გამომდინარე იქედან რომ თქვენ რაღაც პერიოდის მანძილზე სახლიდან მუშაობა მოგიწევთ, ვფიქრობთ, ერთ-ერთი ჭკვიანური ნაბიჯი, რასაც გადადგამდით, კომფორტული სავარძლის შეძენაა. კარგი საოფისე სკამი არამხოლოდ ვიზუალური მახასიათებლებით გამოირჩევა, ის ამასთანავე, გხდით ბევრად უფრო პროდუქტიულს და უფრო მეტად ფოკუსირებულს, თავს მყუდროდ და მოხერხებულად გაგრძნობინებთ გრძელი ვიდეოზარების მანძილზეც კი. სწორ პოზაში ჯდომა ასევე მოგიხსნით ზურგზე დატვირთვას და დღის ბოლოს არ გექნებათ მხრებზე ტვირთის შეგრძნება. დამერწმუნეთ, მე ვმუშაობ სწორედ სახლიდან უკვე ხუთ წელიწადზე მეტია და ვიცი, რომ კარგი, თქვენს საჭიროებებზე მორგებული სავარძელი ნაყოფიერი და დაბალანსებული სამუშაო დღის ერთ-ერთი ფუნდამენტური გასაღებია, მიუხედავად იმისა, თუ საიდან მუშაობთ.
კარგი ოფისის სავარძელი არამხოლოდ კომფორტულია, არამედ ის უნდა ერგებოდეს თქვენს საკუთარ მოთხოვნებს, შეგეძლოთ სავარძლის სხვადასხვა ნაწილის ისე გადაწყობა რომ ის საუკეთესოდ შეეთავსოს თქვენი სხეულის მოხაზულობას. უნდა მიყვებოდეს თქვენს მოძრაობებს.
ჩვენ გადავხედეთ როგორც მაღალფასიან, ასევე დაბალფასიან სავარძლებს, რომელთა ფასი 100 დოლარიდან 1,400 დოლარამდე დიაპაზონში მერყეობს. ბაზრის შესწავლის შედეგად მართლაც ცხადია რომ სახლის პირობებში კომფორტული სამუშაო ადგილის მოწყობას სრულებით არ სჭირდება დიდი ბიუჯეტი; ჩვენ ბიუჯეტურ სავარძლებში გამოვარჩიეთ 110 დოლარიანი AmazonBasics Classic Office Chair რომლის მახასიათებლებიც არაფრით ჩამოუვარდება უმაღლესი კატეგორიის Aereon-ის სავარძლის მახასიათებლებს და ეს ყველაფერი თქვენ Aeron-ის ფასის მეათედი დაგიჯდებათ.
რომელია საუკეთესო ოფისის სავარძლები?
ჩვენი ფავორიტი კლასიკური Herman Miller Aeron გახლავთ. მართალია ეს ძვირიანი სავარძელი საკმაოდ ბევრი წელია რაც ბაზარზე დომინანტ პოზიციას ინარჩუნებს, მაგრამ მწარმოებელი კომპანია, სრულებით არ კმაყოფილდება ამ მდგრად პოზიციას და ამ მოდელის დიზაინს გამუდმებით ხვეწავს და ანახლებს, რათა ფეხი აუწყოს მიმდინარე ტენდენციებს ეს სავარძელი კი გადაუჭარბებლად, მართლაც, ინჟინერიის საოცრებას წარმოადგენს. ფასის დიდ ნაწილს მართალია დიზაინში იხდით: მისი ფასი 1,395 დოლარია და ეს აშკარად დიდი ინვესტიცია იქნება თქვენი მხრიდან. ამ სავარძლის შემთხვევაში თქვენ ნამდვილად იმას მიიღებთ, რისთვისაც გადაიხადეთ: იგი ერთ-ერთი ყველაზე უკეთ კონფიგურირებადი და ადაპტირებადი სავარძელია, იმ სავარძელთა შორის, რომლებიც ჩვენს დასაკვირვებელ ჩამონათვალში მოხვდა, ამასთან თქვენ შეგიძლიათ ისეთი მახასიათებლები შემატოთ, როგორიცაა თავისა და ფეხის საყრდენები, რომლებიც შესანიშნავად ჯდება მის მთლიან დიზაინში.
საინტერესო კამპანია წამოიწყო Herman Miller-მა, რომელიც ჯანდაცვის მუშაკებს, სამხედრო პერსონალსა და პირველ გამომხმაურებლებს საკუთარ პროდუქციაზე 25%-იან ფასდაკლებას, უფასო მიტანის სერვისს სთავაზობს.
ჩვენ ავარჩიეთ ორი ბიუჯეტური მოდელი: Amazon Classic Office Chair, რომლის ფასი 110 დოლარია და 160 დოლარიანი Space Seating Professional AirGrid. Amazon-ს მოდელი მარტივი ფორმის მაგრამ მაღალხარისხიანი სავარძელია, რომელიც საბაზისო მახასიათებლებითაა წარმოდგენილი: კომფორტული ტყავის ზედაპირი, სავარძლის სიმაღლისა და დახრილობის მარტივი მარეგულირებელი და გორგოლაჭები, რომლის საშუალებითაც თქვენს საოჯახო ოფისში მშვენივრად იქროლებთ.
160 დოლარიანი Space-ს სავარძელი რეგულირების უფრო მრავალფეროვან საშუალებებს გთავაზობთ, რის გამოც მას სიხარულით ირჩევენ ადამიანები, რომელთაც ზურგის პრობლემები აწუხებთ და ისეთი სავარძლის შეძენა სურთ, რომელიც მათ საჭიროებებზე მორგებულად კონფიგურირდება. თქვენ ასევე შეგიძლიათ სამკლავურების სიმაღლეც დაარეგულიროთ, რაც ნამდვილად მნიშვნელოვანია მხრებისა და ზურგის კომფორტისთვის. Space-ს სავარძელი ასევე გამოირჩევა ერთი განსაკუთრებული მახასიათებლით, მას საზურგეში ინტეგრირებული ბადე აქვს, რაც უზრუნველყოფს ჰაერის შეუფერხებელ მოძრაობას, შედეგად კი თავიდან აირიდებთ ზურგის გაოფლიანებას. რა თქმა უნდა, უფრო იაფფასიანი სავარძლებიც არსებობს, მაგრამ ეს ორი მოდელი ფასისა და მახასიათებლების საუკეთესო ბალანსითაა წარმოდგენილი და მართლაც გამორჩეულია სხვა დანარჩენთაგან.
საუკეთესო საოფისე სავარძლები, რომელთა ყიდვაც დღესვე შეგიძლიათ
1. Herman Miller Aeron
საუკეთესო საოფისე სავარძელი ფასის მაღალ კატეგორიაში
ფეერები: ნაცრისფერი, გრაფიტი, მინერალი | მასალა: 8Z პელიკულური ელასტომერი და ალუმინი | დასაჯდომის სიგანე: 18.5 ინჩი (დიდი), 16.5 ინჩი (საშუალო), 16 ინჩი (პატარა) | წონის ლიმიტი: 159 კგ
✅ მორგებადობის დიდი შესაძლებლობა
✅ ელასტომერული მატერია უზრუნველყოფს ვენტილაციას
✅ დამატებთი თავისა და ფეხის საყრდენები
❌ მაღალი ფასი
მომხმარებელთა გამოკითხვის შედეგად დგინდება, რომ Herman Miller Aeron სავარძელი, უზომოდ კომფორტულია. ეს პოპულარული მოდელი შესაძლებლობას გაძლევთ მისი ყველა მახასიათებელი მოარგოთ თქვენსავე ინდივიდუალურ საჭიროებებს, მათ შორის ისეთი დეტალებიც კი, როგორიცაა მასალის რვა ზონის დაჭიმულობის რეგულირება (მოიცავს ყველაზე მნიშვნელოვან – წელის საყრდენს) და სამკლავურების კუთხისა და დახრილობის ცვლილების შესაძლებლობას. მას ასევე აქვს ორი პროფილის მხარდაჭერა: ერთი მათგანია ის რომ, წინ გადახრისას სავარძელი იმეორებს თქვენს მოძრაობას, მეორე კი იგივე მახასიათებელია როცა უკან გადაიხრებით და ეყრდნობით მას.
შესაძლოა მისი ეს ფასიც არაა თქვენთვის გასაკვირი. 1,395 დოლარად თქვენ ან ერთ-ერთ ამ სავარძელს შეიძენთ ან 11 ცალ ჩვენს უიაფეს არჩევანს, AmazonBasics კლასიკურ საოფისე სავარძელს. მაგრამ, რამდენადაც თქვენ მხოლოდ ერთი სავარძელი გჭირდებათ და თუ სახლიდან დიდი ხნის მანძილზე მოგიწევთ მუშაობა, ვფიქრობ ეს ინვესტიცია თავის შედეგს აუცილებლად გამოიღებს.
2. AmazonBasics კლასიკური საოფისე სავარძელი
საუკეთესო ბიუჯეტური საოფისე სავარძელი
ფერები: შავი, ღია კრემისფერი, ღია ნაცრისფერი | მასალა: მიკრობოჭკო და ალუმინი| დასაჯდომის სიგანე: 26 ინჩი | წონის ლიმიტი: 125 კგ
✅რეგულირებადი სიმაღლე და დახრის დრეკადობა
✅ ჭუჭყის ამტანი და ოფლის საწინააღმდეგო მიკრობოჭკოვანი ზედაპირი
❌არ აქვს სამკლავური, საზურგის ან დასაჯდომის დახრის მარეგულირებელი
მთელი დანაზოგის დახარჯვა ნამდვილად არ მოგიწევთ საიმისოდ რომ სახლში მყუდრო და კომფორტული სამუშაო სივრცე მოიწყოთ, რისთვისაც AmazonBasics კლასიკური საოფისე სავარძელი საუკეთესო ბიუჯეტური არჩევანია. ეს სავარძელი გამოირჩევა საკმაოდ მისაღები ფასით, რაც 110 დოლარს შეადგენს, მაგრამ ამასთანავე მას იმ მახასიათებელთა უმრავლესობა აქვს, რასაც ითხოვს მომხმარებელთა უმრავლესობა. მიკრობოჭკოვანი ზედაპირი თავიდან აგარიდებთ ტენიანობის პრობლემას და შედეგად, დიდი ხნით ჯდომის შემდეგ არც ზურგი გაგიოფლიანდებათ. ის სრული სხეულის მხარდაჭერასაც გთავაზობთ, ასე რომ შეგიძლიათ ზურგით თამამად მიეყრდნოთ მას და ამასთანავე თავისა და კისრის ფიქსაციაც უზრუნველყოფილი გექნებათ. სიმაღლეც მორგებადია, ხუთი მოძრავი გორგოლაჭი კი იმის შესაძლებლობას მოგცემთ რომ მისი განთავსება როგორც ხალიჩაზე, ისე ხის იატაკზე, აბსოლუტურად უპრობლემო იქნება. თქვენ ასევე შეგიძლიათ დაარეგულიროთ სავარძლის დასაჯდომისა და საზურგის დახრილობაც, თანააც, საკმაოდ მარტივი და ინტუიტიური მარეგულირებლებით.
ის, რასაც ვერ მიიღებთ დეტალური მორგებადობაა. გარდა იატაკიდან დასაჯდომის სიმაღლისა და დახრილობის რეგულირებისა, ყველაფერი ფიქსირებულია: არ აქვს ზურგის ფიქსატორი, არც სამკლავურის და არც დასაჯდომის დახრილობის შეცვლის შესაძლებლობა.
3. Space Seating Professional AirGrid
საუკეთესო ბიუჯეტური მორგებადი საოფისე სავარძელი
ფერები: შავი | მასალა: ტყავი/ნაჭერი | დასაჯდომის სიგანე: 20 ინჩი | წონის ლიმიტი: 114 კგ
✅ მორგებადი სამკლაურები
✅ რეგულირებადი დასაჯდომის დახრილობა და სიმაღლე
✅ ნაჭრის საზურგე, რომელიც ვენტილაციას უზრუნველყოფს
❌არ გამოირჩევა წონის ისეთი მხარდაჭერის დიაპაზონით, როგორც სხვა მოდელები
დაბალფასიანი ოფისის სავარძლების უმრავლესობა არ გამოირჩევა მორგებადობით; ის მექანიზმები, რომლებიც ზურგის ფიქსაციასა და დაჭიმულობის ზონებს ქმნიან მაღალი ღირებულებისაა და მათი დამზადებაც არ ჯდება იაფი. Space Seating Professional AirGrid კი კარგ ბალანსს გპირდებათ, რამდენადაც თქვენ შეძლებთ ამ თანამედროვე ვიზუალის მზონე სავარძლის ბევრი მახასიათებელი დაარეგულიროთ და სანაცვლოდ 200 დოლარზე მეტის გაღება არ მოგიწიოთ.
თქვენ ასევე შეგიძლიათ AirGrid-ის სამკლაურების სიმაღლის და პოზიციის და დასაჯდომის დახრილობის რეგულირება, რაც მნიშვნელოვანია ჯდომისას კომფორტული პოზიციის მისაღწევად, განსაკუთრებით მაშინ თუ უკან ან წინ გადაიხრებით. თქვენ შეგიძლიათ გადაანაცვლოთ მარჯვენა და მარცხენა სამკლაურები, მაგრამ ვერ შეცვლით მათ კუთხეს ან დახრილობას. AirGrid-ს ასევე აქვს ნაჭრის ბადის საზურგე, რაც ცხელ დღეებში უკეთეს ვენტილაციას უზრუნველყოფს. მართალია უფრო ძვირიანი მოდელების გემოვნებიან მახასიათებლებს სრული ასორტიმენტით ვერ გთავაზობთ აღნიშნული მოდელი, მაგრამ მას აქვს ყველაფერი, რაც კომფორტისათვისაა საჭირო.
4. Steelcase Leap
საუკეთესო საოფისე სავარძელი მათთვის, ვისაც ხერხემლის პრობლემები აქვს
ფერები: ხორცისფერი, შავი, ლურჯი, ნაცრისფერი, სპილოსძვლისფერი და წითელი | მასალა: მიკრობოჭკო და ალუმინი | დასაჯდომის სიგანე: 20.4 ინჩი | წონის ლიმიტი: 181 კგ
✅ Live back ტექნოლოგია მიჰყვება თქვენს მოძრაობას
✅ სამკლაურების გადანაცვლება შესაძლებელია რამდენიმე მიმართულებით
❌ ფასის სიძვირე
თუ ხერხემლის პრობლემები გაწუხებთ, მაშინ აუცილებლად დაგჭირდებათ თქვენზე მორგებული სავარძელი. მაშინ, როდესაც ბევრი სავარძელი თქვენს მოთხოვნებზე მარტივად გადაეწყობა, Steelcase Leap ალტერნატიულ მიდგომას მიმართავს: ის სწორედ მაშინ იცვლის ფორმას, როდესაც უშუალოდ მოიხმართ მას. მისი მოხმარებისას გრძნობთ თუ როგორ გეკვრებათ და იმეორებს იგი თქვენი ზურგის მოხაზულობას, მთლიანი სავარძელი სინქრონიზდება თქვენს ყოველ პოზიციასთან; ამას თქვენ არეგულირებთ კონტროლის სამი ღილაკით, რომელიც პასუხისმგებელია ხერხემლის, ლუმბალური, იგივე წელის რეგიონსა და ჯდომის პოზიციაზე. შესაბამისად, ამ სავარძლის მოხმარება რეკომენდირებულია ადამიანებისათვის, რომელთაც ზურგის ან ხერხემლის ქრონიკული პრობლემები აწუხებთ.
Steelcase Leap არ გახლავთ იაფფასიანი სავარძელი, მას 860 დოლარად შეიძენთ, ის ერთ-ერთი ყველაზე ძვირიანი სავარძელია ჩვენს ჩამონათვალში. ეს კი დანამდვილებით კარგი ინვესტიცია იქნება, თანაც თუ მას ხშირად მოიხმართ და თუ დიდი ხანია გსურთ ისეთი სავარძლის ფლობა, რომელიც თქვენი განწყობის მოწოდების სიმაღლეზე ყოფნაზეც იზრუნებს.
5. Hon Exposure
კარგი საოფისე სავარძელი არც თუ ისე მაღალ ფასად
ფერები: შავი | მასალა: ნაჭერი და ალუმინი | დასაჯდომის სიგანე: 20 ინჩი | წონისლიმიტი: 114 კგ
✅რეგულირებადი სამკლაურები და სიმაღლე
✅ წელის მხარდაჭერა
✅ ბადიანი საზურგე
❌სხვა სავარძლებთან შედარებით ნაკლები წონის ლიმიტი
თავისთავად, შეგიძლიათ დიდი ინვესტიცია ჩადოთ ისეთ სრულყოფილ სავარძელში, როგორიც Herman Miller Aeron-ია, მაგრამ თუ არ გეგმავთ მუდმივად სახლიდან მუშაობას, მაშინ სრულებით არ არის აუცილებელი სრულფასოვანი საოფისე სავარძელი იყიდოთ. ამის სანაცვლოდ, თქვენ დაგჭირდებათ რიგიანი, მორგებადი სავარძელი, რომელშიც უამრავ თანხას არ გადაიხდით. Hon Exposure კი ფასისა და მორგებადობის შესანიშნავი ბალანსია.
Hon Exposure-ს, რომელიც სადღაც 200 დოლარი ღირს, გააჩნია სტანდარტული, რეგულირებადი სამკლაურები და სიმაღლე. დაგვეთანხმებით რომ ასეთი იაფფასიანი სავარძლისთვის უცხოა სრულყოფილი მახასიათებლები, თუმცა ამ ერთეულს გააჩნია წელის მხარდაჭერის ფუნქცია, რააც წარმოდგენილია შემაკავშირებელი ჰორიზონტალური ნაწილითა და ბალიშით, რომელიც აფიქსირებს ზურგის ქვედა ნაწილს. კრიტიკული რეგიონის სრული მხარდაჭერის უზრუნველსაყოფად შესაძლებელია ამ ნაწილის როგორც გამოწევა, ისე შიგნით შეწევა. ნაწრის ბადეც ჰაერის ვენტილაციას უზრუნველყოფს და სიცხე და ოფლი მასზე ჯდომისას ნამდვილად არ შეგაწუხებთ. სავარძლის გადახრაც შესააძლებელია, შესაბამისად თქვენ PowerPoint პრეზენტაციების დამზადების განმავლობაშიც სრულებით კომფორტული პოზიციით ისიამოვნებთ.
6. Hon Volt Task Stool
საუკეთესო უსამკლაურო საოფისე სავარძელი
ფერები: შავი, ჟოლოსფერი, მუქი ლურჯი | მასალა: ტყავი/ნაჭერი | დასაჯდომის სიგანე: 20.4 ინჩი | წონის ლიმიტი: 136 კგ
✅ მარტივი, მოსახერხებელი დიზაინი
✅ დასაჯდომი ნაწილის არჩევანი: როგორც ნაჭრის, ისე ტყავის
❌ სამკლაურის უქონლობა შესაძლოა ყველასთვის კომფორტული არ აღმოჩნდეს
❌დასაჯდომისა და საზურგის პოზიციების რეგულირების ბევრი ფუნქციონალის არარსებობა
მე მომწონს სამკლაურების გამოყენება, მაგრამ ყველა ჩემსავით სრულებით არ ფიქრობს. ზოგიერთ ადამიანს ურჩევნია იდაყვები თავისუფლად ჰქონდეს ჯდომისას. სწორედ მათთვის Hon Volt Task Stool გახლდა ჩვენი რჩეული მოდელი. ზოგჯერ მას ესკიზურ სავარძელსაც უწოდებენ (რადგან მას ხშირად იყენებენ საესკიზო მაგიდებთან, რომელთანაც ისეთი ადამიანები მუშაობენ, რომელთაც მკლავის ბევრი მოძრაობა უწევთ), ეს სავარძელი ასევე მოიცავს ტერფების სადგარს ღერძის ბოლოში, რაც მარტივად დაბალანსებადს ხდის მას.
Hon Volt Task Stool-ის დასაჯდომი და ნახევარი საზურგე ტყავითაა დაფარული, თუმცა ასევე ხელმისაწვდომია ნაჭრის ვერსიაც. თქვენ შეგიძლიათ სავარძლისა და ტერფის სადგარის სიმაღლე დაარეგულიროთ, მაგრამ არ არსებობს გზა საზურგისა და დასაჯდომის პოზიციების შესაცვლელად. თუმცა სავარძლების დიზაინი საშუალებას გაძლევთ ზედა ტანი უფრო მარტივად ამოძრაოთ და არც წინ გადახრაში გიშლით ხელს, რაც სხვა სავარძლების შემთხვევაში ბევრი ადამიანისათვის დიდი პრობლემა გახლდათ.
7. Gates Genuine Leather Aluminum Base High-Back Executive Chair
საუკეთესო ტყავის საოფისე სავარძელი
ფერები: შავი, კრემისფერი, მუქი ნაცრისფერი, ფორთოხლისფერი, თეთრი | მასალა: ტყავი | დასაჯდომის სიგანე: 22.5 ინჩი | წონის ლიმიტი: 180 კგ
✅ ზურგის სრული მხარდაჭერა
✅ იხრება უკანა მიმართულებით 30 გრადუსით
✅ გადაწეული პოზიციის ბლოკირების შესაძლებლობა
✅ხელმისაწვდომია ფორთოხლისფერსა და თეთრ ფერებში
❌არც დიდად მორგებადი
ეს დიდი და შთამბეჭდავი სავარძელი ტყავითაა დაფარული და ზურგის სრულ მხარდაჭერას გთავაზობთ. ხუთი გორგოლაჭის საშუალებით იგი რბილად გადაადგილდება, მართალია ის 25 კგ იწონის, თუმცა აქვს 150 კგ-მდე წონის მხარდაჭერა, იგი ერთ-ერთი ყველაზე მძიმე სავარძელია ბაზარზე.
ამ უზარმაზარ სავარძელზე სიმაღლისა და გადახრის კუთხის გარდა ბევრი რამის რეგულირებას ვერ შეძლებთ, თუმცა უკან გადახრისას არც გადავარდებით, რადგან დასაჯდომი ისეა დაპროექტებული რომ 30 გრადუსიანი გადახრის შემთხვევაში იგი ავტომატურად იბლოკება აღნიშნულ პოზიციაში. რაც იმას ნიშნავს რომ თქვენ თამამად შეგიძლიათ მიაწვეთ საზურგეს, შემოაწყოთ ფეხები მაგიდაზე და სავსებით კომფორტულ პოზიციაში განაგრძოთ თქვენი საქმიანობა ან შესვენება.
აღსანიშნავია ისიც, რომ მოხმარებლების ფავორიტი ამ მოდელის ფორთოხლისფერი და თეთრი ვერსიებია.
8. Songmics Pro
საუკეთესო standing-desk საოფისე სავარძელი
ფერები: შავი, ლურჯი, ნაცრისფერი | მასალა: ნაჭერი | დასაჯდომის სიგანე: 16.1 ინჩი | წონისლიმიტი: 120 კგ
✅ გვერდითი სახელურები ბალანსირებისათვის
✅ ღერძის ამაღლება შეიძლება 8 ინჩამდე ნებისმიერი მიმართულებით
✅ დასაჯდომის ამაღლებული უკანა ნაწილი უზრუნველყოფს ჯდომის ჯანსაღ პოზიციას
❌არ აქვს გორგოლაჭები
თუნდაც მაღალ, დასადგომ მაგიდას იყენებდეთ, ზოგჯერ მაინც გჭირდებათ რომ დაჯდეთ. ზუსტად ამის გათვალისწინებით შეიქმნა Songmics Pro, სავარძელი, რომელიც ტაბურეტი უფროა. მას არ გააჩნია საზურგე და სამკლაურები; ის უბრალოდ მარტივი დასაჯდომია, რომელიც საშუალებას გაძლევთ მისი გამოყენებისას მოიხაროთ და იტრიალოთ, როგორც მოგესურვებათ. გვერდებზე განლაგებული ორი სახელური მშვენიერი მახასიათებელია, ჩასაჭიდებლად, თუკი გადახრა მოგესურვებათ, და მისი სიმაღლის თქვენს მოთხოვნებზე მორგება 24.8 ინჩიდან 34.6 ინჩამდე დიაპაზონში შეგეძლებათ. ამას გარდა, დასაჯდომი იმეორებს თქვენს მოძრაობას და ასევე დახრილობის რეგულირება ნებისმიერი მიმართულებით 8 ინჩამდეა შესაძლებელი.
თუმცა ის ყველა ტიპის მომხმარებელზე მაინც არაა გათვლილი; პატარა დასაჯდომი უფრო დიდი წონის მომხმარებლებისათვის ვერ იქნება კომფორტული და მისი წონის ლიმიტი 120 კგ-ია, ბევრად უფრო მცირე, ვიდრე სხვა კონვენციური სავარძლების შემთხვევაში. გარდა ამისა, გორგოლაჭების არარსებობა მოქნილობის ხარისხსაც უმცირებს ამ მოდელს.
როგორ უნდა აარჩიოთ საუკეთესო სავარძელი
ფასის შემდეგ, არსებობს ორი მთავარი კრიტერიუმი, რომელთაც საოფისე სავარძლის არჩევისას ყურადღება უნდა მიაქციოთ: კომფორტი და მორგებადობა. კმფორტი საკმაოდ მარტივი გასაგები ასპექტია: კომფორტულმა სავარძელმა ისეთი დასაჯდომით უნდა უზრუნველგყოთ, რომელიც დეფორმირდება, მაგრამ ასევე სანდო დასაყრდენია. ის ასევე ვენტილირებადი უნდა იყოს და არ იგროვებდეს ტენსა და ნესტს, რაც გაოფლიანებას თავიდან აგარიდებთ. დასაჯდომი იმდენად ფართო უნდა იყოს რომ უფრო დიდი აგებულების მქონეთაც შეეძლოთ მასზე კომფორტულად ჯდომა და არ ჰქონდეთ იმის განცდა რომ საბავშვო სავარძელში მოთავსდნენ. სამკლაურები კონტურირებული უნდა იყოს შესაბამისად იდაყვისა და ზედა მკლავისათვის, რათა კომფორტუალდ დაეყრდნოთ და შემოგარსულიც უნდა იყოს ნაჭრით ან უფრო რბილი მატერიით, რათა არ გაგიღიზიანდეთ კანი, ხანგრძლივი ზეწოლის შედეგად.
მორგებადობა კი მეორე უმთავრესი ფაქტორია. კარგი საოფისე სავარძელი ბევრი მახასიათებლის რეგულირებადობით უნდა გამოირჩეოდეს. მათი ჩამონათვალი კი ასე გამოიყურება:
- დასაჯდომის სიმაღლე
- დასაჯდომის კუთხე
- დასაჯდომის სიღრმე
- სამკლაურის სიმაღლე
- სამკლაურის სიგანე
- სამკლაურის კუთხე
- საზურგის კუთხე
- საზურგის სიმაღლე
- ტერფის სადგარის სიმაღლე (თუკი მოყვება)
ყველა ეს დეტალი მნიშვნელოვანია, რადგან თითოეული ადამიანი განსხვავებულია და ამ პარამეტრების რეგულირებადობა საშუალებას მოგცემთ მოარგოთ თქვენი სავარძელი სხეულის თქვენს უნიკალურ ფორმებს.
როგორ ვამოწმებთ საოფისე სავარძლებს
ჩვენი შერჩეული სავარძლების ნუსხა დგება წყაროების ფართო ჩამონათვალზე დაყრდნობით, მათ შორის ყურადღებას ვაქცევთ სხვა მიმომხილველ საიტებს, მომხმარებელთა გამოხმაურებებს მწარმოებლების საიტებზე, ერგონომიულ გზამკვლევებს და მკითხველთა უკუკავშირს. ჩვენ მხოლოდ იმ წყაროებს მოვიხმართ, რომელიც კარგი რეპუტაციით სარგებლობს. ყველა ამ ინფორმაციას კი ვფილტრავთ თქვენთვის და გაწვდით იმ საკვანძო ინფორმაციას, რომლის ფლობაც მართლაც საუკეთესო პროდუქტს შეგარჩევინებთ, რომელიც დიდხანს და ერთგულად გემსახურებათ. ჩვენი მიზანიც ხომ სწორედ ესაა!