უკვე მრავალი წელია, რაც  სათამაშოები ბავშვთა ფსიქოლოგთათვის ერთ-ერთი მთავარი დაკვირვების საგანია. მათი თქმით, სათამაშო უნდა იყოს დატვირთული ისეთი დეტალებით, რომელიც ბავშვს ტვინის განვითარებისკენ უბიძგებს. მარტივად რომ ვთქვათ, ბავშვს უნდა შეეძლოს თამაშის დროს ტვინის გავარჯიშება. მშობლები ხშირად მიეშურებიან სხვადასხვა სახის პაზლებისა და ასაწყობი სათამაშოების დახლებისაკენ, რათა ბავშვის ტვინი თამაშის დროსაც არ მოდუნდეს და იყოს ფორმაში. სწორედ ასეთი პროდუქტია ლითონის კონსტრუქტორები.

ლითონის კონსტრუქტორები ბავშვის განვითარების ერთ-ერთი მთავარი საწინდარია. დღესდღეობით კი გვაქვს ფუფუნება, ლითონის კონსტრუქტორი ვიხილოთ არაერთ ფორმაში, იქნება ეს შენობა, მანქანა, თვითმფრინავი თუ სხვა ყველა ის საგანი, რაც ბავშვს იზიდავს და აინტერესებს. კონსტრუქტორი ბავშვს ეხმარება მთავარი უნარის, ანუ აზროვნების გამომუშავებაში. როცა ბავშვი თამაშის დროს გონებრივად პროდუქტიულია, აქედანვე მზად არის სტრესის გარეშე გაუმკლავდეს შემდგომში ისეთ აქტივობებს, რომელიც მოითხოვს აზროვნებას. რატომ არ გაუჭირდება ბავშვს ამ აქტივობასთან გამკლავება? რადგან მას ეს უკანასკნელი უნარი, აზროვნების სახით უკვე გამომუშავებული აქვს და ცხადია მისთვის მხოლოდ სასიამოვნო გამოწვევას წარმოადგენს და არა რაიმე უცხოს, შემაშინებელს და სტრესულს.

დროთა განმავლობაში დიზაინერებმა დახვეწეს ლითონის კონსტრუქტორების დიზაინი. ის დროსთან ერთად კიდევ უფრო მიმზიდველი გახდა ბავშვისათვის. განარჩევენ კონსტრუქტორებს სხვადასხვა ასაკის ბავშვებისათვის, მისი სირთულიდან გამომდინარე. ანუ თამამად შეგვიძლია ვთქვათ, რომ ეს პროდუქტი სათამაშოების დიზაინერებისა და ბავშვთა ფსიქოლოგების ერთობლივი პროექტია.

რადგან რკინა ასე თუ ისე მაინც უხეში მასალაა, კონსტრუქტორის შექმნის მთავარი მიზანი მისი უსაფრთხოდ გამოყენებაცაა. სწორედ ამიტომ, კარგად არის მოფიქრებული და შემუშავებული თითოეული დეტალი. კონსტრუქტორს არ უნდა ჰქონდეს  ბასრი დაბოლოებები და მშობელი არ უნდა ფიქრობდეს რომ მისი პატარა თამაშისას რამეს დაიზიანებს, რადგან როგორც უკვე აღვნიშნეთ, კონსტრუქტორთან ურთიერთობა ბავშვისათვის უნდა იყოს უსაფრთხო და ეს ყველაზე მნიშვნელოვანი პუნქტი, მკაცრად არის გათვალისწინებული ლითონის კონსტრუქტორის შემქმნელის მიერ.

უმჯობესია შეიძინოთ კონსტრუქტორი, რომელსაც მოჰყვება სერთიფიკატი.

სასურველია სწორად შეარჩიოთ ბავშვის ინდივიდუალური ინტერესებიდან გამომდინარე, თუ როგორი ტიპის კონსტრუქტორის აწყობა მიანიჭებდა სიამოვნებას. სასურველია შეარჩიოთ ასაკობრივი რეკომენდაციიდან გამომდინარე, რადგან ბავშვისთვის ზედმეტად რთული არ აღმოჩნდეს და ეს ფაქტი არ შეეხოს მისი თვითშეფასების ნაწილს, რადგან პატარები ძალიან მგრძნობიარეები არიან მაშინ, როცა საქმე გონებრივ აქტივობას ეხება.

თუ შევაჯამებთ, ვიტყვით, რომ ლითონის კონსტრუქტორი არის პროდუქტი, რომელიც პირველ რიგში მიმზიდველი და საინტერესოა ყველა კატეგორიის ბავშვისათვის(საჭიროა მისი სწორი შერჩევა, ზემოთჩამოთვლილი კრიტერიუმებიდან გამომდინარე), არის გონების ერთ-ერთი საუკეთესო სავარჯიშო თვით თამაშის პროცესში, სადაც ბავშვი სწავლობს მიჰყვეს მითითებებს გზამკვლევის გათვალისწინებით, რომელიც თითოეულ კონსტრუქტორს თან ახლავს. მშვიდად და თავდაჯერებულად მიჰყვება თითოეულ დეტალს და აწყდება დამოუკიდებლად გადალახვად სირთულეებს.

ფსიქოლოგების რეკომენდაციით, ლითონის კონსტრუქტორი არის პროდუქტი, რომელიც აქტიურად უნდა იქნას გამოყენებული ბაღსა და დაწყებით კლასებში. რადგან მასთან ურთიერთობისას ბავშვი სწავლობს სამყაროში ყველაზე მნიშვნელოვანი იარაღის - აზროვნების გამოყენებას.