ბაზარი იმდენადაა გაჯერებული უამრავი სხვადასხვა ყურსასმენით, ჩნდება კითხვა, რომელი მათგანია საუკეთესოთა შორის საუკეთესო? აქ წარმოდგენილია CNET-ის ტოპ ნარჩევი მოდელები – დაწყებული სრული ზომის მოდელებიდან, მცირე უკაბელო ყურის დამხშობებამდე.

აუარებელი ოდენობის შესანიშნავი პროდუქტების არსებობისას, რთულია მათგან საუკეთესო ყურსასმენების სიამდე დასვლა, განსაკუთრებით იმის გამო რომ შეუძლებელია ბაზარზე არსებული ყოველი მოდელი შეამოწმო და მიმოიხილო. მაგრამ, მე მაინც ვცდი. ჩვენ ძირითადად ვფოკუსირდებით უკაბელო ყურსასმენებზე და უკაბელო ყურის დამხშობებზეც. დიახ Apple-ს AirPod-ები საოცრად პოპულარულია ბოლო რამდნეიმე წლის მანძილზე — მაგრამ ყურსასმენთა ამ ჩამონათვალში ასევე შეხვდებით ე.წ. “over-ear” ყურს-ზემოთა ამოდელებს და ზოგიერთ უფრო მეტად ხელმისაწვდომ ყურსასმენსაც, როგორც „ბიუჯეტურ“ გამორჩეულ ერთეულებს მათთვის, ვისაც არ უნდათ ბევრი ფინანსური რესურსის გაღება კომფორტისა და დიდებული ხარისხისთვის.

ესენი გახლავთ ჩვენი მიმდინარე ფავორიტი პროდუქტები. უბრალოდ, ყურადღება მიაქციეთ იმას რომ, 2020 წელს ჩვენ უამრავ ახალ მოდელს ვიხილავთ, რომელთაგან ბევრიც იანვრის სტატიებში იყო წარმოდგენილი.

ხმაურის ჩამხშობი ყურსასმენი

Sony WH-1000XM3 


Sony-ს WH-1000XM3 Sony-ს მესამე თაობის შესანიშნავი უკაბელო, ხმაურის ჩამხშობი ყურსასმენია, რომელსაც უფრო კომფორტული ზომა და მახასიათებლები აქვს, რაც უფრო კარგ პერფორმანსს სთავაზობს მომხმარებელს, ვიდრე ეს მისი წინამორბედის შემთხვევაში იყო. ერთი სიტყვით – იგი სრულყოფილია მუსიკის მოსმენისათვის. გამძლე ელემენტით წარმოდგენილი ეს over-ear მოდელი ჩვენს რეიტინგში ტოპ პოზიციას ინარჩუნებს საუკეთესო ხმის ჩამხშობი ფუნქციისათვის და ცოტათი ჩამოიტოვებს Bose-ს ხმაურის ჩამხშობ ყურსასმენებს სახელად 700, რომელიც უფრო ძვირიცაა.

ხმაურის იზოლაციისათვის ნამდვილად საუკეთესო უკაბელო ყურსასმენი

Apple AirPods Pro 
Link

წყალგამძლე: დიახ (IPX4 რეიტინგში — უძლებს წვეთების მოხვედრას).

თუნდაც იმდენად მომაჯადოებლად არ ჟღერდეს მისი ხმები, რამდენადაც იმედოვნებდით რომ 249 დოლარიან მოდელს უნდა ჰქონოდა, Apple AirPods Pro ჯერ კიდევ ახერხებს უკაბელო ყურსასმენების საუკეთესო მოდელთა სიის ლიდერობას. ეს მეტწილად მისი მომგებიანი დიზაინისა და კომპაქტურობის დამსახურებაა, ასევე გაუმჯობესებული ბას პერფორმანსის, ეფექტური ხმაურის იზოლაციის და ზარების შესანიშნავი ხარისხისაც. დიახ, მართლაც ძვირიანი მოდელია მაგრამ კარგი სიახლე ისი გახლავთ რომ იმდენად ხშირად გამოიყენებთ რომ ალბათ უბრალოდ გაცვითავთ მის ელემენტს — დროთა განმავლობაში ის, თავისთავად ფუჭდება და არ არის ჩანაცვლებადი — ამიტომ 18-დან 24 თვემდე პერიოდში, მაინც მოგიწევთ ახალი ყურსასმენის წყვილის ყიდვა, რაღათქმაუნდა, თუ მანამდე არ დაკარგავთ. წაიკითხეთ Apple AirPods Pro ჩვენი მიმოხილვა.

საუკეთესო ხმაურის ჩამხშობი ყურსასმენები, რომლებიც ზარების განხორციელებასაც შესანიშნავად უმკლავდება

Bose-ს ხმაურის ჩამხშობი ყურსასმენები 700 

Bose ხმაურის ჩამხშობი ყურსასმენები 700, Quiet Comfort 35 II მოდელების შემდგომი დიდი ხნის ნანატრი შთამომავალი, შესაძლოა წინ გადადგმული ქვანტური ნაბიჯი არაა, მაგრამ ის შედარებით უკეთეს ხმას, ზარებისა და ხმაურის ჩახშობის ხარისხს და გამოცდილებას სთავაზობს მომხმარებელს. აფსუს, რომ ეს ყურსასმენები 400 დოლარი ირს, თუმცა მისი ერთჯერადი დამუხტვა 20 საათიან უწყვეტ სამუშაო რეჟიმს გთავაზობთ, რაც უდაოდ კარგი მაჩვენებელია. მე კი შედარებით მეტად ვამჯობინებ Sony WH-1000XM3-ის დიზაინსა და ზომას (და ნაკლებ ფასსაც) და რამდენადაც შეიძლება ვიდაოთ იმაზე, რომელი ყურსასმენი უკეთესი ჟღერადობით გამოირჩევა, ერთი რამ ცხადია: Bose-ს ხმაურის ჩამხშობი მოდელი აშკარად უკეთ მუშაობს როგორც ჰედსეთი ზარების განსახორციელებლად. ზოგიერთისთვის შესაძლოა ეს დამატობითი ხარჯიც იყოს. გაეცანით Bose-ს ხმაურის დამხშობი ყურსასმენების მიმოხილვას ამ ლინკზე: Bose Noise Cancelling Headphones 700 review.

შესანიშნავი მრავალმხრივი უკაბელო ყურსასმენი

Jabra Elite 75t

წყალგამძლე: დიახ (IP55 რეიტინგში — შეუძლია გაუძლოს წყლის დიდ შხეფებს).

პირველი შეხედვით, Elite 75t, რომელიც თავდაპირველად ნავარაუდები იყო რომ ეღირებოდა 200 დოლარი, თუმცა ახლა მისი საბაზრო ფასი 180 დოლარია, უფრო მეტად ჰგავს მაღალრეიტინგული Elite 65t-ს ევოლუციურ განახლებას. თუმცა, ეს განახლებები, როგორც აღმოჩნდა ცოტათი მეტად უფრო არსებითი აღმოჩნდა, ვიდრე პირველად ვფიქრობდით. Elite 75t-ს შედარებით მცირე ზომა (ყურსასმენის და ქეისის ზომა მისი წინაპრის ზომაზე 20%-ით მცირეა), მისი გაუმჯობესებული ელემენტის სიცოცხლისუნარიანობა და USB-C დამუხტვის რეჟიმი თვალშისაცემი განახლებაა. და გარდა ამისა არის უფრო პატარა ცვლილებებიც, როგორიცაა ახალი დასამუხტი ქეისის დიზაინი, რომელსაც შიდა მაგნიტები აქვს, რაც  აიოლებს მის გახსნას და დაკეტვას და ასევე ყურსასმენებიც სანდოდ ინახება მასში. მაშინ როდესაც Elite 75t არ არის იმდენად კომფორტული სატარებლად, როგორც AirPods Pro-ა და არ გააჩნია ხმაურის აქტიური შემცირების პარამეტრი, ის ბევრად უკეთესი ჟღერადობითაა გამორჩეული და საერთო ხმაც უფრო სუფთაა და ბასიც ბევრად მაღალი გარჩევადობისაა. უბრალოდ, გაითვალისწინეთ, რომ Jabra Elite Active 75t გაყიდვაში ეშვება თებერვალში, რომელსაც კიდევ უკეთესი წყალგამძლეობის მახასიათებელი აქვს და მასში სულ რაღაც 20 დოლარით ძვირს გადაიხდით. წაიკითხეთ Jabra Elite 75t მიმოხილვა.

საუკეთესო უკაბელო ყურსასმენები, რომელთაც 100 დოლარზე ნაკლებად შეიძენთ

Anker Soundcore Liberty Air 2

წყალგამძლე: დიახ (IPX5 რეიტინგში — შეუძლია გაუძლოს წყლის დიდ შხეფებს).

თუ თქვენი ბიუჯეტი არ ერგება AirPods Pro-ს მაღალ ფასებს, Anker Soundcore Liberty Air 2 მაშინ კარგი ალტერნატივა შეიძლება იყოს თქვენთვის და თან, იგი ზარების განხორციელებისათვის ტოპ მოდელადაცაა აღიარებული. ისევე როგორც AirPods Pro იგი შესანიშნავად ახშობს გარსშემომცველ ხმაურს (მომხმარებლებმა განაცხადეს, რომ ისინი ქუჩის დიდ ხმაურშიც კარგად იგებდნენ ჩემს ხმას). იმდენად, რამდენადაც მათ არ აქვთ აქტიური ხმაურის ჩახშობის რეჟიმი, ისინი თითქმის ისევე კარგ ჟღერადობას გამოსცემენ, გამოირჩევა კომფორტული დიზაინითა და მაღალი ხმით. მისი ფასი მხოლოდ 100 დოლარია. გაეცანით ჩვენს მიმოხილვას პროდუქტის შესახებ: Anker Soundcore Liberty Air 2 .

უმაღლესი კლასის უკაბელო ყურსასმენი

Sony WF-1000XM3 

წყალგამძლე: არა(არ აქვს IPX სერტიფიცირება).

WF-1000XM3-ის წყალობით Sony საბოლოოდ გახდა ჭეშმარიტი უკაბელო ყურსასმენების არენის მოთამაშე. მაშინ როდესაც ყურსასმენის ეს წყვილი არ გამოირჩევა დაბალი ფასით, ხმის ხარისხით, ის ჯერ კიდევ საუკეთესო უკაბელო ყურსასმენად ითვლება ამ ფასისათვის და არამხოლოდ ემთხვევა, შესაძლოა აჭარბებდეს კიდევაც მისი მსგავსი ფასის დიაპაზონის კონკურენტებს ხარისხითა და პერფორმანსით, ესენია

Sennheiser, Beats, Master & Dynamic და Bang & Olufsen.

მას ასევე აქვს ფუნქციონალი, რომელიც ამ უკაბელო ყურსასმენებს არ გააჩნიათ, ესაა აქტიური ხმაურის იზოლაციის ტექნოლოგია, რომელიც ამცირებს გარშემო არსებულ ხმაურს.

ის ზარების განხორციელების კუთხით ვარკსვლავური შესაძლებლობებით არ გამოირჩევა (მისი ხმაურის შემცირების უნარები უნდა იყოს ბევრად უკეთესი) და არც ოფლგამძლე და არც წყალგამძლედ არაა აღიარებული. თუმცა, მე მათ მსუბუქი ვარჯიშებისას ვიყენებდი და ცოტაოდენი ოფლი სავარჯიშო დარბაზში არანაირ პრობლემას არ ქმნიდა. ის კავშირისთვის Bluetooth 5.0 ტექნოლოგიას იყენებს, AAC-ს მხარდაჭერით და არა aptX-ის. მეტი ინფორმაციისთვის: Sony WF-1000XM3.

საუკეთესო უკაბელო ყურსასმენი 50 დოლარს ქვემოთ ფასის კატეგორიაში

EarFun Free 

წყალგამძლე: დიახ (IPX7 რეიტინგში — სრულიად წყალგამძლე).

რაც ყველაზე შთამბეჭდავია EarFun Free მოდელში ეს მისი ფუნქციონალებია: Bluetooth 5.0, ორივე USB-C და უკაბელო დამუხტვა და სრული წყალგამძლეობა (IPX7), რასაც მის სპეციფიკაციაში ვკითხულობთ. აქვს თუ არა ფანტასტიური ჟღერადობა? არა, თუმცა ეს ბლუთუზ ყურსასმენები საკმაოდ კარგი ხმით გამოირჩევა. არ აქვს უმაღლესი კლასის მკაფიოობა რაც ზოგადად 150 დოლარის ფასიდან იწყება, მაგრამ ნამდვილად აქვს პირდაპირი, სუფთა ბასები რაც საკმარისია იმისთვის რომ მისგან გამოსული ხმა დახშულად არ მოგესმეთ. ისინი ასევე საკმაოდ სოლიდურია ზარებისათვის. ერთი სიტყვით, შესანიშნავი მახასიათებლებია 50 დოლარზე ნაკლებ ფასად.  გაეცანით ჩვენს EarFun Free მიმოხილვას.

აუდიოფილისთვის საუკეთესო ახალი ყურსასმენები

V-Moda M-200

V-Moda-ს M-200 (350 დოლარი) ერთადერთი კაბელიანი ყურსასმენია ჩვენს ჩამონათვალში. იგი 2019 წლის ბოლოს გამოვიდა და გამოირჩევა სუფთა და დეტალიზებული ხმებით, რომელსაც ასევე შესანიშნავი ბასები აქვს და მოსახერხებელი ყურის სარქველებიც იმაზე მეტყველებს, რომ მათი ტარება კომფორტულია. 50 მილიმეტრიანი დრაივერები ნეოდიმის მაგნიტებით, სპილენძის გარსაკრავიანი ალუმინის კაბელი ხმის ხვიები და დეტალიზებულად დამუშავებული Roland-ის ინჟინერთა მიერ – დიახ, V-Moda ახლა Roland-ის მფლობელობაშია – M-200 კი მაღალი რეზოლუციის აუდიო სერთიფიცირებული მოდელია, იაპონიის აუდიო საზოგადოების მიერ.

სხვა V-Moda ყურსასმენები კი მიდრეკილნი არიან ზედმეტი ბასისკენ, თუმცა ამ უკანასკნელს უფრო მეტად ნეიტრალური პროფილი აქვს, რასაც ალბათ სტუდიური ყურსასმენისგან მოელით ხოლმე. ის გამოდის ორი კაბელით, ერთ-ერთში კი ჩაშენებულია მიკროფონი, ზარების განსახორციელებლად. კარგი იქნებოდა, თუ V-Moda მანათობელ ან USB-C ყურსასმენის კაბელებსაც შესთავაზებდა სმარტფონების მომხმარებლებსაც.

საუკეთესო იაფი ხმაურის ჩამხშობი თვისებებით

Anker Soundcore Life Q20 

არ გახლავართ იაფფასიანი ხმაურის ჩამხშობი ყურსასმენების დიდი ფანი. მაგრამ, რეალურად გამიჭირდა ისეთი მოდელების ჩამონათვალის ჩამოყალიბება, რომელიც საუკეთესო ხმის ჩახშობის პარამეტრით გამოირჩეოდა, ვინაიდან, მართლაც ძალიან ცოტაა ისეთი, რომლის ყიდვასაც მე გულახდილად გირჩევდით. თუმცა Anker-ის Soundcore Life Q20 ჰიბრიდი ხმაურის აქტიური ჩახშობის ფუნქციით მართლაც გამონაკლისია. ისინი საკმაოდ სერიოზულია მისი რეგულარული სიის ფასისათვის, რაც 60 დოლარს შეადგენს და ხშირად 10 დოლარით ნაკლებადაცაა გამოტანილი გასაყიდად.

Life Q20, არა, ნამდვილად არ ჟღერს ისე კარგად, როგორც პრემიუმ მოდელები, როგორიცაა Sony WH-1000XM3, მაგრამ, იგი მაინც კარგი ხმით გამოირჩევა, რაც მაქსიმუმია იმისა, რაც ამ ფასად შეიძლება მიიღოთ. ის კარგად დაბალანსებულია სიმკვეთრის რაციონალური სიდიდით და თანაბარი ბასით, რაც არც ბლომადაა და არც ცოტაა (ასევე აქვს ბასის გასამდიდრებელი რეჟიმი, თუ ხმის მსგავს ჟღერადობას ხართ შეჩვეული). ის სატარებლადაც ამდენადვე კომფორტულია, ხმის ჩახშობის ფუნქცია დამაკმაყოფილებლად ეფექტურია და სოლიდურია ასევე როგორც ჰედსეთი ზარების განხორციელებისთვის, ელემენტი კი დატვირთული მუშაობის რეჟიმში 40 საათამდე გაგიძლებთ. ასევე თან მოჰყვება უბრალო ტომსიკა სატარებლად.

საუკეთესო ფასის მქონე პრემიუმ უკაბელო ხმისთვის

Anker Soundcore Liberty 2 Pro 


წყალგამძლე: დიახ(IPX4 რეიტინგში — წყალგამძლე).

Anker ცნობილია უფრო მისი ღირებული ყურსასმენებით, მაგრამ ის ცდილობს შეაბიჯოს უფრო პრემიუმ ტერიტორიაზე მისი Soundcore Liberty 2 Pro ყურსასმენით, რომელიც ჩვენს სიაში 150 დოლარი ფასითაა წარმოდგენილი. დიზაინის კუთხით, იგი იზიარებს რიგ მსგავსებებს Sony’s WF-1000XM3-თან, თუმცა ამ მოდელს არ გააჩნია აქტიური ხმის ჩახშობის რეჟიმი. Anker აცხადებს, რომ მათ აქვთ 11 მილიმეტრიანი დიდი დრაივერები კომბინირებული Knowles Balanced Armature-სთან, ელემენტის 8 საათამდე ხანგრძლივობით, ერთ დამუხტვაზე (32 სრული საათი დატვირთულ რეჟიმში)  და ხმაურის იზოლაციის უნარის მქონე მიკროფონით, რომელიც გეხმარებათ გარსშემომყოფი ხმებისგან იზოლირებაში, რაც უკეთ ასმენინებთ თქვენს ხმას. ისინი USB-C პორტის გავლით იმუხტება და ასევე აქვს უსადენო დამუხტვის მხარდაჭერაც.

მისი ჟღერადობა არაა იმდენად კარგი, როგორიც ეს Sony WF-1000XM3-ის შემთხვევაშია, მაგრამ ისინი ნამდვილად პრემიუმ ხარისხის უსადენო ყურსასმენების ხარისხს იმეორებს, მდიდარი ხმებით, რომელიც მოიცავს ძლიერ ბას პერფორმანსს და უამრავ დეტალს. ზოგ ადამიანს შესაძლოა მისი ზომა არ მოსწონდეს. არ აქვს მნიშვნელობა, მისი გამოყენება გსურთ როგორც სამგზავრო ყურსასმენი, თუ ვარჯიშის კომპანიონი, ის მის საქმეს მაინც გააკეთებს. ასევე კარგად გაუმკლავდება ზარების განხორციელებასაც (ფონურ ხმებს ნამდვილად კარგად ამცირებს).

იყენებს Bluetooth 5.0 კავშირის ტიპს AAC-სა და aptX-ის მხარდაჭერით.