Xiaomi Mi 10 და Mi 10 Pro: განხილვა

მიუხედავად ჩინეთში კორონა ვირუსის მძვინვარებისა წარმატებულად ჩატარდა Xiaomi-ს ახალი ფლაგმანების Xiaomi Mi 10 და Mi 10 Pro-ს პრეზენტაცია. გარდა ტოპ აპარატული შემადგენლობისა ახალი ფლაგმანები გამორჩეულია უმაღლესი ხარისხის ფოტო და ვიდეოგადაღებით, რომელშიც ჰიბრიდული სტაბილიზაცია გამოიყენება.

ეკრანი

სმარტფონების FullHD+ (2340 х 1080) გაფართოების მქონე AMOLED ეკრანების დიაგონალი შეადგენს 6,67 დიუმს. განახლების სიხშირე 90 ჰერცია. სენსორული ფენის განახლების სიხშირე – 190 ჰერცი. ეკრანებს აქვთ HDR10+ მხარდაჭერა და 1120 ნიტის მქონე მაქსიმალური სიკაშკაშე. კონტრასტულობა – 5000000:1.

აპარატული შემადგენელი

4-1

ორივე მოდელი მუშაობს ტოპ პროცესორზე Qualcomm Snapdragon 865. Xiaomi Mi 10-მა მოდიფიკაციის მიხედვით მიიღო უახლესი სტანდარტის UFS 3.0 შიდა მეხსიერება 128 ან 256 GB მოცულობით. ოპერატიული მეხსიერება LPDDR5-ის მოცულობაც მოდიფიკაციის მიხედვით 8 ან 12 GB -იანია.

ღირებულება

Xiaomi Mi 10 კომპლექტაციით 8/128 GB ფასდება 573 დოლარად, მოდიფიკაცია – 8/256 GB – 615$. ტოპ კომპლექტაცია Mi 10 12/256 GB მეხსიერებით კი მომხმარებელს 673$ დაუჯდება. Mi 10 Pro-ს ს ფასი, რომელსაც ასევე აქვს სხვადასხვა მოდიფიკაციები, განსხვავებულია. მოდელები 8/256 GB – 716 დოლარი ეღირება, 12/256 GB – 787 $, ტოპ მოდიფიკაცია 12/512 GB – 859 დოლარი.

კამერები

5-1

მოდელების მთავარი ღირსება უმაღლესი ხარისხის კამერაა. Xiaomi Mi 10-ს აქვს კამერის ოთხი სენსორი. სიღმრის სენსორი – 2 mp; ოპტიკური სტაბილიზაციის მოდული – 108 mp; მაკროგადაღების მოდული – 2 mp გაფართოებით და ფართოკუთხოვანი სენსორი 123 გრადუსიანი ხედვის კუთხითა და 13 mp გაფართოებით. ვიდეორეჟიმში კამერა იღებს 8K ფორმატში. ფრონტალურმა კამერამ კი მიიღო შენელებული ვიდეოგადაღების ფუნქცია 120 კადრით წამში. Mi 10 Pro-ს კამერის შესაძლებლობები გაცილებით მაღალია. მთავარი კამერის ძირითადი მოდული უმცროსი მოდელის მსგავსია. ფართოკუთხოვანი მოდულის გაფართოება კი გაზრდილია 20 mp-მდე. სიღრმის მოდულის ნაცვლად აქ ჩნდება ათმაგი ზუმის მქონე ჰიბრიდული ტელეობიექტივი და პორტრეტული სენსორი 12 mp გაფართოებით.

ავტონომიური მუშაობა

6-1

ავტონომიურ მუშაობას უზრუნველყოფენ საკმაოდ მძავრი აკუმულატორები: Mi 10-ის ელემენტის მოცულობა 4 780 mAh-ია, რომელსაც აქვს 30 ვატიანი სწრაფი დატენვის ტექნოლოგიის მხარდაჭერა (100% დატენვა 56 წუთში). Mi 10 Pro-ს აკუმულატორის მოცულობა 4500 mAh-ია, სწრაფი დატენვის ტექნოლოგიის სიმძლავრე კი გაზრდილია 50 ვატამდე. (100% იტენება 50 წუთში).

წყარო: be.ge