თრექინგს“, შესაბამისად, თუ ერთი წუთით, მაგალითად ხის უკან აღმოჩნდით და დისტანციური მართვის სიგნალმა დრონამდე ვერ მიაღწია, იგი შეინარჩუნებს იქამდე არსებულ პოზიციას და არ ჩამოვარდება. გარდა ამისა, Mavic Air 2-ს შეუძლია მიიღოს ADS-B სიგნალები, შესაბამისად, თქვენ უფრო ადრე გაიგებთ უახლოვდება თუ არა მას რომელიმე სხვა საფრენი აპარატი. ერთადერთ ნაკლად კი ის შეიძლება ჩაითვალოს, რომ Mavic Air 2-იც უკვე Mavic Mini-სა და Mavic Pro-ს უღიმღამო ვიზუალს იზიარებს. მაგრამ, ამაზე თვალის დახუჭვა ნამდვილად ღირს, როცა საქმე ასეთ პერფორმანსს ეხება!

3. DJI Mavic 2 Pro/ DJI Mavic 2 Zoom

საუკეთესო კამერა-დრონი

ფრენის დრო31 წუთი | კამერა4K/30 fps | სმარტფონით მართვის ფუნქციადიახ | FAA რეგისტრაციასაჭიროებს | სახლში გამოყენებაარა | როტორები4 (2 ფრთა თითოეულ როტორზე, ჩანაცვლებადი) | ზომა12.7 x 9.5 x 3.3 ინჩი | წონაPro: 907 გრამი; Zoom: 904 გრამი

✅ მარტივად საფრენი

✅ ელემენტის დიდი ხანგრძლივობა

✅ შესანიშნავი კამერები

✅ დაბრკოლების 360-გრადუსიანი არიდება

❌ მაღალი ფასი

❌ როტორის პრობლემები მზის შუქზე

თუ საჰაერო ფოტოგრაფიის თქვენი საჭიროებები კიდევ უფრო კომპლექსურია, დროა განიხილოთ DJI-ს სხვა დრონიც.. DJI Mavic 2 საუკეთესო დრონია იმ ვიდეოგრაფებისა და ფოტოგრაფებისათვის, რომლებიც all-in-one საჰაერო პლატფორმის ძიებაში არიან. (არსებობს სხვა, უფრო ძვირიანი დრონებიც, რომლებიც მოიცავენ DSLR-ებს და სხვა დამატებით კამერებს, რომლებიც გაცილებით უფრო ძვირიცაა).

Mavic 2 გამოდის ორ ვერსიად: 1,4999 დოლარიანი Mavic 2 Pro 1-ინჩიან Hasselblad სენსორითაა აღჭურვილი, რომლითაც მაღალი ხარისხის ფოტოებსა და ვიდეოებს გადაიღებთ, მაშინ როა 1,249 დოლარიანი Mavic 2 Zoom-ის მახასიათებლები 2x ოპტიკური ზუმის ლინზასაც მომიცავს. თითოეული ვერსია კარგი არჩევანია, თუმცა Zoom-მა ჩვენს ტესტირებებში უფრო მრავალმხრივი შედეგები აჩვენა. რომელ Mavic 2-საც აარჩევთ, ორივე შემთხვევაში თქვენ მიერ შეძენილი პროდუქტი იქნება მარტივად სამართავი და აღჭურვილი 360 გრადუსიანი დაბრკოლების თავიდან არიდების ფუნქციონალით.

4. Ryze Tech Tello

საუკეთესო დრონი ბავშვებისათვის

ფრენის დრო: 12-15 წუთი | კამერა: 720p | სმარტფონით მართვის ფუნქცია: ნებაყოფლობითი | FAA რეგისტრაცია: არ საჭიროებს | სახლში გამოყენება: დიახ | როტორები: 4 (2 ფრთა თითოეულ როტორზე, ჩანაცვლებადი) | Size: 6 x 6 x 1.3 ინჩი | წონა: 85 გრამი

✅ მცირე ზომის, სწრაფი დრონი

✅ მარტივად სამართავი

✅ კომფორტული დისტანციური მართვა

❌ Scratch პროგრამირების ენა რთული გასამართია

❌ ელემენტის მცირე ხანგრძლივობა

100 დოლარზე ნაკლებ ფასად თქვენ შეგიძლიათ შეიძინოთ Ryze Tech Tello – რომელიც DJI-ს მიერ შეიქმნა დამწყები მომხმარებლებისათვის და საკმაოდ ბიუჯეტური ფასითაა წარმოდგენილი. თუმცა, რითაც ის სხვა დაბალფასიანი საბავშვო დრონებისგან გამოირჩევა, გახლავთ ის რომ მისი დაპროგრამება Scratch-ის მეშვეობითაა შესაძლებელი, რაც ამ დრონს არამხოლოდ გასართობ, არამედ საგანმანათლებლო მოწყობილობის ფუნქციებსაც სძენს.

გარდა ამისა, Tello-ს გააჩნია 720p კამერა, რომელიც ვიდეოს საკმაოდ კარგ ხარისხში იღებს და მისი მართვაც ძალიან იოლია. ყველაზე დიდი პრობლემა, რასაც მისი გამოცდის დროს გადავაწყდით, ის იყო, რომ ფრენის დრო სულ რაღაც 5 წუთს შეადგენს, შესაბამისად, დამატებითი ელემენტების საკმაოდ დიდი მარაგი თან უნდა იქონიოთ ხოლმე, თუ მის ყიდვას გადაწყვეტთ.

5. Blade Nano QX RTF

საუკეთესო დრონი 100 დოლარზე ნაკლებფასიან კატეგორიაში

ფრენის დრო8 წუთი | კამერაარა | სმარტფონით მართვის ფუნქციაარა | FAA რეგისტრაციაარ საჭიროებს | სახლში გამოყენებადიახ | როტორები4 (2 ფრთა თითოეულ როტორზე, ჩანაცვლებადი) | Size: 5.5 x 5.5 x 2 ინჩი | წონა17 გრამი

✅ სახალისო და მგრძნობიარე

✅ მართვის სიმარტივე

✅ მოჰყვება სათადარიგო ფრთები და ტენტი

❌ ელემენტის მცირე სიცოცხლისუნარიანობა

❌ ქარისადმი მაღალი მგრძნობელობა

თუ დამწყები ხართ და დაბალფასიან დრონს ეძებთ მართვის საფუძვლების ასათვისებლად, Blade Nano QX საუკეთესოდ გემსახურებათ ამ საქმეში, მას მახასიათებლების ფართო არჩევანი აქვს და თანაც მისი ფასი სულ რაღაც 50 დოლარს შეადგენს. უბრალო Blade Nano QX RTF-ს არ აქვს კამერა, თუმცა ის სწრაფი და კარგად მანევრირებადია.

ჩვენ ასევე მოგვეწონა მისი მტკიცე ფრთის დამცავები, რომელიც უზრუნველყოფს მის მდგრადობას დაჯახების შემთხვევაში. თუმცა, მისი ელემენტის ხანგრძლივობა მოკლეა, დაახლოებით 7-8 წუთის მანძილზე ინარჩუნებს მუხტს.

როგორ უნდა აირჩიოთ თქვენზე მორგებული საუკეთესო დრონი

დრონები უბრალოდ ფრენით სიამოვნების მიღებისათვის არაა შექმნილი. მათ შეუძლიათ თქვენ გამაოგნებელი კადრები გადაგაღებინოთ სკამაოდ დიდი სიმაღლიდან, თანაც 4K ვიდეოს ხარისხით. ისინი დღეს კიდევ უფრო ხელმისაწვდომია, რასაც ისიც მოწმობს რომ ხარისხიანი დამწყებთათვის განკუთვნილი მოდელების ფასი 60 დოლარზე ნაკლებია. კარგი კამერა დრონების ფასები კი რამდენიმე ასეული დოლარიდან იწყება. კიდევ უფრო კომპლექსური დრონების შეძენას 1,000 დოლარზე ნაკლებ ფასად შეძლებთ და მათი დიდი ღირსებაა მორგებადი და პროგრამირებადი მახასიათებლები, რაც მათ ხდის ჭეშმარიტად ავტონომიურ მოწყობილობებად, რომელთაც თავად შეუძლიათ საკუთრივ, მიიღონ გადაწყვეტილებები. 

დრონები სრულებით არაა რთული მოწყობილობები, თუმცა არსებობს რამდენიმე საკვანძო მახასიათებელი, რომლის გათვალისწინებაც საჭიროა, როცა მათ საყიდლად წახვალთ. ასევე არსებობს რამდენიმე აუცილებელი წესი, რომელიც უნდა დაიცვათ, როცა მას ჰაერში გაუშვებთ.

საკანონმდებლო მოთხოვნები

FAA გააჩნია წესები, რომლებსაც უნდა მიჰყვეთ. ორი ყველაზე მნიშვნელოვანი მათგანი ასე გამოიყურება: არასოდეს მოახდინოთ მისი ექსპლუატაცია ხალხის ირგვლივ ან მათ ზემოთ და ყოველთვის გყავდეთ თქვენი დრონი მხედველობაში. FAA-ს უსაფრთხოების გაიდლაინების სრული სია მოდელების მიხედვით აქაა წარმოდგენილი, რომელსაც თქვენ უნდა გადახედოთ და გულდასმით გაეცნოთ, სანამ მოახდენთ დრონის ექსპლუატაციას. ასევე არსებობს შეზღუდვები თუ სად შეგიძლიათ თქვენ მისი გაშვება: მაგალითად, აეროპორტიდან 8 კილომეტრამდე რადიუსში.

არაკომერციული დრონები, რომელთა წონაც 250 გრამიდან 25 კილოგრამამდეა უნდა იქნას რეგისტრირებული და როდესაც დრონს ექსპლუატაციაში შეიყვანთ, ყოველ ჯერზე თან უნდა იქონიოთ აღნიშნული ლიცენზია.

დისტანციური მართვა

დრონების უმრავლესობა იყენებს დისტანციური მართვის ორ ჯოისტიკს – ისეთებს, როგორც PC თამაშის კონტროლერებია. ერთი მათგანით იმართება კვადროკოფტერი, მათ შორის ბრუნვა (მარჯვნივ და მარცხნივ გადახრა) და სიმაღლე (ზემოთ ასვლა და ქვემოთ ჩამოსვლა). მეორე მათგანი კი სიჩქარესა და კვადროკოფტერის ბრუნვაზეა პასუხისმგებელი. კარგი დისტანციური კონტროლერი ხელში მარტივად უნდა თავსდებოდეს, სტიკები კომფორტულად უნდა იყოს თქვენს ცერა თითებზე მორგებული და შეგრძნებაც რბილი და მგრძნობიარე, უნდა დაგრჩეთ იმისა რომ სტიკის თითოეულ შეხებაზე დრონი შესაბამისად, სწრაფად რეაგირებს.

ზოგიერთი მოდელი უარყოფს დისტანციური კონტროლის არხს და დამატებითი ხარჯის გაღების სანაცვლოდ შემოგთავაზებთ აპლიკაციას, რომელიც თქვენი სმარტფონიდან Wi-Fi კავშირის საშუალებით აამოძრავებს თქვენს დრონს. ეს აპლიკაციები ხშირად აღჭურვილია ფუნქციონალით, რომლითაც ლაივ რეჟიმში უყურებთ ვიდეო სტრიმს დრონიდან. თუმცა, ეს აპლიკაციები არ გამოირჩევიან პრეციზიულობით, იგივე სიზუსტით და ეკრანზე თითის ასრიალების შემთხვევაში, შესაძლოა დრონი ჩამოაგდოთ.

კონსტრუქცია და შეკეთება

დრონები ყოველთვის განიცდიან მარცხს, მიუხედავად რეკლამების საწინააღმდეგო მტკიცებისა. კარგი დრონი კი ამ დაუგეგმავ მოვლენას დაზიანების გარეშე იმ შემთხვევაში დაუძვრება ხელიდან, თუ მისი კორპუსი საკმარისად მტკიცეა. ასეთ დრონს აგრეთვე მოჰყვება სპეციალური ფარები, რომლებიც იცავს როტორებსა და ელექტრულ ნაწილებს დაზიანებისაგან.

ასეთი გაწეული წინდახედულების მიუხედავად, რაღაცები მაინც ზიანდება, დროდადრო, განსაკუთრებით, სარბოლო დრონების შემთხვევაში. კარგი მოდელის ყიდვის შემთხვევაში, თქვენ ასევე მიიღებთ იაფფასიანი ნაწილების მარაგს, როგორიცაა როტორები და სტრატები, რათა ჩაანაცვლოთ ისინი დაზიანების შემთხვევაში, და ასევე ეს ჩანაცვლება თქვენივე ხელით მოახერხოთ. იგივე ვრცელდება ელემენტებზეც.

ელემენტები

ძალიან ცოტაა ისეთი დრონი, რომლის ფრენის ხანგრძლიობა 20-30 წუთს აჭარბებს ერთ დამუხტვაზე, შესაბამისად, ელემენტის შეცვლის სიიოლე გაგანებივრებთ საფრენი დროის სიჭარბით. ეს მახასიათებელი მეტწილად ძვირიან მოდელებში გვხვდება, სათადარიგო ელემენტის ფასი ხშირად 100 დოლარს აჭარბებს.

კამერა

მნიშვნელობა არ აქვს იმას, კამერა ჩაშენებული იქნება თუ დამატებითი, ორივე შემთხვევაში დრონები საშუალებას გაძლევთ გადაიღოთ გასაოცარი ხედები. საუკეთესო დრონები აღჭურვილია ისეთი კამერებით, რომლებიც ვიდეოს 4K ან უფრო მაღალი რეზოლუციით იღებენ, მაგრამ ამ ბოლოს შეიმჩნევა ტენდენცია, ბიუჯეტური მოდელებიც კი უკეთესი ხარისხის კამერებით იღჭურვება და სულ მცირე 720p გახლავთ ვიდეოების რეზოლუცია. თუმცა, მათ შედარებით მცირე ზომის გამოსახულების სენსორებიც აქვთ, რაც აისახება ფოტოს ხარისხზეც.

ზოგიერთი დრონი ასევე first-person view (FPV) მახასიათებლითაცაა გამორჩეული, აგზავნის პილოტის-თვალის ხედვას დრონიდან საკუთრივ ტელეფონზე ან პლანშეტზე. ზოგიერთი მოდელი ვიდეო სათვალეებსაც კი გთავაზობთ პილოტის სავარძელში ჯდომის ცოცხალი გამოცდილების მისაღებად.

როგორ ვცდით დრონებს

როდესაც ახალ დრონს ვამოწმებთ, ჩვენ ყურადღებას ვამახვილებთ რიგ ფაქტორებზე:

  • დიზაინი: რამდენად ხარისხიანადაა დრონი აგებული და რამდენად კარგად გამოიყურება? თუ მას კონტროლერი მოყვება, ჩვენ ასევე გამოწმებთ მის ერგონომიკასაც. 
  • გამძლეობა/შეკეთებადობა: გვინდა თუ არა, ამის აღიარება მოგვიწევს. სულ მცირე ერთხელ მაინც შეიძლება თქვენმა დრონმა მარცხი განიცადოს, მაგრამ კარგი მოდელი უნდა ახერხებდეს ამ სიტუაციასთან უპრობლემოდ გამკლავებას. და თუ რაიმე დაუზიანდება (ძირითადად, ეს ნაწილი როტორია), რამდენად მარტივად ხდება მისი შეკეთება?
  • ფრენის პერფორმანსი: რამდენად მარტივია დრონის ექსპლუატაცია? ცაში ლივლივის დროს არის თუ არა ის სტაბილური, თუ საჭიროებს ჯოისტიკზე მუდმივ კონტროლს? რამდენად კარგად პასუხობს ის თქვენს მოთხოვნებს?
  • აპლიკაცია: რამდენად ინტუიტიურია აპლიკაცია? რა ტიპის მახასიათებლებია ხელმისაწვდომი?
  • კამერის ხარისხი: თუ დრონს კამერა აქვს, რამდენად კარგი ხარისხის ფოტოებს და ვიდეოებს იღებს?
  • ფრენის დრო: რამდენ ხანს ძლებს დრონის ელემენტი, ექსპლუატაციის მანძილზე? ეს დამოკიდებულია დრონის ზომაზე, მაგრამ საუკეთესო დრონების ელემენტები 25-30 წუთის მანძილზე ახერხებენ მუხტის შენარჩუნებას. 
  • ფასი: ცხადია ჩვენ 50 დოლარიანი დრონისაგან იმავე პერფორმანსს არ მოველით, რამდენსაც 1,000 დოლარიანი დრონისაგან, ასე რომ ჩვენ მის ფასსაც ვითვალისწინებთ სანამ საბოლოო ვერდიქტზე შევთანხმდებით.

დრონები შეგიძლიათ შეიძინოთ baba.ge-ზე