განხილვა: Samsung Galaxy Chromebook

არსებობდა მოსაზრება, რომ CHROME-ის ოპერაციულ სისტემაზე მომუშავე კომპაქტური ნოუთბუქების მთავარი დაბალი ფასია. თუმცა SAMSUNG-მა ახლად წარმოდგენილი ქრომბუქით გაფანტა მითი მათი ბიუჯეტურობის შესახებ და ბაზარზე გამოუშვა მოდელი, რომლის ღირებულებაც 1000 დოლარი იქნება. Samsung Galaxy Chromebook წარმოდგენილ იქნა ლას ვეგასში გამართულ პრეზენტაციაზე გამოფენაზე CES 2020, იანვარში. თუმცა გაყიდვაში ის მხოლოდ ახლა გაეშვა.

დიზაინი

2

SAMSUNG Galaxy Chromebook-ის ისევე, როგორც GALAXY-ს სხვა მოდელების დიზაინი შესრულებულია პრემიალურ სტილში. ნოუთბუქი ტრასფორმერია და გამოიყენება, როგორც პლანშეტად ისე ნოუთბუქად. მასზე მუშაობა კი მომხმარებელს სტაილუსის საშუალებით შეუძლია, რომელიც საბაზისო კომპლექტაციაშიც შედის.

დისპლეი

3

ქრომბუქს აქვს 13.3 დიუმიანი დიაგონალის მქონე OLED დისპლეი, რომელსაც აქვს 4K UHD გამოსახულების მხარდაჭერა. ჩარჩოების ზომა მინიმუმამდეა დაყვანილი და მათი ზომა არ აჭარბებს 3.9 მმ-ს.

აპარატული შემადგენელი

აპარატი მუშაობს 4 ბირთვიან პროცესორზე Core i5-10210U. ოპერატიული მეხსიერების მოცულობა შეადგენს 8 GB-ს. შიდა მეხსიერება კი – 256 GB. მეხსიერების გაზრდა microSD ბარათის გამოყენებით იქნება შესაძლებელი. ქრომბუქს აქვს ორი USB-C პორტი, ერთი 3.5 მილიმეტრიანი პორტი ყურსასმენებისთვის და ორი კამერა 1 და 8 MP გაფართოებით.

ავტონომიურობა

Galaxy Chromebook-ის ავტონომიურ მუშაობას უზრუნველყოფს 47,9 ვტ/სთ მოცულობის მქონე აკუმულატორი, რომელიც 8.4 საათის განმავლობაში აძლევს ქრომბუქს დატენვის გარეშე მუშაობის საშუალებას.

ზომები და ფერები

4

კორპუსი მეტალისგან არის შექმნილი და მისი სისქე 9.9 მმ-ია. დანარჩენი ზომები კი – 302,8х203,2х9,9 მმ. გამოდის ქრომბუქი ორ ფერში: Fiesta Red და Mercury Gray.

სხვა მახასიათებლები

ქრომბუქი ფლობს სერტიფიკატს, რომელიც შეესაბამება Intel Project Athena-ს სტანდარტებს. მისი ღირებულება იქნება 1000 დოლარი, რაც მოდელს იმ აპარატების დონეზე აყენებს, რომლებიც Windows 10-ზე მუშაობენ.

წყარო: be.ge