ჩვენ დაგეხმარებით თქვენ საუკეთესო კონდიციონერის შერჩევაში

როგორ ავარჩიოთ კონდიციონერი

ზაფხულის მოახლოებასთან ერთად ყველა ვიწყებთ გაგრილების საშუალებებზე ფიქრს. თუ ცენტრალური კონდიცირების სისტემებით არ გვაქვს ბინა აღჭურვილი, არაუშავს, შეგვიძლია ერთი ან ორი ოთახისთვის არც ისე ძვირად აღმოვაჩინოთ ოთახის ენერგო-ეფექტური კონდიციონერები.

უნდა იცოდეთ რომ სიცხესთან ბრძოლაში თქვენ მარტო არ ხართ. მხოლოდ 2017 წელს აშშ-ში 8 მილიონი ერთეული ოთახის კონდიციონერი გაიყიდა. ტიპიური ოჯახი მისი წლიური შემოსავლის 13 პროცენტს გაგრილების გადასახადებში ხარჯავს – აცხადებს გამოცემა Energy Star. ასე რომ, მნიშვნელოვანია რომ სწორად აარჩიოთ კონდიციონერი. ძალიან პატარა ზომის კონდიციონერით ვერ გააგრილებთ საშუალო სიდიდის ოთახსაც კი. ძალიან დიდის ყიდვის შემთხვევაში კი მართალია სწრაფად გააგრილებთ ოთახს, თუმცა ტენიანობის შემცირებას ამის თანადროულად სრულებით ვერ მოახერხებს და მიიღებთ გრილ, მაგრამ ნესტიან ოთახს.

როგორ ვტესტავთ ოთახის კონდიციონერებს

მომხმარებელთა კვლევებში ჩვენ შერჩეული პროდუქტის გამოცდის სპეციფიური ტექნოლოგია გვაქვს შემუშავებული. ამ შემთხვევაში, ჩვენ კონდიციონერებს განსაკუთრებულ, კლიმატის კონტროლის ფუნქციონალის მქონე პალატაში ვცდით. ჩვენ ვტესტავთ ფანჯრის კონდიციონერების სამ კატეგორიას – პატარას, საშუალოს და დიდს. ჩვენ პალატაში ტემპერატურას 32 გრადუსამდე ვზრდით და შემდეგ ვზომავთ, რა დრო დასჭირდება კონდიციონერს საიმისოდ რომ ტემპერატურის ნიშნული 10 გრადუსით შეამციროს. ჩვენ იმასაც ვზომავთ თუ რამდენი ხნის მანძილზე ახერხებს კონდიციონერი დაყენებული ტემპერატურის შენარჩუნებას. და ამასთანავე, რადგან ხმაურიანი კონდიციონერები საკმაოდ დიდ გამღიზიანებელს წარმოადგენს, ჩვენ თითოეული ერთეულის ხმაურის დონეს ვზომავთ როგორც ყველაზე დაბალი ბრუნის ასევე ყველაზე მაღალი ბრუნის შემთხვევაშიც.

ყურადღება გაამახვილეთ ენერგოდაზოგვით მხარეზე

Energy Star ბრენდის ახალ კონდიციონერები ბევრად ძლიერი მაიზოლირებელი ეფექტით გამოირჩევა და თანხმლები ინსტრუქციებითაც უკეთ გაარკვევთ თუ როგორ უნდა მოიხმაროთ ის სწორად.

მიაქციეთ ყურადღება ხმაურს
ჩვენს რეიტინგებში „შესანიშნავი“ ან „ძალიან კარგი“ შეფასება დაიმსახურა იმ ერთეულებმა, რომელთა გამოცდის დროს მხოლოდ და მხოლოდ ვენტილატორის ბრუნის ხმა ისმოდა.

გაითვალისწინეთ ფანჯრის ლოკაცია

ფანჯრის კონდიციონერები, ჰაერის გაგრილების ამოცანას უკეთ გრილი ჰაერის ნაკადის ერთი მიმართულებით გაშვებით უმკლავდებიან. ეს კი პრობლემა ხდება, მაშინ, როდესაც თქვენი ფანჯარა კედლის ცენტრალურ ნაწილში არაა განთავსებული. იმისთვის, რომ ოთახი თანაბრად გააგრილოთ, ჰაერის მიმართულება უნდა იყოს პირდაპირ ცენტრისკენ, ასე რომ, სანამ იყიდიდეთ, აუცილებლად შეამოწმეთ კონდიციონერს შეუძლია თუ არა ჰაერის ნაკადის მარჯვნივ თუ მარცხნივ მიმართვა. ზოგ კონდიციონერს გააჩნია მოძრავი ვენტილატორის ფრთებიც.
დაამონტაჟეთ სწორად

იმისთვის რომ მიიღოთ მაქსიმუმი პროდუქტისაგან, პირველ რიგში ის სწორად უნდა იქნას დამონტაჟებული. კონდიციონერთა უმრავლესობა განსაზღვრულია ორფრთიანი ფანჯრებისათვის. იმ შემთხვევაში, თუ თქვენ საგდულიანი ფანჯარა გაქვთ, უმჯობესი იქნება კედელზე დასამონტაჟებელ კონდიციონერზე შეაჩეროთ არჩევანი. დარწმუნდით იმაში, რომ სწორადაა დაკიდებული და დრენირების პროცესი არ ფერხდება. ასევე ეცადეთ, მოაშოროთ ისეთი სითბოს გამომყოფი მოწყობილობები, როგორიცაა ტელევიზორი ან სანათი.

შეამოწმეთ ფილტრის მდებარეობა

ასევე უნდა დარწმუნდეთ იმაში, რომ ფილტრი გასაწმენდად იოლად მისადგომ ადგილასაა განთავსებული. ეს ისეთი რამაა, რაც ხშირად უნდა აკეთოთ, კონდიციონერის გაფუჭების თავიდან ასარიდებლად.

განიხილეთ „intelligent” – ჭკვიანი გაგრილება
ზოგიერთი კონდიციონერი კიდევ უფრო დაჭკვიანდა, ისინი დღეს უკვე საშუალებას გაძლევენ მართოთ და დაარეგულიროთ ისინი თქვენი სმარტფონიდანაც კი. თქვენ ასევე შეგიძლიათ დაუკავშიროთ ისინი სახლში არსებულ სხვა გამაგრილებელ მოწყობილობებს.

დააკვირდით გარანტიას
ამ პარამეტრითაც განსხვავდებიან კონდიციონერები. ზოგი მწარმოებელი სხვაზე მეტ საგარანტიო პერიოდს გთავაზობთ. როდესაც ახალ კონდიციონერს ყიდულობთ, გადახედეთ მწარმოებლის ვებსაიტს ამ ინფორმაციის მისაღებად და ასევე ჰკითხეთ საცალო მოვაჭრესაც თქვენ მიერ შერჩეული ბრენდისა და კონკრეტულად იმ მოდელის საგარანტიო პირობების შესახებაც.

გადახედეთ რეიტინგებს.

ჩაატარეთ გაზომვები

იქამდე სანამ ფასსა და მახასიათებლებზე ფიქრს დაიწყებდეთ, განსაზღვრეთ რა ზომის კონდიციონერი გესაჭიროებათ გასაგრილებელი სივრცისათვის და ასევე ისიც, თუ სად უნდა განათავსოთ იგი. ფანჯრის კონდიციონერების ტესტირებამ აჩვენა რომ მათ გააჩნიათ 5,000-დან 12,500-მდე BTU ბრიტანული თერმული ერთეულის გაგრილების მაქსიმალური ლიმიტი.

თქვენი ოთახის გასაზომად, უნდა გაამრავლოთ ოთახის სიგრძე მის სიგანეზე. თუმცა, მხოლოდ btu-ს მაჩვენებელზე დაყრდნობითაც ნუ იყიდით. Energy Star გირჩევთ ყურადღება მიაქციოთ ასევე ისეთ მახასიათებლებს, როგორიცაა ჭერის სიმაღლე, სად იქნება კონდიციონერი განთავსებული და რა სიდიდე აქვს თქვენს ფანჯრებსა და კარებს. ამას გარდა გაითვალისწინეთ:

• თუ ოთახი საკმაოდ ჩრდილშია, შეგიძლიათ 10 პროცენტით ნაკლები დატვირთვის კონდიციონერი შეიძინოთ.
• თუ ოთახი ზედმეტად მზიანია, დატვირთვა გაზარდეთ 10 პროცენტით.
• თუ ოტახში ორზე მეტი ადამიანი რეგულარულად იმყოფება, დაამატეთ 600 Btu თითოეულ ადამიანზე.
• თუ კონდიციონერი სამზარეულოსთვის გსურთ შეიძინოთ, დატვირთვა გაზარდეთ 4,000 Btu-თი.

უმაღლესი შეფასების კონდიციონერებს იხილავთ აქ.

რომელი მოდელია თქვენთვის შესაფერისი?

ზოგიერთი მცირე ზომის ფანჯრის კონდიციონერი 200 დოლარზე უფრო ნაკლები ღირს, რაც საკმაოდ მაცდური ვარიანტი შეიძლება იყოს – მაგრამ მხოლოდ იმ შემთხვევაში, თუ თქვენ ძალიან პატარა სივრცის გაგრილება გჭირდებათ. თუმცა, თუ გასაგრილებელი სივრცე უფრო მოოცულობითია, აუცილებლად უნდა ეძიოთ ისეთი კონდიციონერი, რომელიც უკეთ შეესაბამება თქვენი კვადრატულობის მოთხოვნას.

ჩვენ მიერ გამოცდილი ფანჯრის თითქმის ყველა კონდიციონერი აკმაყოფილებს Energy Star-ის სტანდარტებს, რომლებიც მოითხოვს სულ მცირე 10%-ით უკეთეს წარმადობას ვიდრე სხვა, ამ სერთიფიკატის არმქონე პროდუქტებისას. გამორჩეული მოდელები ხასიათდება უხმაურო მუშაობით და მოსახერხებელი მართვის პულტიც აქვს და ისინი ასევე ნაწილობრივ დაბნელებულ პირობებშიც მშვენივრად ართმევენ თავს გაგრილების ოპერაციას. მეტი ინფორმაციისთვის გადახედეთ ჩვენს კონდიციონერების რეიტინგებს.

ფანჯრის კონდიციონერები

პატარა – დატვირთვის დიაპაზონი მერყეობს 5,000-დან 6,500 Btu-მდე. აგრილებს, უხეშად რომ დავთვალოთ 9-დან 28 კვადრატულ მეტრამდე. ეს კონდიციონერები ზომით ყველაზე მცირე, მსუბუქი და ნაკლებ დანახარჯიანია, მაგრამ ისინი ვერ ახერხებენ 28 კვადრატული მეტრის ფართობზე უფრო დიდი ოთახის ადეკვატურ გაგრილებას.

ფასი: 150 დოლარიდან  250 დოლარამდე.

საშუალო — დატვირთვის დიაპაზონი მერყეობს 7,000-დან 8,200 Btu-მდე. დაახლოებით 23-დან 37 კვადრატულ მეტრამდე ფართობს აგრილებს. ფასებიც შესაბამისად იზრდება და მათი ზომისა და წონის გამო მათი საკუთარი ხელით დამონტაჟება და ზამთარში მათი მოხსნა შესანახად უფრო რთულია.

ფასი: 200 დოლარიდან 400 დოლარამდე.

დიდი — დატვირთვის დიაპაზონი მერყეობს 9,800-დან 12,500 Btu-მდე. აგრილებს 32,5-დან 60 კვადრატულ მეტრამდე ფართობს, მაგრამ მოდელის მოცულობა და მასა აქაც ართულებს მონტაჟის პროცესს.

ფასი: 350 დოლარიდან 600 დოლარამდე.

ფანჯრის კონდიციონერების რეიტინგები.

პორტატული კონდიციონერები

აღნიშნული მოდელები ისეთი სახლებისთვისაა გათვლილი, რომლებშიც ფანჯრების კონფიგურაციის ან შენობების რეგულაციების გამო ვერ ხერხდება ფანჯრის მოდელის ინსტალაცია. პორტატული კონდიციონერები ჩვენს ტესტებში 9,000-დან 15,500 Btu-მდე შედეგს აჩვენებს. მაგრამ, არ შეიძლება პორტატული და ფანჯრის კონდიციონერების შედარება მხოლოდ ამ მახასიათებელზე დაყრდნობით.

ჩვენი ბოლო კონდიციონერების ტესტირებების შედეგად დადგინდა, რომ პორტატული კონდიციონერები იმდენად კარგ შედეგებს ვერ დებენ გაგრილების მხრივ, როგორც ამას მწარმოებლები ამტკიცებენ. ამასთანავე ისინი უფრო ძვირი ღირს და ბევრად მეტ ენერგიას მოიხმარენ, ვიდრე იგივე ზომის ფანჯრის მოდელები. და იმის გამო რომ მექანიზმების დიდი ნაწილი სწორედ ოთახს შიგნითაა განთავსებული, ისინი ითვლება უფრო ხმაურიან მოდელებად. და „პორტატული“ სრულებით არასწორი განსაზღვრებაა მათთვის, 22 კგ-დან 36 კგ-მდე იწონიან, რაც მათ გადაადგილებას საკმაოდ რთულ ამოცანად გადაგიქცევთ.

ფასი: 300 დოლარიდან 700 დოლარამდე.

პორტატული კონდიციონერების რეიტინგი იხილეთ აქ.

უარხო გაყოფილი კონდიციონერები

გაყოფილი უარხო კონდიციონერის შეძენა ჭკვიანური გზაა ოთახის მოუხერხებელი განლაგების სათქვენოდ გამოსაყენებლად.

კონდიციონერების ამ ტიპის მოდელები უფრო ძვირიანია, ვიდრე ფანჯრის თუ პორტატული კონდიციონერები (და რეკომენდირებულია მისი მონტაჟი მოხდეს პროფესიონალის მიერ) მაგრამ ცენტრალური გაგრილების სისტემაზე ბევრად იაფიც ჯდება და გამოგადგებათ თუ გასაგრილებელი მხოლოდ რამდენიმე ოთახია. თუმცა, იმ შემთხვევაში, თუ თქვენი სახლის უდიდესი ნაწილის გაგრილება გსურთ, ყველაზე ხარჯ-ეფექტური არჩევანი მაინც ცენტრალური კონდიცირების სისტემის მონტაჟი იქნება.

ფასი: 1,000 დოლარი და ზემოთ.

მომხმარებელთა კვლევის კონდიციონერების მიმოხილვა

ფანჯრის კონდიციონერების მიმოხილვა

სმარტ ფუნქციონალი

ამ სტატიაში განხილული ყველა მოდელი მშვენივრად ართმევს თავს გაგრილების დავალებას. მაგრამ, აღსანიშნავია ისიც, რომ გარდა ამ მთავარი ოპერაციისა, მწარმოებლები ამ პროდუქტებს მრავალი მნიშვნელოვანი ფუნქციონალით აღჭურვავენ, იმისთვის რომ მომხმარებელმა მისი გამოყენებისას იგრძნოს კომფორტის მაქსიმალური ხარისხი. ასეთი ფუნქციონალის რამდენიმე მაგალითია: ციფრული დისპლეები, ჩაშენებული ტაიმერები და დისტანციური მართვის არხები. ზოგიერთ კონდიციონერს სენსორული მართვის პულტი გააჩნია და ასევე აქვს ჩაშენებული ალგორითმი, რომელიც ოთახში გრილი ჰაერის გადანაწილების ტრაექტორიას ავტომატური გადართვით არეგულირებს. ყიდვისას აუცილებლად გაითვალისწინეთ კონდიციონერის ის ფუნქციონალები, რომლებიც მოქმედებს პერფორმანსსა და ეფექტიანობაზე.

მართვა

სენსორული ეკრანები დიდი LED დისპლეებით, მოოცულობითი და არაგადატვირთული კლავიშები, მკაფიო აღწერები და ტემპერატურის ციფრული ინდიკატორები მარტივია მოსახმარად. მართვის პულტის ელემენტების არასახარბიელო განლაგება მოხმარებისას თავისთავად აღვივებს უკმაყოფილების განცდას. განსხვავებული ფორმის მქონე რელიეფური ღილაკები, რასაკვირველია შეგრძნებითაც კი განგასხვავებინებთ მათ ერთმანეთისგან.

მიმართული ჰაერის ნაკადის სავენტილაციო არხები

კონდიციონერებს გააჩნიათ სპეციალური ფრთები, რომელიც შეგიძლიათ ვერტიკალურად თუ ჰორიზონტალურად ისე დაარეგულიროთ, რომ გრილ ჰაერს ტრაექტორია შეუცვალოთ. ზოგიერთ მათგანს ისეთი ფრთები აქვს, რომლებიც პერიოდულად ირხევა. თუმცა, უმრავლესობა კონდიციონერებისა ყველაზე უკეთ ახერხებს ჰაერის კონკრეტული ერთი ან მეორე მხრისკენ მიმართვის დროს. გაითვალისწინეთ თქვენი ოთახის განლაგება და ეძებეთ ისეტი მოდელი, რომელიც სწორედ იმ კუთხისკენ მიმართავს გაგრილებულ ჰაერს, სადაც ის ყველაზე მეტად გჭირდებათ.

მეტი ეფექტიანობა

ტაიმერიანი კონდიციონერი შესაძლებელია გამოირთოს მაშინ როდესაც სახლში არ იმყოფებით ან წინასწარ დააყენოთ ისეთ რეჟიმზე რომ თქვენს სახლში დაბრუნებამდე ცოტა ადრე ჩაირთოს. ენერგიის დამზოგველი რეჟიმი აჩერებს ვენტილატორს როცა კომპრესორი გათიშულია. სწორედ ეს მახასიათებლები გაზოგინებთ ელექტროენერგიას.

გამოშრობის რეჟიმი

ეს მახასიათებელი განსაკუთრებით საჭიროა გაზაფხულისა და შემოდგომის ტენიან დღეებში.

სუფთა ჰაერის მიღების ან გამოშვების რეჟიმი

ეს მახასიათებელი უზრუნველყოფს ვენტილაციას გაგრილების გარეშე.

დისტანციური მართვა

დისტანციური მართვის პულტი გეხმარებათ ნებისმიერი დაშორებით განაგოთ თქვენი კონდიციონერის მუშაობის რეჟიმი. ზოგიერთ მოდელს გააჩნია ჩაშენებული ტემპერატურის სენსორები, რომლებიც არეგულირებენ ოთახის ტემპერატურას.

ბრენდები

ქვემოთ მოცემული ყველა ბრენდი აწარმოებს ფანჯრის კონდიციონერს, რომლებიც სერთიფიცირებულია Energy Star-ის მიერ.

Friedrich

Friedrich გახლავთ შედარებით პატარა მწარმოებელი უფრო ძვირიანი ფანჯრის კონდიციონერის ბრენდისა და წარმოდგენილია რეგიონული ტექნიკის საცალო მოვაჭრეებთან. ფანჯრის კონდიციონერების ფასის დიაპაზონი მერყეობს 200 დოლარიდან 1,200 დოლარამდე. Friedrich-ის კონდიციონერების Btu მერყეობს 5,000-დან 24,000 ერთეულამდე.

GE

GE გახლავთ ბაზრის ლიდერი ფანჯრის კონდიციონერების ნიშაში. ეს ბრენდი ხელმისაწვდომია დამოუკიდებელ და რეგიონალურ მოწყობილობათა საცალო მოვაჭრეების დიდ უმრავლესობაში, როგორიცაა: Home Depot, Lowe`s, Sam’s Club და Walmart. GE-ს ფანჯრის კონდიციონერების მოდელების ფასები 150 დოლარიდან 300 დოლარამდე დიაპაზონშია წარმოდგენილი, Btu მერყეობს 5,000-დან 25,000 ერთეულამდე. GE წარმოადგენს Haier-ის ქვებრენდს.

Haier

Haier ხელმისაწვდომია BJ’s, Walmart და დამოუკიდებელ მოწყობილობათა გამყიდველებთან. ფასები მერყეობს 100 დოლარიდან 500 დოლარამდე და Btu წარმოდგენილია 5,000-დან 24,000-მდე ერთეულით.

Kenmore (Sears)

Kenmore-ს კონდიციონერები LG-ს მიერაა დამზადებული და იყიდება Sears, Kmart და ახლა უკვე Amazon-ზეც 100 დოლარიდან 700 დოლარამდე ფასის დიაპაზონით. Kenmore-ს Btu ერთეულები 5,000-დან 24,000-მდეა.

LG

LG საკმაოდ ცნობილი ბრენდია და წარმოდგენილია პროდუქციის დიდი ასორტიმენტით როგორც დამოუკიდებელ ასევე რეგიონულ მოწყობილობების საცალო მოვაჭრეებთან, ისეთებთან როგორიცაა Home Depot. ფანჯრის კონდიციონერების ფასები მერყეობს 150 დოლარიდან 500 დოლარამდე და Btu 5,000-დან 14,000-მდე ერთეულს შეადგენს.