ᲘᲜᲢᲔᲒᲠᲘᲠᲔᲑᲣᲚᲘ ᲗᲣ ᲓᲘᲡᲙᲠᲔᲢᲣᲚᲘ ᲒᲠᲐᲤᲘᲙᲣᲚᲘ ᲞᲠᲝᲪᲔᲡᲝᲠᲘ – ᲠᲝᲛᲔᲚᲘ ᲯᲝᲑᲘᲐ?

შესავალი

ლეპტოპების წარმოება სწრაფად ვითარდება და მიუხედავად იმისა, რომ უდიდესი ყურადღება ეთმობა პროცესორული ტექნოლოგიების განვითარებას, მათზე არანაკლებ მნიშვნელოვანი გრაფიკული პროცესორია. 

რამდენადაც პროგრამული უზრუნველყოფა მნიშვნელოვნად არის დამოკიდებული გრაფიკულ პროცესორზე და რამდენადაც ის განაპირობებს მომხმარებლის კომფორტულ მუშაობას, მის მახასიათებლებს დიდი ყურადღება უნდა დავუთმოთ და ნოუთბუქის შეძენამდე გავარკვიოთ რა პლიუსები და მინუსები აქვთ გარე და ინტეგრირებულ გრაფიკულ პროცესორებს. 

ინტეგრირებული გრაფიკული პროცესორი

თანამედროვე ინტეგრირებული გრაფიკული პროცესორი საკმაოდ კარგი მონაცემებისაა. ის თავისუფლად გადმოგვცემს გამოსახულებას Full HD და 4K გაფართოებითაც კი. როგორც წესი ასეთ ნოუთბუქებს ძირითადად ახლავს Intel Core i-ს სერიის პროცესორი  Intel HD 620, რომელიც ძალიან ძლიერი გრაფიკული პროცესორია და თავისუფლად უმკლავდება ოფისის სამუშაოს, სერფინგს, 4K ვიდეობის გადმოცემას  YouTube-დან. ასევე Photoshop-ის საბაზისო მუშაობას და საშუალო სიმძლავრის თამაშებს. 

მოკლედ, აირჩიეთ ინტეგრირებული გრაფიკული პროცესორი, თუ აფასებთ პორტაბელურ ნოუთბუქებს ხანგრძლივი ავტონომიური მუშაობის შესაძლებლობით და არ გაინტერესებთ უახლესი თამაშები. შეამოწმეთ ნოუთბუქის მახასიათებლები და ნახეთ, რამდენად შეესაბამება ის თქვენს მოთხოვნებს. 

ყოველთვის სასარგებლოა გრაფიკული პროცესორის კლასის ცოდნა და ოპერატიული მეხსიერების გამოყენების ტიპი, რათა გაარკვიოთ გრაფიკის მწარმოებლურობა და არ გადაიხადოთ ზედმეტი იმაში, რაც რეალურად არ გჭირდებათ.

სათამაშო ლეპტოპი და ჩვეულებრივი ლეპტოპი

დისკრეტული (ჩადგმული) ვიდეო ბარათი

თუ თქვენ ასრულებთ ისეთ დავალებებს, როგორიცაა Premiere Pro-ში მონტაჟი, Photoshop -ის ფილტრების გამოყენება, 3D მოდელირება და ნორმალური სიმძლავრის თამაში, უნდა შეიძინოთ ნოუთბუქი დისკრეტული გრაფიკული ფროცესორით. ის გამოიყენება გამოყოფილი გრაფიკული მეხსიერებით, რაც ათავისუფლებს სისტემურ მეხსიერებას სხვა დავალებების შესასრულებლად. ჩადგმულ გრაფიკულ პროცესორს აქვს ბევრი ბირთვი, რაც უზრუნველყოფს ვიზუალური მონაცემების პარალელურ დამუშავებას. NVIDIA მათ უწოდებს CUDA  ბირთვებს (Compute Unified Device Architecture), AMD კი სტრიმ პროცესორებს. 

დისკრეტულ გრაფიკულ პროცესორებს სჭირდება საკუთარი გაგრილების სისტემა. ისინი საკმაოდ ხშირად ხურდებიან შუა თამაშის ან 3D რენდერინგის დროს. დისკრეტული გრაფიკული პროცესორები აქვთ მაგალითად  Dell-ის  XPS 15 სერიის ნოუთბუქებს.

ცვლადი გრაფიკული პროცესორები

ცვლადი გრაფიკული პროცესორი საუკეთესოა. ის საშუალებას გვაძლევს გამოვიყენოთ ინტეგრირებული გრაფიკული პროცესორები საბაზისო დავალებების შესასრულებლად. უფრო რთული დავალებების შესასრულებლად კი ნოუთბუქი გამოიყენებს დისკრეტულ გრაფიკულ პროცესორს. ეს ავტომატურ პროცესს წარმოადგენს. 

NVIDIA ამ ტექნოლოგიას უწოდებს Optimus-ს,  AMD კი – Enduro-ს. ამ პრინციპის აზრი იმაში მდგომარეობს, რომ გახანგრძლივდეს ელემენტის სიცოცხლე.

ცვლადი გრაფიკული პროცესორის მქონე ნოუთბუქი საკმაოდ ძვირადღირებულია, ამიტომ მისი შეძენისას უნდა გახსოვდეთ, რომ ამ მახასიათებლით ნოუთბუქი მხოლოდ იმ შემთხვევაში უნდა შეიძინოთ, თუ 3D მოდელირებას გეგმავთ. თუ ამასთან ერთად მნიშვნელოვანია ისიც, რომ თქვენი ნოუთბუქი გადახურების გარეშე დიდ ხანს გემსახუროთ ავტონომიურად, ცვლადი გრაფიკული პროცესორის მქონე ნოუთბუქი თქვენთვისაა შექმნილი.

ცვლად გრაფიკულ პროცესორზე მომუშავე ნოუთბუქებია, მაგალითად: Dell XPS 15 (9560), Lenovo Yoga 720 და Asus ZenBook Pro. 

ცვლადი გრაფიკული პროცესორი Dell XPS 15 9560

დასკვნა

ისევე, როგორც სხვა მახასიათებლები გრაფიკული პროცესორის სახეობაც უნდა აირჩიოთ თქვენი მოთხოვნებიდან გამომდინარე. ცხადია, თუ გეიმერი ხართ ან რთულ გრაფიკულ სამუშაოს ასრულებთ ჩადგმული ან ცვლადი გრაფიკული პროცესორის მქონე ნოუთბუქი გესაჭიროებათ. რა თქმა უნდა, ასეთებს შესაბამისი აქვს აპარატული შემადგენლობის სხვა ნაწილებიც და ასეთი ნოუთბუქების ღირებულება გაცილებით მეტია, ვიდრე საბაზისო მოხმარებისთვის გათვლილი ნოუთბუქებისა. 

Laptops.ge-ზე გვაქვს სათამაშო ლეპტოპები ადგილზე და წინასწარი შეკვეთით, ონლაინ განვადებით და მიწოდებით მთელ საქართველოში. გაეცანით სხვა ჩვენს საინტერესო სტატიებს ლეპტოპების თემატიკაზე ჩვენს ბლოგზე.

წყარო: laptops.ge