2020 წლის საუკეთესო რობოტ ვაკუუმები

თუ საუკეთესო ვაკუუმს ეძებთ, უამრავი არჩევანი გაქვთ. ვაკუუმები იწყება დაბალ ბიუჯეტიანი ფასით – $200-იანი მოდელებით, რომლებიც შემთხვევითობის პრინციპით მოძრაობენ, თუმცა საკუთარ საქმეს აკეთებენ – და ასევე $1000-ზე ღირებულების მოდელები, რომლებიც რამდენიმე სართულს ასუფთავებენ და თავისით იცლებიან.

არ აქვს მნიშვნელობა საწყისი მოდელი გსურთ თუ გაუმჯობესებული როგორიცაა Rosie, ვაკუუმს უნდა შეეძლოს იატაკისა და ხალიჩების მოსუფთავება და თქვენი გათავისუფლება ცხოვრების ერთ-ერთი მომაბეზრებელი რუტინისგან. სახლებისთვის, სადაც შინაური ცხოველები არიან ვაკუუმი ყველაზე გამოსადეგი რამაა ბეწვის ასაღებად, რომლებიც თქვენ ოთხფეხა მეგობრებს სცვივათ.

თუ იღბლიანი ხართ, თქვენი კატა დაჯდება ვაკუუმზე და მას ატრიალებს, რაც შესანიშნავ ვიდეოს ქმნის YouTube-ზე ასატვირთად. და არა, ჩვენ არ ვიცით როგორ ვასწავლოთ კატას ეს. ვცადეთ, მაგრამ უშედეგოდ.

როდესაც ბევრ ჩვენგანს არ შეუძლია – ან არ უნდა – დატოვოს სახლი ამ დღეებში, კიდეც ერთი დადებითი მხარე ვაკუუმების არის ის, რომ შეგიძლიათ მათი დაპროგრამება, რათა გაწმინდონ სახლი, როცა შინ არ იმყოფებით. როდესაც დაბრუნდებით დაგხვდებათ: ჯადოსნურად გაწმენდილი იატაკი.

კიდევ ერთი დადებითი მახასიათებელი არის ის, რომ ვაკუუმი შეგიძლიათ დაუკავშიროთ Alexa ან Google Assistant-ს, ასე რომ თქვენ შეგეძლებათ ხმის საშუალებით მისცეთ ბრძანება. ზოგიერთ შემთხვევაში, თქვენ შეგეძლებათ ჩატვირთოთ ერთგვარი წესები და ვაკუუმი ავტომატურად დაიწყებს მუშაობას, როდესაც სახლიდან გახვალთ.

რომელია საუკეთესო ვაკუუმი?

ათობით რობოტ ვაკუუმზე ჩატარებული ტესტირებების მიხედვით, როგორც კონტროლირებად გარემოში – ასევე სახლში, ჩვენ ვფიქრობთ, რომ საუკეთესო ვაკუუმი ხალხის უმრავლესობისთვის არის Shark Ion R85. არ არის გასაკვირი, რომ მან დაიმკვიდრა ტოპ ადგილი, როდესაც ვტესტავდით მარცვლეულის ან შინაური ცხოველების ბეწვის აკრეფაში. მიუხედავად ამისა ის იყო ნელი და დაახლოებით ერთი საათი ჭირდებოდა წრის დასარტყმელად, როდესაც ყველაზე სწრაფ ვაკუუმებს მხოლოდ 10-20 წუთი სჭირდებათ.

Shark Ion R85 აქვს როგორც Amazon Alexa, ასევე Google Assistant მხარდაჭერა, ასე რომ თქვენ შეგეძლებათ გააკონტროლოთ მისი მუშაობა თქვენი ხმით. ჩვენ ასევე მოგვწონს ის ფაქტი, რომ R85 შეგიძლიათ შეიძინოთ სპევიალური ჯოხით, რათა გაწმინდოთ დივანი, ბალიშები და სხვა ადგილები რასაც თავისით ვერ მიწვდება.

თუ დამატებით ექსტრა ფული გაქვთ, ჩვენ რეკომენდაციას ვუწევთ სუპერ-ჭკვიან iRobot Roomba S9+. ამ ვაკუუმს აქვს ტენვის ბაზა, რომელსაც გამოაქვს მტვერი ვაკუუმიდან და შეუძლია შეინახოს ნარჩენები 30 გატარება. ეს ნიშნავს ნაკლებ სამუშაოს თქვენთვის. ასევე, S9+ მუშაობს საწმენდ რობოტ Braava M6-თან, ასე რომ, როდესაც S9+ მორჩება თავის საქმეს, შეტყობინებას გადასცემს M6-ს, რათა დაიწყოს წმენდა.

თუ თქვენ გინდათ ფულის დაზოგვა, საუკეთესო რობოტ ვაკუუმი არის iLife V3 Pro. ის $200ზე ნაკლები ღირს. თუმცა, მას არ აქვს ჭკვიანი სახლის მხარდაჭერა (ის უნდა აკონტროლოთ სპეციალური პულტით) და არის ნელი, დაახლოებით საათ ნახევარი დაჭირდა ჩვენი სატესტო ადგილის გასაწმენდად. მაგრამ თუ თქვენ ჩართავთ მას მაშინ როდესაც სახლიდან გადიხართ, ეს არ უნდა იყოს პრობლემა. რაც მნიშვნელოვანია არის ის, თუ რამდენად კარგად წმინდავს ის და V3 Pro ამას მშვენივრად ასრულებს.

1. Shark Ion R85
საერთო ჯამში საუკეთესო ვაკუუმი

წმენდის პერფორმანსი: 94 | ცხოველების ბეწვის ქულა: 88 | მიახლოებითი წმენდის დრო: 1 საათი | ხმის დონე: 59.2 dB | სანაგვე ყუთის ზომა: 625 ml | მახასიათბლები: Alexa, Google Home | ზომა: 12.8 x 12.5 x 3.4 ინჩი | წონა: 5.1 ფუნტი

ჩვენმა საერთო ჯამში საუკეთესო რობოტ ვაკუუმმა, Shark R85 დაამტკიცა საუკეთესობა შინაური ცხოველების ბეწვისა და სხვა ნარჩენების აღებაში, მინიმალური ხმაურით. მიუხედავად იმისა, რომ მას დაახლოებით ერთი საათი დაჭირდა, ის გაცილებით უფრო გულმოდგინე იყო, ვიდრე სხვა მოდელები. ჩვენ რჩევა? ჩართეთ ის და გადით სახლიდან საქმეებზე.

ჩვენ ასევე მოგვხიბლა იმ ფაქტმა, რომ მივიღეთ შეტყობინება მასზე და შეგვეძლო გამოგვეყენებინა ის სმარტფონიდან, ასევე მისი გამოყენება შესაძლებელია Alexa და Google Assistant-ის საშუალებით. ასევე R85-ის სანაგვე ყუთის დაცარიელება არის ძალიან მარტივი – ვაკუუმების უმრავლესობას არ გააჩნიათ ეს ფუნქცია – და შეგიძლიათ მასთან ერთად შეიძინოთ ვაკუუმის ჯოხი, რომლის საშუალებითაც შეძლებთ მოასუფთავოთ ის ადგილები, სადაც თავისით ვერ მიდის.

2. iRobot Roomba s9+
საუკეთესო ვაკუუმი, თვითდამცარიელებელი ნაგვის ყუთით

წმენდის პერფორმანსი: 96.3 | ცხოველების ბეწვის ქულა: 99 | სანაგვე ყუთის ზომა: 378.5 ml | მახასიათებლები: Alexa, Google Assistant | ზომა: 12.3 x 12.3 x 3.5 ინჩი | წონა: 8.2 ფუნტი

iRobot Roomba s9+ არის ყველაზე ჭკვიანი და გულმოდგინე ვაკუუმი, რომელიც დავტესტეთ. ასევე არის ყველაზე ძვირიც. Roomba s9+ აქვს განვითარებული ტოპოგრაფიული მეხსიერება და იმახსოვრებს რამოდენიმე სართულის ნახაზებს, მხოლოდ მცირე გატარების შემდეგ. ასევე შეგიძლიათ, მიუთითოთ ინდივიდუალური ოთახები და უთხრათ სპეციალური დღეები სპეციალური ოთახებისთვის. ჩვენ გირჩევთ, რომ ეს გააკეთოთ ისეთ დღეებში, როდესაც გადიხართ სახლიდან, ვინაიდან ეს არის ხმაურიანი რობოტ ვაკუუმი.

Roomba s9+ ასევე აქვს სანაგვე ყუთი ჩაშენებული; თქვენ მოგიწევთ სპეციალური ჩანთების ყიდვა, მხოლოდ 30 გაწმენდის შემდგომ. თუ ზედმეტი ფულის გადახდა გსურთ, s9+ შეუძლია დაუკავშირდეს Braava Jet m6 საწმენდ რობოტს ($499) და გადასცეს წმენდის ბრძანება, მას შემდეგ რაც თვითონ მორჩება მოსუფთავებას. ეს ძალიან მოსახერხებელია.

3. iLife V3s Pro
საუკეთესო ბიუჯეტური რობოტ ვაკუუმი

წმენდის პერფორმანსი: 97 | ცხოველების ბეწვის ქულა: 99.5 | მიახლოებითი წმენდის დრო: 1 საათი, 31  წუთი | ხმის დონე: 64.1 dB | სანაგვე ყუთის ზომა: 600 ml | მხარდაჭერა: არ აქვს | ზომა: 11.8 x 11.8 x 3 ინჩი | წონა: 4.5 ფუნტი

iLife V3s Pro არის საუკეთესო ვაკუუმი, რომლის ყიდვაც შეგიძლიათ $200 ნაკლებ ფასში. ფასის მიუხედავად, V3s Pro-მ უკეთესად შეასრულა მოვალეობა, ვიდრე მასზე სამჯერ უფრო ძვირმა მოდელებმა. მან თითქმის მთლიანად მოწმინდა შინაური ცხოველების ბეწვი როგორც ჩვენ გამოსაცდელ ლაბორატორიაში, ასევე სახლში ჩატარებულ ტესტებშიც გამოიჩინა თავი.

რამოდენიმე რამ არის გასათვალისწინებელი, როდესაც ასეთი დაბალი ფასის ვაკუუმს ვყიდულობთ. დამწყებებისთვის, iLife V3s Pro არის ნელი, დაჭირდა 90 წუთზე მეტი რათა გაესუფთავებინა ჩვენი სატესტო სივრჩე. ასევე, ვერ გააკონტროლებთ მას სმარტფონიდან, ასე რომ მოგიწევთ მისი კონტროლი სპეციალური პულტით და ვერ დაუკავშირებთ Alexa ან Google Assistant რათა ჩართოთ, ან  დაუწესოთ წმენდის განრიგი. ასევე აღმოვაჩინეთ, რომ ის იყო ოდავ უფრო ხმაურიანი, ვიდრე სხვა მოდელები. მაგრამ ის არის კარგი იმ საქმეში, რაც მას უშუალოდ ეხება და ეს არის მტვრის აღება. ამ ფასად მისი მინუსები არის ის კომპრომისები, რომელზეც თანახმანი ვართ.

4. iLife V5s Pro
კარგად ასუფთავებს, ნორმალურად წმინდავს

წმენდის პერფორმანსი: 94.8 | ცხოველების ბეწვის ქულა: 97.3 | მიახლოებითი წმენდის დრო: 1 საათი, 40 წუთი | ხმის დონე: 59.9 dB | სანაგვე ყუთის ზომა: 600 ml | მხარდაჭერა: არ აქვს | ზომა: 11.8 x 11.8 x 3 ინჩი | წონა: 4.9 ფუნტი

მეორე $200 ნაკლები ღირებულების ვაკუუმი არის iLife V5s Pro, რომელიც თითქმის ისევე კარგად იღებს ცხოველების ბეწვს, მარცვლეულსა და სხვა ნივთიერებებს ისევე ეფექტურად, როგორც V3s Pro. მთავარი განსხვავება არის ის, რომ V5s Pro დაემატა გამწმენდი ფუნქცია. ერთი შეხედვით ეს შესანიშნავი იდეაა- ვაკუუმი და მწმენდავი ერთად – თუმცა ჩვენ ტესტებში აღმოვაჩინეთ, რომ V5s Pro არც თუ ისე კარგად წმინდავს, ასე რომ ეს ფუნქცია მას დიდ ღურებულებას არ ანიჭებს.

ისევე როგორც ბიუჯეტური ვაკუუმების უმეტესობას, V5s Pro არ აქვს სმარტფონთან დაკავშირების ფუნქცია და მას არ შეუძლია დაუკავშირდეს ისეთ ვირტუალურ დამხმარეებს, როგორიცაა Alexa ან Google Assistant. ის ასევე არის ერთ-ერთი ყველაზე ნელი ვაკუუმი, რომელიც გამოვცადეთ. მას უფრო მეტი დრო დაჭირდა ვიდრე V3s Pro მოდელს. მიუხედავად ამისა, თუ გავითვალისწინებთ მის ფას, ის არის მაინც ეფექტური იაფი ვაკუუმი.

5. iRobot Roomba i7+
თვითგამწმენდავი ვაკუუმი

წმენდის პერფორმანსი: 90.4 | ცხოველების ბეწვის ქულა: 90.5 | მიახლოებითი წმენდის დრო: 18 წუთი | ხმის დონე: 62.6 dB | სანაგვე ყუთის ზომა: 397 ml | მხარდაჭერა: Alexa, Google Home | ზომა: 13.3 x 3.7 ინჩი | წონა: 7.4 ფუნტი

iRobot-ის ეს მოდელი იმიტომ მოხვდა ჩვენ სიაში, რომ მას აქვს საკუთარი ნაგვის ყუთი, ასე რომ, თქვენ შეგეძლებათ რამდენიმე კრუგი გაატაროთ გასაწმენდად, ისე რომ არ მოგიწევთ მისი დაცარიელება. მან გადაუსწრო Shark Ion R85-ს ჩვენს ტესტებში, ცხოველების ბეწვის აკრეფის მხრივ. მან მოახერხა აეკრიფა 90 პროცენტზე მეტი ბეწვი იატაკიდან.

მას აქვს ისეთი მახასიათებლები, როგორიცაა დაიმახსოვროს რამდენიმე სართულის დიზაინი და შექმნას ვირტუაური კედლები. Roomba i7+ ასევე არის ჩქარი, მოსუფთავებას ანდომებს 20 წუთზე ნაკლებს. მიუხედავად იმისა, რომ iRobot-მა გამოუშვა ახალი Roomba s9+, Roomba i7+ ფასმა დაიკლო, თუმცა მაინც ძვირ განყოფილებაში რჩება და ისეთივე ეფექტურად წმინდავს.

6. Neato Botvac D7 Connected
სწრაფი და გულმოდგინე ვაკუუმი

წმენდის პერფორმანსი: 91.3 | ცხოველების ბეწვის ქულა: 89.3 | მიახლოებითი წმენდის დრო: 10 წუთი | ხმის დონე: 66.3 dB | სანაგვე ყუთის ზომა: 600 ml | მხარდაჭერა: Alexa, Google Home | ზომა: 12.5 x 13.2 x 3.9 ინჩი | წონა: 8 ფუნტი

Neato Botvac D7 იმიტომ მოხვდა ჩვენ სიაში, რომ ის არის ყველაზე სწრაფი და ერთ-ერთი ყველაზე ჭკვიანი ვაკუუმი, რომელიც დავტესტეთ. მან ჩვენი ტესტი დაასრულა დაახლოებით 10 წუთსა და 22 წამში. თუმცა ის არ იყო ისეთივე ეფექტური როგოც ჩვენი ტოპ 2 არჩევანი – Shark Ion R85 და iLife V3s Pro – ნარჩენების აკრეფისას.

D7-ს აქვს მულტი ოთახებისა და იატაკის დამახსოვრების უნარი, ასევე შეგიძლიათ აკონტროლოთ Alexa ან Google Assistant-ის გამოყენებით.ასევე მოგვწონს ის ფაქტი, თუ რა მარტივად შეიძლება მისი გაწმენდა. $550 დოლარის ღირებულებით, Neato Botvac D7 არ არის არც იაფი და არც ძალიან ძვირი, ის განიხილება, როგორც საშუალო ფასიანი მოდელი და აქვს ყველანაირი ფუნქცია-მახასიათებელი, რომელიც თქვენ გჭირდებათ.

7. iRobot Roomba 690
სოლიდური მოდელი სოლიდურ ფასად

წმენდის პერფორმანსი: 89.2 | ცხოველების ბეწვის ქულა: 73.3 | მიახლოებითი წმენდის დრო: 1 საათი, 12 წუთი | ხმის დონე: 66 dB | სანაგვე ყუთის ზომა: 600 ml | მხარდაჭერა: Alexa, Google Home | ზომა: 13 x 3.6 ინჩი | წონა: 7.8 ფუნტი

მიუხედავად იმისა რომ iRobot Roomba 690 არის ძველი მოდელი, ის ერთ-ერთ საუკეთესო ვაკუუმად რჩება, რადგან მას აქვს ძლიერი შეწოვის უნარი და ძალიან მოსახერხებელია. მას შემდეგ რაც ჩართავთ მას, ის ყველაფერს თავისით ასრულებს. ეს ასევე არის ჭკვიანი მოდელიც: ის საშუალებას გაძლევთ აკონტროლოთ სმარტფონის საშუალებით და დაუწესოთ განრიგი, ან მისცეთ ხმოვანი შეტყობინება.

ამ მოდელმა კარგად გამოიჩინა თავი ხალიჩასა და იატაკზე, თუმცა თავი კარგად ვერ გაართვა შინაური ცხოველების ბეწვებს. მიუხედავად ამისა მან უპრობლემოდ გადალახა ისეთი წინაღობები, როგორიცაა დიდი ხალიჩა და კაბელები, ისე რომ არ გაიჭედა.

8. iRobot Braava Jet 240
საუკეთესო ბიუჯეტური ვაკუუმი გასაწმენდად

მიახლოებითი წმენდის დრო: 15 წუთი, 43 წამი | მხარდაჭერა: არ აქვს| ზომა: 7 x 6.7 x 3.3 ინჩი | წონა: 2.7 ფუნტი

ზოგიერთ ვაკუუმს აქვს საწმენდი რობოტებიც, რომელიც გეხმარებათ შეინარჩუნოთ თქვენი სამზარეულოსა და სააბაზანოს იატაკი სუფთად. iRobot-ის ბიუჯეტური მწმენდავი რობოტ ვაკუუმი, Braava Jet 240, უკვე რამდენიმე წელია ბაზარზეა და საკმაოდ ეფექტურიცაა.

სხვა ვაკუუმებისგან განსხვავებით, თქვენ უნდა დასვათ Braava Jet 240 იმ ოთახში, რომლის გაწმენდაც გსურთ და შემდეგ ის მიხედავს თავის მოვალეობას. მას არ აქვს რაიმე პულტი, ასევე არ შეგიძლიათ გააკონტროლოთ ის სმარტფონის საშუალებით ან ხმოვანი ბრძანებით.

ჩვენი ტესტებიდან აღმოვაჩინეთ, რომ Braava Jet 240 საკმაოდ კარგად ასუფთავებდა სითხეებსა და ლაქებს, თუმცა ვერ შეცვლის რეალურად ტილოთი მოწმენდილს. დამატებით ამისა, შესაცვლელი საფენების გამოცვლა დაგიჯდებათ ზედმეტი $24-$48 ყოველწლიურად, რაც უნდა გაითვალისწინოთ.

9. iLife Shinebot W400

მიახლოებითი წმენდის დრო: 13 წუთი, 44 წამი | მხარდაჭერა: არ აქვს| ზომა: 11.5 x 11.1 x 4.6 ინჩი | წონა: 7.7 ფუნტი

iLife Shinebot W400 არის კიდევ ერთი მხოლოდ საწმენდი რობოტი, ამიტომ კარგად დარწმუნდით, რომ იატაკს კარგად მოუსვამთ, სანამ ამ რობოტს ჩართავთ. ეს რობოტი უფრო დიდია ვიდრე Braava Jet 240, სწორედ ამ მიზეზით მას გარკვეული პრობლემები აქვს ავეჯის ქვევით შესვლასთან.

თუმცა, W400 უფრო კარგი მაჩვენებელი აქვს იატაკის მოწმენდასთან, ვიდრე Braava Jet 240. ჩვენ ასევე მოგვეწონა ის ფაქტი, რომ W240 აქვს სპეციალური წყლის კონტეინერი, ასე რომ დანამდვილებით ვიცოდით ის ფაქტრი, რომ მტვერს ბოლომდე ისრუტავდა და არ ფანტავდა. რასაკვირველია, ყოველი გამოყენების შემდეგ უნდა გამოცვალოთ ეს წყალი, რაც არც თუ ისე სასიამოვნოა. ასევე W240 საფენები არის რეცხვადი და არ მოგიწევთ ყოველთვის ახლის ყიდვა.

როგორ ავარჩიოთ საუკეთესო რობოტ ვაკუუმი

სანამ ყიდვას გადაწყვეტთ, უნდა განსაზღვროთ თუ რა მოთხოვნილებები გაქვთ და რამდენის დახარჯვას აპირებთ. ასევე უნდა გაითვაისწინოთ:

• რამდენის დახარჯვა გსურთ
• იმ ადგილის მაშტაბი, რისი გაწმენდაც გსურთ
• შინაური ცხოველების ბეწვის ასაღებათ გჭირდებათ თუ არა
• თუ გსურთ ვაკუუმის სმარტფონით მართვა

ზოგადად, ვაკუუმები იყოფა ორ კატეგორიად: ბიუჯეტური – მოდელები, რომლებიც $200 ღირს ან უფრო ნაკლები და ჭკვიანი მოდელები – დაახლოებით $400-დან იწყება ფასი. მიუხედავად იმისა, რომ ისინი შეიძლება იყვნენ კარგი მწმენდავები, ბიუჯეტური მოდელები არ არიან სწრაფები. მათ შეიძლება ერთ საათზე მეტიც კი დაჭირდეთ მცირე ოთახის გასაწმენდად.

უფრო ფასიან რობოტ ვაკუუმებს აქვთ სპეციალური სენსორები, რომელთა საშუალებით ახდენენ ოთახის რუკის დამახსოვრებას და უფრო ეფექტურად მუშაობენ. ზოგიერთ რობოტ ვაკუუმს შეუძლია ათ წუთზე ნაკლებ დროშიც კი შეასრულოს თავისი საქმე. ამ სახის ვაკუუმებს აქვთ ისეთი მახასიათებლები, როგორიცაა სმარტფონით კონტროლი, Alexa და Google Assistant.

როგორ ვტესტავთ რობოტ ვაკუუმებს

იმისათვის რომ განვსაზღვროთ საუკეთესო რობოტ ვაკუუმი, ჩვენ ვიწერთ ამაზონიდან ყველაზე პოპულარულ მოდელებს მათი ფასისა და უკუკავშირის მიხედვით, ვითვალისწინებთ მომხმარებელთა კომენტარებსაც.

ჩვენი ანალიზის პირველი ფაზა იწყება შემდეგი გამოცდით, ჩვენ ვაკვირდებით თუ რამდენად ეფექტურად შეუძლია მოასუფთავოს 20 გრამი მარცვლეული და 2 გრამი შინაური ცხოველის ბეწვი როგორც იატაკიდან, ასევე ხალიჩიდან. ასევე ვინიშნავთ დროს თითოეული მათგანისთვის და განვსაზღვრავთ თუ რამდენად ხმაურიანი ის მუშაობისას.

წმენდის დროს ნაკლებ მნიშვნელობას ვანიჭებთ, უფრო მეტად წმენდის ეფექტურობაზე ვამახვილებთ ყურადღებას, რადგან ხალხი ვაკუუმს ძირითადად სახლიდან გასვლის შემდეგ რთავს.

ამის შემდეგ, ვაკუუმები იგზავნება რეალურ სამყაროში. აქ ჩვენ ვაკვირდებით თუ რამდენად კარგად შეუძლია ნავიგაცია შენობაში, იჭედება თუ არა ავეჯის ქვეშ ან ხალიჩაზე, რამდენად რთულია მისი დამონტაჟება ან მისი გასუფთავება.

ამის შემდეგ კი საბოლოოდ ვაფასებთ მის ფას, წმენდის შესაძლებლობას, ფუნქციონირებას და რამდენად მარტივად გამოიყენება მსგავსი მოდელებისგან განსხვავებით.

საუკეთესო რობოტ ვაკუუმი: ტესტების შედარება

ქვემოთ მოცემულია ცხრილი, რომელიც აჩვენებს ტოპ რობოტ ვაკუუმების შედეგებს. ეს გვაჩვენებს თუ რამდენად კარგად შეასრულეს თავიანთი მოვალეობები ტოპ მოდელებმა: მარცვლეულის აკრეფა, შინაური ცხოველების ბეწვის მოსუფთავება. ცხოველების ბეწვის მოსუფთავება წარმოდგენილია პროცენტებში, დრო არის თუ მიახლოებით რა დრო დაჭირდა ვაკუუმებს მოსასუფთავებლად.