როგორ ავარჩიოთ კარგი კამერა

ფოტოაპარატი

ყველაზე მნიშვნელოვანი ნიუანსები, რომელიც კამერის ყიდვისას სწორი
არჩევანის გაკეთებაში დაგეხმარებათ.
ფიქრობთ კამერის შეძენაზე, თუმცა არ იცით მოკვლევა საიდან დაიწყოთ? ჩვენ აქ
თქვენს დასახმარებლად ვართ. და თუკი თქვენ მართლაც ყველაფერი იცით ამ სფეროში,
დაფიქრდით, იქნებ მართლაც არსებობს რიგი ალტერნატივებისა, რაც ჯერ არც კი
განგიხილავთ?!.
თუ თქვენ ახლა დგახართ მაღაზიის შუაში და ფიქრობთ იმაზე თუ რა იყიდოთ, საწყისი
ეტაპისთვის, მოდით, თვალი გადაავლეთ ჩვენს მიმდინარე ტოპ პროდუქტებს“

 იაფფასიანი dSLR კამერა: Nikon D3300

 სტანდარტული კომპაქტური კამერა: Panasonic Lumix ZS100

 ფსევდოსარკული კამერა/სუპერზუმი: Panasonic Lumix FZ1000

 თანამედროვე კომპაქტური კამერა: Panasonic Lumix LX100

 ენთუზიასტი dSLR კამერა: Nikon D750

 საუკეთესო ლიდერი უსარკო კამერა: Sony A7R II

ზოგადი მითითებები

 არ არსებობს ისეთი სპეციალისტი, რომელიც გეტყვით: „საუკეთესო კამერა არის ეს!“. და
მართლაც ცოტაა ისეთი სპეციალისტი, რომლის სიტყვაც მართლა სარწმუნოა.

 რეზოლუციას („მეგაპიქსელები“) მნიშვნელობა არ აქვს იქამდე, სანამ მართლა
პროფესიონალი ფოტოგრაფი არ გახდებით ან თუ უკვე არ გესმით. სენსორის ზომა,
ავტოფოკუსირების სისტემა და კადრის სტაბილიზაციის სისტემა კი ის
მახასიათებლებია, რომელიც მართლა უნდა გაინტერესებდეთ.

 ნუ ჩაიციკლებით „საუკეთესოს“ ან ყველაზე ბოლო მოდელის ფლობაზე კონკრეტულ
კლასში. სიმართლე ისაა რომ ერთი კამერა იშვიათად ამარცხებს სხვა დანარჩენებს ყველა
ოთხ ძირითად კრიტერიუმში, რომლებიცაა: ფოტოს ხარისხი, პერფორმანსი,
მახასიათებლები და დიზაინი. და ბოლო წლის (ან თუნდაც შარშანწინდელი) მოდელები
შესანიშნავ ფუნქციონალსაც გთავაზობენ და უფრო და უფრო მცირდება მათი
ფლობისთვის გამოყოფილი ბიუჯეტის სიდიდეც.

 მოსინჯეთ სანამ იყიდდეთ. დარწმუნდით რომ ხელში მისი დაჭერა კომფორტულია და
არც იმდენად დიდი ან მძიმეა რომ მისი სახლში დატოვება უფრო მოგინდეთ ხოლმე. მან

ასევე უნდა უზრუნველგყოთ ყველაზე ხშირად გამოყენებად ფუნქციებთან სწრაფად
წვდომით და მენიუებიც უნდა იყოს მარტივად სტრუქტურირებული, ლოგიკური და
შესასწავლადაც იოლი. სენსორულ ეკრანიანი მოდელები ასევე საშუალებას გაძლევთ
მიიღოთ უფრო მრავალფეროვანი ფუნქციონალი, მაგრამ თუ საკონტროლო ღილაკები და
მენიუები ცუდადაა ორგანიზებული, ეს ნამდვილად იქნება იმედგაცრუების საბაბი.

რატომ უნდა იყიდოთ კამერა მაშინ, როდესაც იგი
თუნდაც თქვენს ტელეფონშია?

 ბევრ კამერას ფიზიკურად აქვს ან აქვს მხარდაჭერა რეალური ზუმის ლინზებთან,
რომელიც ბევრად უფრო დიდ დიაპაზონს ფარავს ვიდრე გამოთვლითი ზუმი, რასაც
სტანდარტულად იყენებენ ორმაგი ლინზის მქონე ტელეფონის კამერები. (ეს ის
შემთხვევაა, როდესაც ისინი ახდენენ ორი სხვადასხვა ფოკუსის სიგრძის მქონე კამერის
მიერ მიღებული ინფორმაციის კომბნირებას, რაც შედეგად იძლევა ისეთ ფოტოს,
რომლის ხარისხიც ბევრად სჯობს იმ ფოტოსას, რომელსაც მიიღებდით ციფრული ზუმის
გამოყენების შემთხვევაში, რაც არც იმდენად კარგია, როგორც ნამდვილი ოპტიკური
ზუმი.)
 ტელეფონების კამერების ყველა გაუმჯობესებისა და ტელეფონების მარკეტინგის
ამოდენა პროგრესის მიუხედავად, ვერცერთი მათგანი, ჯერ კიდევ ვერ ახერხებს

გაუთანაბრდეს იმ ხარისხის, სიჩქარის ნიშნულს ან მართვის ფუნქციონალს, როგორიც
კარგი სპეციალიზებული კამერის შემთხვევაში გვერგება. ასე რომ, ზოგი ადამიანებისა
კვლავ უპირატესობას ანიჭებს ცალკე კამერის გამოყენებას განსაკუთრებული
მოვლენების აღსაბეჭდად.
 ყველა ტელეფონს არ აქვს კარგი კამერა და არც ყველა ტელეფონი, რომელიც კარგი
კამერით გამოირჩევა – არის კარგი, როგორც ტელეფონი. შესაძლოა თქვენ ორივე
გინდოდეთ.

ტოპ განხილვები

შეცვლადი თუ ფიქსირებული ლინზა?

შეცვლად ლინზიან კამერებს (ILC-ები) გახლავთ dSLR-ები ან უსარკო მოდელები.
შეცვლად ლინზიანი კამერების უპირატესობებს ფიქსირებულ ლინზიანებთან
შედარებით შემდეგი ნიუანსები წარმოადგენს:
 თქვენ ყოველთვის შეგიძლიათ უკეთესი ლინზის ყიდვა ფოტოს ხარისხისა და
პერფორმანსის გასაუმჯობესებლად.
 თუ ხედის უფრო ფართო ან უფრო ვიწრო კუთხე გჭირდებათ, ყოველთვის შეგეძლებათ
სხვა ლინზით ჩანაცვლება საამისოდ.
 შეგიძლიათ მიიღოთ უფრო სწრაფი (მაგალითად: ფართო მაქსიმალური აპერტურის)
ლინზა თუ გჭირდებათ უკეთესი დაბალ-განათებიანი პერფორმანსი.
 ფიქსირებულ ლინზიანი კამერები ორი სერიით გამოდის: ბრიჯ კამერები (ისეთები,
რომლებიც გვანან dSLR-ებს და აქვთ ნამდვილად გრძელი ლინზები) და კომპაქტურები
(ყოფილი „point-and-shoots” კამერა, რომლებიც უმრავლეს შემთხვევაში ტელეფონებმა
ჩაანაცვლეს).
ფიქსირებულ-ლინზიანი კამერის უპირატესობები შეცვლად ლინზიანებთან შედარებით:

 კომპაქტური კამერები ბევრად მცირე ზომითაა გამოირჩევა.

 ფსევდოსარკული კამერები შექმნილია ზუმის ისეთი დიაპაზონის დაფარვისთვის, რაც
ძალიან ძვირი დაგიჯდეთ ან მძიმე – ავტონომიურ ლინზაში.

 ლინზების შეცვლა ILC-ებში არ არის მარტივი.

 ხშირად კოპლექტის ლინზები, რომელიც თან მოყვება ILC-ებს არ არის ისეთი მაღალი
ხარისხის, როგორიც ეს ფიქსირებული ლინზების შემთხვევაშია.
 ბევრი ადამიანი არასოდეს ყიდულობს მეორე ლინზას, მაინც, ყოველ შემთხვევაში.

უსარკო თუ dSLR?
თუ გადაწყვეტთ ILC-ს ყიდვას, მაშინ უნდა აირჩიოთ ერთი dSLR ან უსარკო
ფოტოკამერა. სამწუხაროდ, ბევრი ადამიანს გამჯდარი აქვს გონებაში ის აზრი, რომ
dSLR-ები არის მაღალი ხარისხისა და მაღალ სიჩქარიანი ფოტოგრაფიის ამოსავალი
წერტილი. ეს ასე არ არის. უსარკო მოდელების ფოტოს ხარისხი ძალიან ჰგავს dSLR-ის
იმავე ზომის სენსორისა და ექვივალენტური ლინზის მქონე კამერის მიერ გადაღებულს
და საშუალო რანგის და ტოპ უსარკო კამერების მოდელების პერფორმანსი, ბოლო დროს,
ნამდვილად არის კონკურენტუნარიანი, მაღალი ხარისხის ავტოფოკუსის სისტემებითა
და სწრაფი განგრძობითი გადაღების რეჟიმის სიჩქარეებით. ასევე გაითვალისწინეთ რომ
უნდა გიჯობდეთ მეტი თანხის დახარჯვა უკეთეს ლინზაზე, ვიდრე ძვირიან კორპუსზე.
dSLR-ის უპირატესობები უსარკო მოდელებთან შედარებით შემდეგია:

 dSLR-ები იყენებენ ოპტიკურ ხედმძებნებს და იაფიანი dSLR-ის ოპტიკური ხედმძებნი,
ძირითადად, უკეთესია, ვიდრე ელექტრონული ხედმძებნი (EVF) იაფიან უსარკოზე
ისეთი მოქმედებების გადასაღებად, სადაც EVF შეიძლება საკმარისად სწრაფად არ
დარეფრეშდეს. თუმცაღა, ეს პრობლემა თანდათან უფრო და უფრო მცირე შემთხვევებში
გვხვდება.

 dsLR-ის ელემენტის სიცოცხლისუნარიანობა — ნებისმიერი dSLR სჯობნის უმრავლესობა
უსარკო კამერებს ამ პარამეტრით.

 შეგიძლიათ ძველი კინოკამერის ლინზის გამოყენება რაიმე ადაპტერის გარეშე და
რადგანაც dSLR-ებით ბაზარი დიდი ხანია გაჯერებულია

 მიმდინარე მოდელი იაფიანი dSLR ბევრად უფრო იაფია ვიდრე დღევანდელი სასტარტო
უსარკო კამერები.

უსარკო კამერების უპირატესობები dSLR-თან შედარებით:

 უმრავლესობა მათგანი ბევრად მცირე ზომებისაა და მათი ლინზებიც შესაბამისად უფრო
პატარაა ვიდრე ეს dSLR-თან გვხვდება. Micro Four Thirds ლინზები (ოლიმპუსი,
პანასონიკი) უფრო პატარაა ზომებში ვიდრე APS-C კამერები (ყველა სხვა დანარჩენი).

 ვიდეოს გადაღება კარგი უსარკო კამერით ბევრად უკეთეს ხარისხს დაგიდებთ ვიდრე
dSLR-ით, რადგანაც LCD-ს გავლით ხედი და ავტოფოკუსის პერფორმანსი საშუალებას
გაძლევთ უფრო მარტივად მოიხმაროთ იგი და მოითხოვს ნაკლებ აღჭურვილობას.

 სარკის უქონლობა ბევრ უპირატესობას მატებს კამერას, როგორიცაა რეალურ დროში
გადათვალიერება, რაც საშუალებას მოგცემთ თვალყური ადევნოთ როგორ იგება გრძელი
დაყოვნება და ერევა და ირჩევა შესაბამისი ფილტრები.

 უფრო ახალ, საშუალო რანგის და ძვირიან უსარკო მოდელებს გააჩნიათ გამოსახულების
უკეთესი სტაბილიზაცია (IS) ვიდრე ეს dSLR-ის შემთხვევაშია, ვინაიდან ბოლო IS
ტექნოლოგიები ჭკვიანურად აკომბინირებს სენსორის გადანაცვლებასა და ოპტიკურ
სტაბილიზაციას, მაშინ როდესაც dSLR იყენებს ოპტიკურ კომბინირებას ნაკლებად
მძლავრი ციფრული სტაბილიზაციით (მაგრამ, ჩვეულებრივ, მხოლოდ ოპტიკურს).

რამდენად მნიშვნელოვანია ფოტოს ხარისხი?

თუ პასუხია „ძალიან“, მაშინ გადაწყვეტილების მიღებისას აუცილებლად უნდა
გაითვალისწინოთ სენსორის ზომის ფაქტორი. როგორც წესი, რაც დიდი – მით უკეთესი.
ამის მეორე მხარე კი ისაა, რომ რაც უფრო დიდია სენსორი, მით უფრო ძვირია ხოლმე
კამერა.

სენსორების ფარდობითი ზომები.

არის ხარისხი და კონტროლი ვიდეოზე მეტად მნიშვნელოვანი?
თუ უბრალო, ყოველდღიური ვიდეოების გადაღებაა თქვენი მიზანი, მაშინ
დაგჭირდებათ კამერა კარგი ავტოფოკუსით. რაიმე უკეთესისთვის კი 4K მხარდაჭერა და
პროფესიონალური მახასიათებლებია აუცილებლობა, როგორიცაა all-intra (All-I)
კოდირება-დეკოდირების მოწყობილობები, მორგებადი ტონის მრუდები, კადრის
ინტენსიურობის უამრავი ოფცია და სენსორული ეკრანის კონტროლები.

რამდენად მნიშვნელოვანია დაბალი-განათების ხარისხი?
თუ ეს მნიშვნელოვანია, მაშინ მოგიწევთ შეადაროთ დამახასიათებელი ISO
მგრძნობიარეობის უნარიანობა (არა „HI” ან გაფართოებული დიაპაზონები), მაშინ
უმჯობესია აირჩიოთ სენსორის ყველაზე დიდი ზომა, რასაც გაწვდებით და ისეთი
სისტემა, რომელსაც აქვს გამოსახულების კარგი სტაბილიზაცია, ეს კი დიაფრაგმის ნელი
სიჩქარის გამოყენების საშუალებას მოგცემთ.

გჭირდებათ ნამდვილად გრძელი ზუმი?
დიდი ზუმის მქონე კამერები, მართლაც ყველა საბაზისო მოთხოვნას აკმაყოფილებენ,
რაც მათ მოსახერხებელს ხდის სამოგზაუროდ თან სატარებლად. ისინი გამომდგარია

სპორტის თამაშების გადასაღებად მაშინ, თუ მათ ნამდვილად კარგი ავტოფოკუსის
სისტემები აქვთ. თუმცა არსებობს რამდენიმე ზოგადი პრინციპი რაც გონივრულად
შეგარჩევინებთ ლინზის ფოკუსურ სიგრძეს:

 ულტრა ფართო კუთხე (18 მმ-ზე ნაკლები) კარგია ძალიან დიდი სცენებსთვის, სადაც
ლინზის სიმრუდე უფრო ზრდის, ვიდრე ამცირებს სურათს

 ფართო კუთხე Wide-angle (დაახლოებით 18 მმ-დან 30 მმ-მდე) კარგია დაჯგუფებული
გადაღებებისთვის, პეიზაჟებისა და ქუჩის ფოტოგრაფიისთვის
 ნორმალური Normal (დაახლოებით 30 მმ-დან 70 მმ-მდე) კარგია პორტრეტებისა და
მომენტალური ფოტოებისათვის

 ტელეფოტო Telephoto (დაახლოებით 70 მმ-დან 300 მმ-მდე) კარგია პორტრეტებისა და
სპორტისათვის

 სუპერტელეფოტო (300 მილიმეტრზე დიდი) კარგია სპორტის, ცოცხალი ბუნებისა და
სტალკინგისთვის

რამდენად მნიშვნელოვანია სიჩქარე?

დიაფრაგმის პრობლემებზე ნერვიულობის დღეები კარგა ხანია წარსულს ჩაბარდა. ახლა
უბრალოდ უნდა დარწმუნდეთ იმაში, რომ ავტოფოკუსის სისტემა საკმარისად სწრაფი
და ზუსტია იმისთვის რომ გადაგაღებინოთ იმ ტიპის სცენები, რასაც მიზნად დაისახავთ.
გამონაკლისი კი გახლავთ მოქმედების სცენის გადაღების განზრახვა. თუ მსგავსი
ფოტოს შექნა გსურთ, მაშინ ისეთი კამერა დაგჭირდებათ, რომელსაც არამხოლოდ
შესანიშნავი ავტოფოკუსი და სწრაფი განგრძობითი გადაღების რეჟიმი აქვს, მას ასევე
უნდა ჰქონდეს საკმაოდ კარგი ფოტოს ხარისხი ISO 800-ISO 6400 დიაპაზონში, რადგანაც
ზუსტად ამ ნიშნულზე უნდა ახვიდეთ რომ მოარგოთ საკმარისად სწრაფი დიაფრაგმის
სიჩქარე (ძირითადად 1/500 წამამდე) იმ მოქმედების გადასაღებად რაც განიზრახეთ და
ამასთან, შეინარჩუნოთ სწორი დაყოვნება, იგივე ექსპოზიცია.

გეგმავთ ველურ ბუნებაში ფოტოგადაღებას?
მაშინ აუცილებლად უნდა იზრუნოთ კორპუსის კარგ კონსტრუქციასა და მტვრისა და
მკაცრი ამინდის პირობებისაგან კამერის დასაცავ ჰერმეტიზაციაზეც. ძალიან ცოტაა
ისეთი კამერების რაოდენობა, რომელიც შესაბამისი შეფუთვის გარეშე გახლავთ
ყინვაგამძლე და მუშაობს -10 გრადუს ცელსიუსამდე ტემპერატურაზე ან
წყალგაუმტარი. თუკი გეგმავთ ისეთ ადგილას გადაღებას, სადაც კამერას ვერ დატენით
ერთ დღეზე მეტად, მაშინ უნდა იფიქროთ dSLR-ის ყიდვაზე, რომლებსაც საგრძნობლად
უკეთესი ელემენტის მოცულობა გააჩნია. ან მზად იყოთ რამდენიმე დამატებითი
ელემენტის საყიდლად ნებისმიერი სხვა ტიპის კამერის შემთხვევაში.

გინდათ ხედმძებნი?
ხედმძებნები ნამდვილად გამოსადეგი ოფციაა ყველა იმ ადამიანისათვის, რომელიც მზის
პირდაპირი სხივების პირობებში იღებს ფოტოებს, მაშინ როდესაც ეკრანს ვერ ხედავენ.
ამასთანავე, როდესაც ხედმძებნის გასწვრივ იყურებით მკლავები ქვემოთაა დაშვებული
გვერდებზე, რაც საშუალებას გაძლევთ ის მყარად დაიჭიროთ, ვიდრე ამას მკლავების
გაჭიმულ მდგომარეობაში შეძლებდით.

Wi-Fi- ხშირად იყენებთ?

რამდენადაც თითქმის ყველა კამერას აქვს ჩაშენებული Wi-Fi მოდული (ან Bluetooth
როგორც მისი უფრო იაფფასიანი ალტერნატივა) ფოტოების ასატვირთად, აქვე
აღსანიშნავია ის, რომ ყველა იმპლემენტაცია ერთნაირად როდია შექმნილი. უფრო მეტი
სიზუსტისთვის, გირჩევდით თვალი გადაავლოთ ვებზე სხვადასხვა ჩივილებს
აპლიკაციების ან კავშირის პრობლემების შესახებ, სანამ კამერის ყიდვის საბოლოო
გადაწყვეტილებას მიიღებდეთ.