როგორ შევარჩიოთ კომფორტული მატრასი?
ის, რაც გვიქმნის ღამით კარგად ძილის შეგრძნებას, საკმაოდ ინდივიდუალური რამეა,
მაგრამ ერთი რამ ცხადია – კომფორტული მატრასი მის მთავარ გასაღებს წარმოადგენს.დღესდღეობით მომხმარებლებს იმოდენა არჩევანის საშუალება და სპექტრი ეშლებათთვალწინ, როგორც ეს არასდროს ყოფილა, თანაც ძალიან ხელმისაწვდომ ფასად და ამასთან, ბევრი პროდუქტი ერთ პაწია ყიდვის ღილაკზე დაჭერიდან მალევე თქვენს
სახლში გაჩნდება.
მატრასების ონლაინ გაყიდვების ტოპ 15 კომპანიამ, რომელთა შორისაცაა Amazon და
Casper, გასულ წელს 900 მილიონი დოლარის ოდენობის პროდუქტის რეალიზაცია მოახდინეს – რაც წინა წლის მაჩვენებლის 41 პროცენტიანი გაუმჯობესებაა. მომხმარებელთა ბოლო კვლევის თანახმად, იმ რესპოდენტთა რაოდენობა, რომელიც გამოკითხვის დროს ადასტურებდა მატრასის ონლაინ შესყიდვის გამოცდილებას, თითქმის გასამმაგდა გასული 4 წლის განმავლობაში, ზრდამ 14%-დან 40%-მდე შეადგინა. მომხმარებელთა კვლევის მიხედვით ასევე დგინდება რომ თითქმის ორჯერ მეტი ადამიანი აცხადებს რომ ზუსტად ისეთი პროდუქტი იყიდა, რის ყიდვასაც გეგმავდა თანაც მისაღებ ფასებში, ვიდრე შოურუმის ფიზიკური ვიზიტორები. საშუალო ფასი, რასაც წევრები იხდიან ჩვენს 2016 წლის კვლევაში 1300 დოლარზე მეტით დაეცა, 2019 წლის კვლევაში კი ამ მაჩვენებელმა 1200 დოლარი შეადგინა.
ონლაინ, ფიზიკური ვიზიტის გარეშე, თქვენ მაინც შეგიძლიათ შესანიშნავი მატრასის შერჩევა. ჩვენ ვერ აღმოვაჩინეთ ვერანაირი განსხვავება ონლაინ და ფიზიკური მაღაზიების მატრასებს შორის, აცხადებს კრის რეგანი, ადამიანი, რომელიც
ზედამხედველობს მომხმარებელთა კვლევების მატრასების ტესტს. თუ გსურთ საუკეთესო შენაძენის გაკეთება, მიჰყევით ამ ნაბიჯებს:
1. გამოკვეთეთ კონკრეტული მოდელი ძიების დაწყებამდე, რომელსაც მოჰყვება „ფასდაკლება“ ან „კუპონი, ნაცვლად სხვადასხვა ბრენდების ძიებისა. როდესაც ჩვენ ვეძებდით პროდუქტ Voila Hybrid Innerspring-ს, ღირებულებით 1200 აშშ დოლარი, რომელიც აგრეთვე ჩვენი ტესტის შედეგების მიხედვით ერთ-ერთი საკმაოდ კარგი მოდელია, აღმოჩნდა, რომ მას მოჰყვება 10 პროცენტიანი კუპონი და მას პროდუქტის გვერდზე გადასვლისას მალევე შენიშნავთ.
თქვენ უნდა მოსინჯოთ ეს კოდები საცალო გამყიდველის ვებსაიტზე, როდესაც უკვე აპირებთ შესყიდვის განხორციელებას, რათა დარწმუნდეთ რომ ის ნამდვილად მუშაობს. თქვენ ასევე შესაძლოა აღმოაჩინოთ ისიც, რომ სხვადასხვა
გამყიდველს სხვადასხვა ფასი აქვს მინიჭებული ერთსადაიმავე პროდუქტზე. დააკვირდით, თუ რომელი ვებსაიტი გთავაზობთ უკეთეს ფასს და შეინახეთ ეს მონაცემი. საბოლოოდ, თუკი თქვენ გადაწყვეტთ რომ სხვა საიტზე შეიძინოთ
(რადგანაც, ვთქვათ, მას აქვს უფასო მიტანის სერვისი, ან უკეთესი ყიდვისშემდგომი მომსახურება), თქვენ ამ ინფორმაციის გამოყენება შეგიძლიათ უკეთეს ფასზე ვაჭრობისათვის.
2. დააკვირდით რეკლამებს. ბევრი “bed-in-a-box” მატრასი ექსკლუზიურად ბრენდის ვებსაიტზე იყიდება და ისინი, როგორც წესი, გულუხვ უკან დაბრუნების
პოლიტიკას სთავაზობენ მომხმარებელს, მაგრამ როგორც წესი, იგივენაირ მატრასს სხვაგან ვერსად ხვდებიან ხოლმე. როგორც კი თქვენ ესტუმრებით კომპანიის მთავარ გვერდს, დაძებნეთ მიმდინარე წამახალისებელი აქციები. მაგალითად, Cocoon by Sealy, რომელიც საკმაოდ კარგ საშუალო შედეგს გამოიმუშავებს ჩვენს ტესტებში, სთავაზობს 75 დოლარამდე ფასდაკლებას ნებისმიერ მატრასზე ან 125 დოლარ ფასდაკლებას როგორც მატრასზე, ასევე მის სადგარზე. საცალო მოვაჭრეები ხშირად აწესებენ შეზღუდვას მსგავს წამახალისებელ აქციებზე, ასე რომ აუცილებლად მიაქციეთ ყურადღება წვრილი შრიფტით მოცემულ ინფორმაციასაც.
3. გამოიწერეთ სიახლის არხები უამრავი საცალო მოვაჭრე შემოგთავაზებთ ფასდაკლებას, თუ თქვენ თქვენი ელფოსტით გახდებით მისი სიახლის არხის გამომწერი. როდესაც პირველად შეხვალთ მატრასების კომპანიის ვებსაიტზე,შესაძლოა ამოტივტივდეს რეკლამის ფანჯარა, რომელიც გთხოვთ შეიყვანოთ თქვენი ელფოსტის მისამართი, რათა შემდგომ მიიღოთ ფასდაკლება. ჩვენს კვლევაში, WinkBeds მთავარ გვერდზე დაგვხვდა მსგავსი ფანჯარა, რომელიც გვიწვევდა კომპანიის სიახლეების გამოსაწერად და სანაცვლოდ გადმოგვცემდა 50 დოლარ ფასდაკლებას ერთ შეკვეთაზე. რა თქმა უნდა, თუკი თქვენ მოგბეზრდათ მარკეტინგული ინფორმაციის შემცველი ელფოსტები, რომლებიც მის გააქტიურებას თან მოსდევს, თქვენ შეგიძლიათ ერთჯერადად გამოიწეროთ ეს არხი და შემდეგ გააუქმოთ გამოწერა. უბრალოდ, ამისათვის უნდა გაიხსენოთ,
რომ შენაძენის გაკეთების შემდეგ დააწვეთ “unsubscribe” ღილაკს.
4. დააპაუზეთ. ფულის დაზოგვის სხვა ტაქტიკა, რომელიც უნდა სცადოთ, ასე გამოიყურება: მას შემდეგ რაც გახდებით სიახლეების გამომწერი და შერჩეულ მატრასს დაამატებთ თქვენს კალათაში, U-ბრუნი გააკეთეთ: დახურეთ ბრაუზერის ჩანართი და გააგრძელეთ, რასაც აკეთებდით. მიუხედავად იმისა, რომ ეს სრულებით ალოგიკურად შეიძლება გეჩვენოთ, მსგავსი პასიური მიდგომა ყიდვის გადაწყვეტილების მიღებასთან ხშირად კარნახობს ავტომატურ მარკეტინგულ სისტემას გამოგიგზავნოთ ელფოსტა ან ტექსტური შეტყობინება ფასდაკლების
კოდით, რათა უფრო ახლოს გიბიძგოთ ყიდვის გადაწყვეტილებისკენ. ჩვენ აღმოვაჩინეთ რომ ონლაინ საცალო გამყიდველები GhostBed და WinkBeds-მა გაგზავნეს ფასდაკლებები და ასევე Purple-მ და Sleep-მა Latex-ზე გაგზავნეს
მართალია არა ფასდაკლება, მაგრამ შეხსენების მეილი, რათა უკან დაებრუნებინათ მომხმარებელი.
5. ევაჭრეთ. მართალია ონლაინ გარემოში ხართ, მაგრამ თქვენ აქაც შეგიძლიათ შევაჭრება. ჩათვალეთ რომ უბრალოდ რეალურ ცხოვრებაში ესაუბრებით კომპანიის წარმომადგენელს და სცადეთ დაარწმუნოთ ის მოგცეთ რაიმე ფასდაკლება ან პროდუქტს თან დაურთოს უფასო მოტანის სერვისი ან სხვა
ისეთი ბონუსები, როგორიცაა, მაგალითად ბალიში. 2019 წლის მატრასების საცალო გამყიდველების ჩვენს კვლევაში მონაწილეთა მხოლოდ 6-მა პროცენტმა სცადა ვაჭრობა, თუმცა მათი უმრავლესობა საკუთარ თავში დარწმუნებულობის გამო საკმარისად დასაჩუქრდა. ფაქტობრივად, მსგავსი შეთავაზების გამკეთებელთა 59-მა პროცენტმა მიაღწია წარმატებას მოლაპარაკებაში; წარმატების კოეფიციენტია იგივე სიდიდეს ვხვდებით ფიზიკურ მაღაზიაში შევაჭრების
შედეგადაც. ჩვენი კვლევის ზოგიერთი მომხმარებელი აცხადებს რომ მან დაზოგა სულ მცირე 100 დოლარი მატრასის ონლაინ შესყიდვისას.სანამ თქვენ დაიწყებთ საუბარსა და ვაჭრობას სცენარი წინდახედულად უნდა მოამზადოთ. უნდა იცოდეთ, რომელი მოდელი გაინტერესებთ, გამყიდველს მიაწოდოთ ინფორმაცია თქვენი ბიუჯეტის შესახებ და ასევე დაარწმუნოთ რომ შეთანხმების მიღწევის შემთხვევაში ამ ნივთს აუცილებლად შეიძენთ.
ყურადღება მიაქციეთ იმას, თუ რას აკეთებენ მოცემული მატრასის კომპანიის კონკურენტი კომპანიები. თუ Sleep on Latex სთავაზობს 99 დოლარ ფასდაკლებას მატრასზე, შესაძლოა Tuft & Needle იმეორებს იმავე შეთავაზებას. მსგავსად, თუ თქვენ სასურველი მოდელი იპოვეთ უკეთეს ფასად მაგრამ თუკი გირჩევნიათ რომ ის პირდაპირ მწარმოებლისაგან იყიდოთ, მაშინ თხოვეთ მოგყიდოთ ის იმ ფასად, როგორაც კონკურენტი სთავაზობს მომხმარებელს.
6. გამოიკვლიეთ ბონუსები. გარდა საკუთრივ მატრასზე ფასდაკლებისა, თქვენ შეგიძლიათ სთხოვოთ კომპანიას რაიმე განსხვავებული ბონუსი, როგორიცაა მაგალითად white-glove სერვისი (მატრასს მიიტანენ პირდაპირ თქვენს სახლში დადაამონტაჟებენ ლოგინის ჩარჩოზე) ან სერვისი, რომელიც უკან წაიღებს მატრასს, იმ შემთხვევაში, თუ მან თქვენში უკმაყოფილება გამოიწვია.
ასევე არსებობს სხვა ვარიანტებიც. „ყველაზე პოპულარული დამატებითი პროდუქტია უფასო ან ფასდაკლებული ბალიშები, გადასაფარებლები, ზეწრები და მატრასის დამცველები“, აცხადებს კლაუდეტე ენისი, მომხმარებელთა კვლევის
ჟურნალის ბაზრის ანალიტიკოსი. ჩვენს კვლევაში, მომხმარებელთა კვლევის წევრთა 91 პროცენტმა, რომელთაც შენაძენი გააკეთეს Nectar-ში, მიიღეს უფასო ბალიშები ყოველი შეძენილი მატრასისათვის.
შემდეგ გვერდზე თქვენ შეიტყობთ მატრასების შედარებებს ძილის ტიპისა და პარამეტრების მიხედვით, რაც დაგეხმარებათ შეაფასოთ მათი პლიუსები და მინუსები და აარჩიოთ თქვენთვის შესაფერისი ზუსტი პროდუქტი. (ყველა ფასი
მოცემულია სამეფო ზომის მატრასებისათვის). შემდეგ, ბოლოსკენ კი უფრო დეტალურად შეიტყობთ მათი რეიტინგების შესახებ.
თქვენი ასისტენტი მატრასების შერჩევაში
ღრუბლის მატრასები
ყველაზე იაფი VS ყველაზე ძვირიანი რა აქვთ მათ საერთო ორივე მატრასი შეგვიძლია მივაკუთვნოთ რბილ კატეგორიას და ორივე შედგება ღრუბლის რამდენიმე ფენისგან. თითოეული მატრასის გასინჯვის დროს, შეიძლება ცოტათი ეჭვი შეგეპაროთ მის ხარისხში სხვადასხვა პოზიციების მონაცვლეობისას, ვინაიდან ღრუბელი ოდნავ ჩაიზნიქება სიმძიმის დაწოლისას, მაგრამ უნდა იცოდეთ, რომ ეს ზოგადად საკმაოდ გავრცელებულია ღრუბლოვან მატრასებში.
რითი განსხვავდებიან სასტარტო პაკეტი იღებს საშუალო და საშუალოზე უკეთეს შეფასებებს იმ მომხმარებელებში, რომლებიც უპირატესობას ანიჭებენ გვერდზე და ზურგზე ძილს, ნებისმიერი ზომის მატრასზე და ამ შეფასებას ოდნავ ჩამორჩება Tempur-Pedic ტიპის მატრასი. Tempur-Pedic შესანიშნავია მათთვის ვინც ამჯობინებს ზურგზე ან გვერდზე ძილს, მაგრამ ის ნაკლებად მოსწონთ სხვა პრეფერენციების მქონე მომხმარებელს. თუ თქვენ მიისწრაფვით თბილად ძილისკენ, AmazonBasics არ იქნება შესაანიშნავი არჩევანი: ჩვენი ტესტირების შედეგად გამოვლინდა რომ ის უნარჩუნებს სხეულს სიმხურვალეს ძილის დროს. Tempur-Pedic კი უფრო გრილად ძილის საშუალებას გაძლევთ.
გამარჯვებული AmazonBasics შესანიშნავი მატრასია თუ თქვენ მიდრეკილი ხართ გვერდზე ძილისკენ და ასევე კარგია თუ თქვენ გიყვართ ზურგზე დაწოლილს ძილი, არ აქვს მნიშვნელობა თუ რამდენად დიდი ხართ ფიზიკურად. თუმცა, Tempur-Pedic-ის შედეგებიც ნორმალურია და ის ძილის დროს სიგრილის შენარჩუნებაში გეხმარებათ, რთული მომენტი კი ფასია:
თქვენ გადაიხდით 18-ჯერ ძვირ ფასს Tempur-Pedic-ისთვის მაგრამ ვერ მიიღებთ ისეთ მატრასს, რომელიც 18-ჯერ აღემატება ხარისხითა და უპირატესობებით სასტარტო პაკეტს.ზურგზე ძილის მოყვარულთათვის 600 დოლარი და უფრო იაფი
რა აქვთ მათ საერთო
არცერთ ამ ღრუბლოვან მატრასს არ გააჩნია გვერდითა სახელურები, ასე რომ მათზე მანევრებისას შესაძლოა დაბრკოლებებს წააწყდეთ.
რითი განსხვავდებიან
ზურგზე ძილის მოყვარულთათვის, Casper საკმაოდ არასახარბიელო არჩევანია. ის
მომხმარებელს სთავაზობს ძილის მშვენიერ გამოცდილებას, მხოლოდ იმ შემთხვევაში
თუ ტანად პატარაა, მაგრამ თუ თქვენ დიდი ან მაღალი ხართ, მასზე ძილი საკმაოდ
მოუხერხებელი იქნება. Sleep Innovations კი ბევრად უკეთესია პატარა ტანის ზურგზე
ძილის მოყვარულთათვის, ვიდრე Casper და ის, გარდა ამისა ანალოგიურ გამოცდილებას სთავაზობს ყველა სიდიდის ადამიანს. Casper იღებს კარგ შეფასებებს ვიბრაციის
დახშობის პარამეტრით (იგულისხმება, როდესაც ძილის დროს მოძრაობთ), თუმცა Sleep
Innovation მაინც სჯობნის მას „ძალიან კარგი“ შეფასების მიღების კუთხით. ერთი სფერო
სადაც Casper აჭარბებს კონკურენტს, არის ის რომ, ის არ ინარჩუნებს სითბოს,
განსხვავებით Sleep Innovation-ისაგან. Sleep Innovations არის მაგარი მატრასი, და ჩვენი
სიმაგრის სკალაზე ის 10-დან 7 ქულას იმსახურებს, როცა Casper არის რბილი მატერიის
და მისი მაჩვენებელი ამ სკალაზე მხოლოდ 3-ს შეადგენს.
გამარჯვებული
მიუხედავად Casper-ის მარკეტინგული დაბომბვისა (არის ისეთი ვინმე ვისაც მისი
რეკლამები არ უნახავს?) ჩვენ ვაფასებთ Sleep Innovation-ს უკეთ საერთო ჯამში,
რადგანაც მისგან მიიღებთ მეტ სარგებელს თუ თქვენ უპირატესობას ზურგზე ძილს
ანიჭებთ, ამასთან, თქვენ მასში 170 დოლარით ნაკლებსაც გადაიხდით.
რას გულისხმობს ჩვენი ტესტირების ტერმინები
მაგარი: ჩვენ უბრალოდ არ ვაქვეყნებთ მატრასის პრეფერენციებს მწარმოებლის მიერ
მოწოდებულ ინფორმაციაზე დაყრდნობით. ამის ნაცვლად, პროდუქტს ვტესტავთ ინდუსტრიული სტანდარტის შესაბამისად, რათა ჩვენ თვითონ დავინახოთ ეს რეზულტატი, თითოეულ მატრასს ვტვირთავთ 1,000 ნიუტონის ძალის გამოყენებით (1 კგ = 9.81 ნიუტონი) და შედეგები გადაგვაქვს 1-დან 10-მდე გადაზომიმლ სკალაზე, სადაც 10 – გულისხმობს ყველაზე მაგარს. სტაბილურობა: ეს მიანიშნებს იმაზე თუ რამდენად გადასცემს ვიბრაციას მატრასი მასზე გადაადგილების შემთხვევაში. ჩვენ ასევე შევნიშნავთ რამდენად იოლია მასზე გადაადგილება და პოზიციების ცვლილება. რაც ნაკლებია ვიბრაცია და იოლია მასზე პოზიციების შეცვლა, მით უკეთესია. გამოცდილების შეთავაზება: გვერდზე ძილის მოყვარულებისათვის ჩვენ დამტესტავი ადამიანის ხერხემლის გასწვრივ ვნიშნავთ რამდენიმე წერტილს. შემდეგ კი ვიყენებთ ლაზერული სიზუსტით გადაგვაქვს ეს წერტილები დიაგრამაზე მრუდის სახით, შემდეგ კი ვაფასებთ უნარჩუნებს თუ არა მატრასი ხერხემალს ჰორიზონტალურ პოზიციას. ზურგზე ძილის მოყვარულებისთვის კი ჩვენ სუბიექტის ხერხემალზე დავიტანთ აღნიშვნებს, როდესაც ის ფეხზე დგას და ვადარებთ მას წოლისას ძილის პოზიციაში მყოფ მისსავე ხერხემალს.
დიდი/მაღალი: ჩვენს ტესტებში მონაწილე მამაკაცები არიან 1.82 მ. სიმაღლიდან 1.93 მეტრამდე, წონით 99- 109 კგ. პატარა ტანის: ჩვენს ტესტებში მონაწილე ქალები არიან 1.45 მეტრიდან 1.67 მეტრამდე სიმაღლის, წონით 50-59 კგ. საშუალო: ჩვენს ტესტებში, საშუალო ზომის დამტესტავი არის სიდიდით პატარა ტანისა და დიდი/მაღალი
მონაწილის სიდიდეს შორის.
პოპულარული ღრუბლის Beds-In-A-Box მატრასები
არ მოტყუვდეთ
რა აქვთ მათ საერთო
Beds-in-a-box წარმოადგენენ იმ ტიპის მატრასებს, რომლებიც მხოლოდ ონლაინ საცალო
მოვაჭრეებისგან შეიძლება შეიძინოთ და მათ ზღვა პოპულარობას მიაღწიეს ბოლო დროს
და შედიან მომხმარებელთა მიერ ტოპ-3 ყველაზე ხშირად დაძებვნად მოდელებში.
მატრასის სიმაგრის სკალაზე ისინი უფრო რბილისკენ იხრებიან. არცერთ მათგანს არ აქვს
გვერდითი სახელური, ასე რომ მის გადაადგილებაში ან შებრუნებაში სხვა ადამიანის
დახმარება დაგჭირდებათ.
რითი განსხვავდებიან
Tuft & Needle და Leesa თითოეული დამზადებულია ღრუბლის სამი ფენისაგან; Purple-ს კი ღრუბლის ორი ფენა აქვს. Purple ვარდისფერი ფერის ჰიპერ-ელასტიური პოლიმერის ფენას მოიცავს, რაც ადასტურებს მის უნარს შეინარჩუნოს სიგრილე მოხმარებისას და მომხმარებელს შეუქმნას კომფორტი იმ მხრივ, რომ თავისუფლად შეძლებენ ძილის დროს მანევრებს მაგრამ ჩვენმა შემმოწმებლებმა რაიმე განსაკუთრებით აღმატებული გამოცდილება ამ კუთხით არ დაადასტურეს მოხმარებისას. Leesa და Purple იმსახურებენ კარგ (მაგრამ არა საუკეთესო) რეიტინგს დიდი და მაღალი მომხმარებლებისათვის კომფორტის შექმნის პარამეტრში, თანაც მიუხედავად მათი ძილის სტილისა, სხვა ღრუბლის მატრასები კი ჩვენს რეიტინგში უფრო მაღალი შეფასებით არიან წარმოდგენილნი. თუმცა Tuft & Needle იღებს ძალიან კარგ შეფასებას ნებისმიერი ზომისა და ძილის პოზიციის მოყვარული მომხმარებლების სეგმენტში და ორივე განხილულ
კონკურენტს ამარცხებს. რამდენადაც იოლია ძილის დროს თავისუფლად იმოძრაო მათზე, ვიდრე რბილ მატრასებზე, მაინც Purple და Tuft & Needle ორივე სთავაზობს აღმატებით სტაბილურობას (ვიბრაციების სიმცირეს). Leesa-მ კი მოძრაობის გამარტივების პარამეტრში დიდად სახარბიელო შედეგი ვერ აჩვენა. სითბოს შეკავების კუთხით, Purple და Tuft & Needle კი ამ გამოცდას ფრიადზე აბარებენ და ჩამოიტოვებენ Leesa-ს.
გამარჯვებული
Tuft & Needle-ს მატრასები არა მხოლოდ 100 დოლარით იაფი ღირს ვიდრე Purple-სა და Leesa-სი, მაგრამ ასევე სთავაზობს უკეთესი ხარისხის გამოცდილებასა და მეტ სტაბილურობას.
გვერდზე ძილის მოყვარულთათვის
600 დოლარი და უფრო იაფი
რა აქვთ მათ საერთო
მსგავსი და რაციონალური ფასის გამო, ეს ორივე მატრასი მშვენიერი ვარიანტია გვერდზე
ძილის მოყვარულთათვის, მიიღონ მაქსიმალური კომფორტი და ღამის ხარისხიანი ძილი.
არცერთი არ იკავებს სიცხეს და თქვენ ნამდვილად იგრძნობთ თავს გრილად და
კომფორტულად ძილისთვის.
რითი განსხვავდებიან
Denver Mattress ზამბარიანი მატრასია და Novaform დამზადებულია ღრუბლის სამი
ფენისაგან, რომელთაგანაც ერთ-ერთი memory ტიპის ღრუბელია. ამის გამო თითოეული
მათგანი განსხვავებულად რეაგირებს მატრასზე მოძრაობას Denver-ის მატრასით თქვენ ან
თქვენი პარტნიორი ცოტა რყევას იგრძნობთ როდესაც ერთ-ერთი თქვენგანი
გადაბრუნდება (მან დაიმსახურა კარგი შეფასება სტაბილურობის პარამეტრში) რადგანაც
ზამბარები ძირითადად უკეთ აბათილებენ მოძრაობის მიერ გამოწვეულ რყევებს ვიდრე
ეს ღრუბლოვანის შემთხვევაშია. Novaform უფრო სტაბილურია, და ძალიან კარგ
შეფასებას იმსახურებს ამ ტესტებში. ასევე არ მოგიწევთ იმაზე ნერვიულობა რომ
შესაძლოა გაეჭედოთ Novafarm-ში პოზიციების მონაცვლეობისას, მაშნ როდესაც ეს
პრობლემას წარმოადგენს კონკრეტული ღრუბლის მატრასებისათვის. Denver-ის მატრასებს
ასევე აქვს ოთხი სახელური მის გვერდებზე, Novaform-ს კი არცერთი არ აქვს.
გამარჯვებულები
ორივე მატრასი ტოპ-ჭდის კომფორტით უზრუნველგყოფთ თუ თქვენ გვერდზე ძილის
მოყვარული ბრძანდებით. Denver მატრასებს აქვთ უფრო მაღალი საერთო ქულა, მაგრამ
შესაძლოა ძილის დროს მოძრაობისას როცა იგრძნოთ რაღაც რყევებს, მაშინ გადახვალთ
Novaform-ზე.
თუ ტრაბახი შეგიძლიათ
რა აქვთ მათ საერთო
თქვენ არ მოგიწევთ ნერვიულობა იმაზე რომ შეიძლება დაგცხეთ ან გაოფლიანდეთ,
თუკი ამ ზამბარიანი მატრასებიდან ერთ-ერთზე ძილს გადაწყვეტთ – ჩვენ მიერ მათი
დატესტვისას სხეულის სიცხე არცერთს არ შეუკავებია.
რითი განსხვავდებიან
Avocado შესანიშნავ შეფასებას იმსახურებს ადამიანებისათვის მაღალი ხარისხის
კომფორტის შეთავაზების ნიშაში, მიუხედავად მათი ზომისა და ძილის სტილისა
(გამონაკლისია პატარა ტანის გვერდზე ძილისმოყვარეები, რომელთათვისაც იგი
შედარებით ნაკლები შეფასებით – ძალიან კარგი-თაა წარმოდგენილი). მაგრამ
შედარებით ახალი ზამბარიანი მატრასები Casper-ისაგან არც ისე შორსაა. ის იმსახურებს
ძალიან კარგ შეფასებებს ყველა ტიპის მომხმარებლებისათვის გარდა პატარა ტანის
ზურგზე ძილის მოყვარეებისა – ამ ჯგუფში ის შესანიშნავი შეფასებითაა წარმოდგენილი.
Avocado მაგარი მატრასების სახეობას წარმოადგენს, სიმაგრის სკალაზე 7-იანი შეფასებით,
Casper კი რბილია, მას 3 ქულით ვაფასებთ. ერთი აღსანიშნავი ნიუანსია ის რომ
Avocado-ს შემთხვევაში შეიძლება იგრძნოთ რყევები მისი ძილში მოძრაობისას; Casper კი
– უკეთესია ვიბრაციების დახშობის საკითხში. თუ მატრასის გადაადგილება გაფიქრებთ,
Avocado-ს აქვს ოთხი სახელური იოლად გამკლავებისათვის, მაშინ როდესაც Casper-ს
ერთიც კი არ გააჩნია.
გამარჯვებული
თუკი თქვენ უპირატესობას ანიჭებთ მატრასის სირბილეს და ვიბრაციების მინიმიზირებაც
ასევე მნიშვნელოვანია თქვენთვის, მაშინ Casper უკეთესი არჩევანია. ამასთან, თქვენ
200 დოლარით ნაკლების გადახდაც მოგიწევთ.
წყვილებისათვის
1000 დოლარს ქვემოთ
რა აქვთ მათ საერთო
ორივე მატრასი შესამჩნევად რბილია და ორივე იმსახურებს შესანიშნავ შეფასებას
ვიბრაციების მინიმიზირების საკითხში ჩვენი ტესტირების ფარგლებში. ეს კი
კრიტიკულად მნიშვნელოვანია წყვილებისათვის, რადგანაც ეს იმას ნიშნავს რომ თქვენ
ვერ იგრძნობთ მატრასზე ტალღას ყოველ ჯერზე, როდესაცც თქვენი პარტნიორი ერთი
მხრიდან მეორეზე გადაბრუნდება და ორივე მართლაც მარტივად მოახერხებთ ძილის
დროს ისე გადაბრუნებას რომ ერთმანეთი არ შეაწუხოთ. ეს მატრასები ასევე გამოირჩევა
ძალიან კარგი შეფასებით ზურგზე ძილისმოყვარულებში.
რითი განსხვავდებიან
Charles P. Rogers ზამბარიანი მატრასია, Nest კი ღრუბელოვანია. თუ თქვენ ან თქვენი
პარტნიორი გვერდზე ძილისმოყვარული ხართ, მაშინ აქ საკმაო განსხვავებები
დაგვხდებათ. Charles P. Roger-ს ისეთი გვერდზე ძილისმოყვარულათვის, რომლებიც
არიან ტანად პატარა და საშუალო ზომის საშუალოზე მაღალი რეიტინგით სარგებლობს,
მაშინ როდესაც Nest იგივე დონის კომფორტს სთავაზობს მხოლოდ პატარა ტანის
მომხმარებელს. Charles P. Rogers უფრო იოლად მოსახერხებელია გადაადგილების
კუთხითაც, რადგან აქვს ოთხი სახელური, მაშინ როდესაც Nest-ს არცერთი არ გააჩნია.
მათთვის ვინც მიდრეკილია ღამით ძილში ოფლიანობისკენ, Nest არ იქნება საუკეთესო
არჩევანი: ეს მატრასები მიდრეკილია სხეულის სიცხის მაღალი დოზით შენარჩუნებისკენ
და თბილად ჩაცმული ძილისთვის საკმაოდ არაკომფორტული გამოდის.
გამარჯვებული
Charles P Rogers ცოტათი აჭარბებს Nest-ის მიერ დადებულ შედეგებს, რადგანაც მისი
მახასიათებლებით გვერდზე ძილის მოყვარულებიც კმაყოფილნი რჩებიან და აქვს
ცოტათი უკეთესი და გამოსადეგი მახასიათებლები. მაგრამ ორივე მატრასი თქვენ და
თქვენ პარტნიორს თავიდან აგარიდებთ ერთმანეთის შეწუხების მომენტს ძილის დროს
გადაბრუნებისა და ადგილების მიმოცვლის შემთხვევებში.
ბიუჯეტური ღრუბლის მატრასები
Beds-In-A-Box
400 დოლარზე იაფი
რა აქვთ მათ საერთო
ორივე მათგანი დამზადებულია ღრუბლის რამდენიმე ფენისგან და ისინი იკავებენ
სხეულის სიცხეს, ასე რომ შესაძლოა დილით უფრო ნოტიოდ გაიღვიძოთ ვიდრე ამას ისურვებდით. ისინი ასევს ორივე ზუსტად შუაში იმყოფება ჩვენი სიმაგრის სკალაზე –
არც ძალიან რბილია და არც ძალიან მაგარი, თუმცა ძილის გამოცდილებით საბოლოოდ
უფრო სიმაგრისკენ იხდება. არცერთს არ აქვს სახელურები, რომლებიც მის აწევაში ან
შებრუნებაში დაგეხმარებოდათ. და არცერთი მატრასი არ იძლევა იმის უზრუნველყოფას
რომ მარტივად იმოძრავებთ ძილის დროს.
რითი განსხვავდებიან
ეს ორი მატრასი აბსოლუტურად თანაბარ პირობებშია ჩვენი ტესტირებისას. ისინი არ
გახლავთ ყველაზე იაფი მატრასები, რომლებიც ჩვენ დავტესტეთ (ამის სანახავად ეწვიეთ
AmazonBasics, გვერდ 27-ზე), მაგრამ ისინი თავიანთ კატეგორიაში, ბიუჯეტურ
მატრასებში, საუკეთესოთა ადგილებს ინაწილებენ. ძირითადად, Signature Sleep მატრასები
გათვლილია იმ ზურგზე და გვერდზე ძილისმოყვარეთათვის, რომლებიც გამოირჩევიან
პატარა ან საშუალო აღნაგობით, მაგრამ არანაირად მათთვის ვინც დიდი ან მაღალია. Spa
Sensations ცოტათი ჩამორჩება Signature Sleep-ს მთლიანი შეფასებით გვერდზე ან ზურგზე
ძილის მოყვარულთათვის.
გამარჯვებული
Signature Sleep ტოპ-10-ეულიდან ერთერთია, რადგანაც ის კომფორტულობის
პარამეტრში მაღალი შეფასებებით სარგებლობს, მაგრამ ისიც უნდა გაითვალისწინოთ,
რომ თუკი თქვენ ძილის მანძილზე ბევრს მოძრაობთ და ტრიალდებით, შესაძლოა
ზოგჯერ არაკომფორტული შეგრძნებაც შეგექმნათ.
მორგებადი, გასაბერი მატრასები
ყველაზე იაფი vs ყველაზე ძვირი
რა აქვთ მათ საერთო
ამ კატეგორიაში ბევრ მომწოდებელს ვერ ვნახავთ, რომლებიც ორიენტირებულნი არიან
გასაბერი მატრასების შეთავაზებაში, ასე რომ არ გაგიკვირდებათ, რომ ეს ერთადერთი
კომპანია საკუთარ თავს უწევს კონკურენციას. Sleep Numbers საშუალებას გაძლევთ
თქვენი მატრასის „კომფორტი“ ორივე მხარეს, დამოუკიდებლად დაარეგულიროთ
სმარტფონის აპლიკაციის საშუალებით, და ჩვენთან მისმა გამოცდამ წარმატებით ჩაიარა.
თქვენ თავად გესმით როგორ იტუმბება ჰაერი ამ მატრასებში, როდესაც მათ ავსებთ და
ასევე მეტწილად შესაძლოა ღამის მანძილზე გაიგონოთ ხმები, რომელსაც თქვენი
კომფორტის უმაღლესი დონის მისაღწევად გამოსცემს თვითრეგულირებისას.
რითი განსხვავდებიან
ნაკლები ფასის მქონე c2 ერთ-ერთ ყველაზე მაღალ შეფასებას იმსახურებს ჩვენგან,
რადგანაც ყველა სიდიდის მომხმარებელი, მიუხედავად მისი ძილის პრეფერენციებისა,
აცხადებს რომ იგი მაღალი ხარისხის კომფორტით უზრუნველყოფს; i8 მეტად საშუალოა
კომფორტის ნიშაში – არც საშინელი, თუმცა არც იმდენად ძლიერი როგორც c2. c2 ასევე
მინიმუმამდე ამცირებს ვიბრაციებს და თქვენი პარტნიორის გადაბრუნებას ან
მოძრაობას რთულად თუ შეამჩნევთ. i8 ბევრად შორსაა მისგან ჩვენი სტაბილურობის
ტესტირებებში. C2 უფრო მაგარია და აქვს 5 სანტიმეტრი სისქის მქონე ღრუბლის ფენა
ზემოთა ზედაპირზე და ამით ჩვენს სიმაგრის სკალაზე 7 ქულას იმსახურებს. i8 კი ამ
პარამეტრში 4 ქულითაა შეფასებული და გააჩნია 15 სანტიმეტრიანი ღრუბელი ზემოთა ზედაპირზე.
გამარჯვებული
ხელი ჩამოვართვათ c2-ს. ის სთავაზობს დიდებულ კომფორტს ყველა სხეულის ტიპისა
და ძილის სტილის მქონეთათვის და მასზე ძილის დროს ვერ იგრძნობთ ვიბრაციებს. და
ასევე მოგიწევთ იფიქროთ იმაზე, თუ სად დახარჯოთ ის 2600 დოლარი, რომელსაც ამ
გადაწყვეტილების მიღების შედეგად ნამდვილად ჭკვიანურად დაზოგავთ.