HP-ს სპეციალისტებმა შექმნეს სპეციალური ნოუთბუქები მათთვის, ვინც ციფრული კონტენტის შექმნით არის დაკავებული. ახალ სერიაში შედის სამი ნოუთბუქი: HP ZBook Studio, HP ZBook Create და HP Envy 15.

HP ZBook Studio და HP ZBook Create

პირველი ორი მოდელის HP ZBook Studio-სა და HP ZBook Create-ს აპარატული შემადგენელი დაკომპლექტებული იქნება უახლესი თაობის პროცესორებით Intel Core ან Intel Xeon და ვიდეო ბარათებით NVIDIA GeForce ან Quadro. 
HP-ის ინჟინრები ირწმუნებიან, რომ ZBook Create იქნება 15 დიუმიანი ეკრანის მქონე ყველაზე კომპაქტური ნოუთბუქი, რომელიც გეიმერებისა და გრაფიკული დიზაინერებისთვის შეუქმნიათ დღემდე. კორპუსის სისქე 22%-ით თხელი იქნება წინამორბედებზე. 
ნოუთბუქში გამოყენებულია DreamColor ეკრანი, რომელსაც ექნება ინტეგირირებული კოლოლიმეტრი. დისპლეი ასახავს მილიარდზე მეტ ჩრდილს და ახდენს ჩრდილების, გრადიენტების, სპეციალური აპლიკაციების ფერთა გადმოცემის ოპტიმიზირებას.
აკუმულატორი უზრუნველყოფს 17.5 საათის ავტონომიურ მუშაობას. ახალი ნოუთბუქები გაყიდვაში 2020 წლის აგვისტოში გამოვა.

HP Envy 15

მოდელი HP Envy 15 დაპროექტებულია მინიმალური დიზაინით. თაჩპადი მინისაა. OLED დისპლეი True Black კი მუშაობს 4K გაფართოებით. მუშაობს მეათე თაობის პროცესორზე Intel Core i9. ოპერატიული მეხსიერების მოცულობა 32GB-ია. ვიდეო პროცესორი – GeForce RTX 2060. HP Envy 15-ში გამოყენებულია გეიმერული კლასის გაგრილების მაღალეფექტური სისტემა, აორთქლების კამერითა და 12 ვოლტის ძაბვის მქონე ორი ვენტილატორით. გაგრილების ახალი სისტემა მწარმოებლურობას ზრდის 33%-ით. 16.5 საათიან ავტონომიურ მუშაობას უზრუნველყოფს აკუმულატორი, რომელსაც აქვს სწრაფი დატენვის საფირმო ტექნოლოგია HP Fast Charge (50% დატენვა 45 წუთში). გაყიდვაში HP Envy 15 გამოვა ივნისის თვიდან. საბაზისო მოდელის ფასი 1350 დოლარი იქნება.