მიმოხილვა: განახლებული iOS 14

დისტანციურ კონფერენციაზე Apple Worldwide Developers Conference (WWDC), რომელიც 1983 წლიდან მოყოლებული, ყოველ წელს ტარდება Apple-მა მნიშვნელოვანი განახლებები წარმოადგინა, რომელიც ოპერაციულ სისტემასთან iOS 14 და iPadOS 14 (ტაბლეტისთვის) არის დაკავშირებული.

ინტეგრირებული ვიჯეტები

სხვა განახლებებს შორის ექსპერტები განსაკუთრებულად გამოყოფენ განახლებულ ვიჯეტებს, რომელთა დაყენება პირდაპირ სმარტფონის სამუშაო მაგიდაზე იქნება შესაძლებელი. მომხმარებელს ეძლევა საშუალება ვიჯეტები ინდივიდუალურად მოაწყოს სამუშაო ველის მისთვის მოსახერხებელ ნებისმიერ ადგილას. ვიჯეტზე დიდი ხნით დაჭერით ჩნდება მენიუ, რომელიც გაჩვენებთ შესაბამის ფუნქციონალს.

App Library

2 (2)

App Library (აპლიკაციების ბიბლიოთეკა) საშუალებას მოგცემთ ოპერატიულად მოახდინოთ აპლიკაციების კლასიფიცირება სხვადასხვა ნიშნით, ისეთით, როგორიცაა გახსნის დრო და გამოყენების სიხშირე. 

„სურათი სურათში“

3

გაჩნდა ახალი ფუნქცია „სურათი სურათში“, მისი საშუალებით გახსნით ორი ეკრანს ერთად და ერთმანეთს შეუთავსებთ ორ სხვადასხვა საქმიანობას. ამ დროისათვის აღნიშნული ფუნქცია ხელმისაწვდომია მხოლოდ იმ შემთხვევაში თუ მეორე სურათზე ვიდეოს გამოიტანთ. მანდამდე კი ეს ფუნქცია მხოლოდ iPad-ის მფლობელთათვის იყო ხელმისაწვდომი.

განახლებული Siri

მნიშვნელოვანი განახლებები შეეხო Siri-ს ალგორითმსაც, რომელმაც 20-ჯერ უფრო სწრაფად დაიწყო მუშაობა. გარდა ამისა, მისი გამოყენება ახლა უფრო კომფორტული იქნება. ის იმუშავებს მცირე რგოლის სახით, რომელიც გამოჩნდება სხვა დანარჩენი აპლიკაციების თავზე. სირის საშუალებით ვიჯეტების გახსნაც შეგიძლიათ, მაგალითად ამინდის ან კალენდრის. განახლებულ Siri-ს გაუჩნდა 12 ენიდან თარგმნის ფუნქცია მიწერ-მოწერის დროს, რომელიც ირთვება მომხმარებლის სურვილის შესაბამისად. 

განახლებული CarPlay

განახლებულ CarPlay-ში გაჩნდა მანქანის აკუმულატორის დატენვის დონის შემოწმების ფუნქციაც, ის ასევე ეძებს უახლოეს დამტენ სადგურს და თავისუფალ პარკინგს. 

CarKey

ახალ iPhone-ს ექნება შესაძლებლობა გამოიყენოთ მანქანის გასაღებად. ის ხელმისაწვდომი იქნება BMW 5 ავტომანქანების მფლობელთათვის უკვე 2021 წელს. გასაღების სხვისთვის გადაცემა კი შესაძლებელი იქნება iMessage-ის გამოყენების საშუალებით. 

განახლებული iMessage

4

განახლებული iMessage საშუალებას მოგცემთ მონიშნოთ მნიშვნელოვანი მიმოწერები და დაბლოკოთ ჯგუფური ჩატები. განახლებები შეეხო Memoji-საც.

განახლებული Apple Maps

Apple Maps გახდა უფრო დეტალური და ინფორმაციული, აღჭურვილი ახალი მინიშნებებითა და რეკომენდაციებით. ველოსიპედის მარშრუტის შედგენისას შეძლებთ გათვალოთ კიბეზე და აღმართ-დაღმართებზე გადაადგილებაც. 

Apple Clips

5

Apple Clips ფუნქციის საშუალებით თქვენ შეძლებთ წინასწარ დაათვალიეროთ აპლიკაცია მისი ჩამოტვირთვის გარეშე, რაც უფრო დაგიჩქარებთ გარკვეული ოპერაციების შესრულებას. 

ვის შეეხო განახლებები:

IOS 14-ით ისარგებლებენ შემდეგი iPhone-ის მფლობელები:

6

წყარო: be.ge