ᲠᲝᲒᲝᲠი ᲔᲙᲠᲐᲜᲘᲡ ᲖᲝᲛᲘᲡ ᲛᲥᲝᲜᲔ ᲚᲔᲞᲢᲝᲞᲘ ᲐᲠᲘᲡ ᲩᲔᲛᲗᲕᲘᲡ ᲡᲐᲣᲙᲔᲗᲔᲡᲝ?

სწორი ზომის ეკრანის არჩევა შესაძლოა მარტივ საქმედ გვეჩვენებოდეს, მაგრამ ხანდახან ეს ბევრად უფრო რთულია, ვიდრე ვფიქრობთ. არსებობს სხვადასხვა კონფიგურაცია, რომელიც ზომებსა და მახასიათებლებს განსაზღვრავს. გარდა ამისა, ზოგ მომხმარებელს დიდი ზომის ეკრანი ურჩევნია. სხვები კი უპირატესობას პორტაბელურ დისპლეის ანიჭებენ. რომელ მათგანს მიანიჭებთ უპირატესობას თქვენ, ეს თავად უნდა გადაწყვიტოთ.

დღეს სწორედ ლეპტოპის ეკრანის ზომებზე ვისაუბრებთ, მანამდე კი რამდენიმე კითხვას უნდა გავცეთ პასუხი:

  • რამდენად კომფორტულია თქვენი ამჟამინდელი ლეპტოპის ეკრანის ზომა?
  • რამდენად პორტაბელური გინდათ იყოს თქვენი ნოუთბუქი?
  • იყენებთ თუ არა ლეპტოპს მულტიმედია აქტივობებისთვის?
  • რა ტიპის სამუშაოსთვის უნდა გამოიყენოთ ნოუთბუქი?

სწორი რჩევის მოსაცემად პირდაპირ გადავალთ ლეპტოპის ზომის არჩევაზე.

როგორ გავზომოთ ეკრანის ზომა?

როგორ გავზომოთ ლეპტოპის ეკრანის ზომა

ყოველთვის, როცა ამ კითხვას დასვამთ, დაიმახსოვრეთ, რომ ლეპტოპის ეკრანი დიაგონალით იზომება. ეს იმას ნიშნავს, რომ უნდა გაზომოთ მარცხენა ზედა კუთხესა და მარჯვენა ქვედა კუთხეს შორის მონაკვეთი და ის უნდა შეასაბამებოდეს ლეპტოპის მახასიათებლებში მითითებულ ზომას.

არსებობს თუ არა სტანდარტი?

ლეპტოპის ზომებს განსაზღვრული სტანდარტი არ აქვთ. თუმცა მაინც შეგვიძლია ვთქვათ, რომ სტანდარტული ლეპტოპების უმრავლესობას 15 და 17 ინჩიანი ეკრანები აქვთ. კომპაქტურ ნოუთბუქებს კი  – 11-14 ინჩი.

ნოუთბუქის შერჩევისას უნდა გაითვალისწინოთ, რომ ორი გაჯეტის ერთნაირი დიაგონალი არ ნიშნავს ერთნაირი ზომის ვერტიკალურ და ჰორიზონტალურ ზომებს.

აქვთ თუ არა მნიშვნელოვანი უპირატესობები დიდ და პატარა ეკრანებს?

დიდი ზომის ლეპტოპის ეკრანი ჯობია თუ პატარა?

ფართო დისპლეის უპირატესობები

ფართო დისპლეის უპირატესობა ხედვის ფართო კუთხეა. ის აძლიერებს მომხმარებლის პროდუქტიულობას და კომფორტულ მუშაობას. თუმცა გაითვალისწინეთ, რომ ფართო დისპლეის მქონე ნოუთბუქი შედარებით მძიმე და დიდია. ამიტომ თქვენ თავად უნდა გადაწყვიტოთ რა არის თქვენთვის პრიორიტეტული.

პატარა ეკრანის უპირატესობები

პატარა დისპლეის მქონე ლეპტოპები მსუბუქი და კომპაქტურია. თქვენ შესაძლოა დიდი გაფართოების მქონე პატარა ნოუთბუქი შეარჩიოთ, მაგრამ ის თქვენ ხედვის ფართო კუთხეს ვერ მოგცემთ. ასე რომ საქმე აქაც თქვენს სურვილებზე და პრიორიტეტებზეა.

რა უნდა გავითვალისწინოთ შეძენამდე?

არსეობს რამდენიმე საჭირო კითხვა, რომლებიც თქვენს თავს უნდა დაუსვათ, სანამ ნოუთბუქს შეიძენთ და რომლებიც დაგეხმარებიან არჩევანის გაკეთებაში.

რამდენად კმაყოფილი ხართ თქვენი კომპიუტერის ეკრანის ამჟამინდელი ზომით?

აუცილებლად დაფიქრდით ამაზე და შემდეგ თუ მისი ზომა არ იცით, გაზომეთ. თუ თქვენ გაკმაყოფილებთ ამჟამინდელი პარამეტრები, მაშინ მსგავსი ზომის ნოუთბუქი უნდა შეიძინოთ. თუ ამჟამინდელი დისპლეი ზედმეტად პატარა ან დიდია, მაშინ შესაბამისად მოიქცევით.

რამდენად პორტაბელური კომპიუტერი გჭირდებათ?

პორტატული და სამოგზაურო ლეპტოპი

ზოგი მომხმარებელი ლეპტოპს გრაფიკული სამუშაოსთვის ან საოჯახო მოხმარებისთვის იყენებს და შესაბამისად დიდი ზომის ეკრანის მქონე გაჯეტი ესაჭიროება. სხვები კი სამუშაოდ, სამოგზაუროდ ან სასწავლებლად მცირე ზომის ლეპტოპებს ირჩევენ. ასე რომ გადაწყვიტეთ, რისთვის გჭირდებათ ის და შემდეგ გააკეთეთ არჩევანი.

იყენებთ თუ არა ლეპტოპს სათამაშოდ

თუ პასუხი დადებითია, მაშინ თქვენ დიდი ეკრანის მქონე ლეპტოპი გჭირდებათ, რადგან ის გაძლევთ ფართო ხედვის კუთხეს, უკეთეს დეტალიზაციას და კარგ გაფართოებას ერთად.

სათამაშო ლეპტოპები

სათამაშო ლეპტოპების სანახავად გადადით ბმულზე 🙂

დასკვნა

საბოლოო ჯამში კომპიუტერის ეკრანის ზომებს საკუთარი ცხოვრების წესისა და პრიორიტეტების მიხედვით ვირჩევთ. თუ კარგი გამოსახულება თქვენთვის პრიორიტეტულია, აირჩიეთ ფართო ეკრანიანი ნოუთბუქი. ხოლო თუ მუდმივად გადაადგილდებით და თქვენთვის მნიშვნელობა აქვს წონასა და ზომას, მაშინ არჩევანი პორტაბელურ ნოუთბუქზე გააკეთეთ.

თქვენთვის საუკეთესო ლეპტოპების შესარჩევად გამოიყენეთ Laptops.ge-ზე არსებული ფილტრები. ჩვენთან მოქმედებს ონლაინ განვადება 24 თვემდე. მიიღეთ ლეპტოპი სახლიდან გაუსვლელად.

წყარო: laptops.ge