განხილვა: OnePlus 8

მაღალტექნოლოგიური კომპანიები ახალი სმარტფონების წარდგენას აგრძელებენ ონლაინ პრეზენტაციების საშუალებით. სწორედ ამგვარად წარუდგინეს საზოგადოებას ორი ახალი მოდელი OnePlus 8 და ფლაგმანური OnePlus 8 Pro. დღეს საბაზისო მოდელს OnePlus 8 განვიხილავთ.

დიზაინი

მწარმოებლებს სმარტფონის დიზაინში სერიოზული ცვლილებები არ შეუტანიათ და პრაქტიკულად მთლიანად გაიმეორეს წინა წლების მოდელების ვიზუალი. თუმცა ახალ მოდელებში განხორციელებულია ტექნიკური სიახლეები, რაზეც ქვემოთ ვისაუბრებთ.

დისპლეი

22

სმარტფონს აქვს OLED დისპლეი 2400х1080 გაფართოებით და 6.55 დიუმიანი დიაგონალით. ეკრანის განახლების სიხშირე 90 hz, სიკაშკაშე კი – 1100 კდ/მ2.

კამერები

სმარტფონის მარცხენა ზედა კუთხეში მრგვალი ჭრილია განთავსებული 16 mp ფრონტალური კამერისთვის. ძირითადი კამერა სამ სენსორიანია: მთავარი 48 mp Sony IMX568, ფართოკუთხოვანი 16 mp სენსორი და 2 mp მაკროკამერის სენსორი. ოპტიკური სტაბილიზაციის ტექნოლოგია მხოლოდ მთავარ სენსორს აქვს.

აპარატული შემადგენელი

OnePlus 8 მუშაობს ფლაგმანურ პროცესორზე Snapdragon 865. სმარტფონს აქვს ოპერატიული მეხსიერება LPDDR4X, 12 ან 8 GB მოცულობით. შიდა მეხსიერება კი მოდიფიკაციის მიხედვით შეიძლება იყოს 128 ან 256 GB.

ავტონომიური მუშაობა

33

სმარტფონის ავტონომიურ მუშაობას უზრუნველყოფს აკუმულატორი 4300 mAh-ის მოცულობით. აპარატს აქვს სწრაფი დატენვის ტექნოლოგიის მხარდაჭერა 30 ვატიანი სიმძლავრით.

დამატებითი მახასიათებლები

OnePlus 8 -ს აქვს სტერეოდინამიკები, ვიბრაციას უზრუნველყოფს Haptic Vibration 2.0. მოტორი. აქვს Wi-Fi 6 მოდული და USB 3.1. პორტი. იწონის 180 გრამს, ზომები კი შეადგენს 160,2 х 72,9 х 8 მმ-ს.

გაყიდვები

გაყიდვაში OnePlus 8 გამოვა სამი ფერით: შავი, მწვანე და პერლამუტრის. ღირებულება შეადგენს 700-800 დოლარს მოდიფიკაციის მიხედვით. გაყიდვები 21 აპრილს დაიწყება.

წყარო: be.ge