17 სამეცნიერო ბლოგი, რომელიც ყველა თქვენგანმა უნდა გამოიწეროს

დღეს თქვენ ნებისმიერი მეცნიერების შესწავლაზე მიგიწვდებათ ხელი, ინტერნეტის წყალობით. სამეცნიერო საზოგადოებები უკვე სოციალური მედია საშუალებები და ბლოგები უკვე კარგახანია გადაიქცა დისკურსის მდიდარ  პლატფორმებად. როგორც ექსპერტებს, ისე დამწყებებს თანაბრად შეუძლიათ ისაუბრონ იმ თემებზე, რაც მათ აფიქრებთ და სწორედ მსგავსი სადისკუსიო ფორუმები ქმნის უზარმაზარ საგანმანათლებლო სივრცეს ნებისმიერი იმ ადამიანისათვის, რომელსაც მეცნიერების შესწავლა და დროდადრო ამა თუ იმ თემის განხილვა სურს.

წარმოგიდგენთ 2020 წლის საუკეთესო ბლოგთაგან ჩვენ მიერ შერჩეულ 17 სამეცნიერო ბლოგს.

1.    IFL SCIENCE

დაარსებულია Elise Andrews-ის მიერ 2012 წელს, I F****** Love Science ან IFL Science „არსებობს იმისთვის, რომ თქვენს სიახლეების ველამდე ყოველდღიურად მოიტანოს მეცნიერების მომნუსხველი სამყარო გამაოგნებელი და მარტივად გასაგები ენით.“ ბლოგი თანაბრად ინფორმატიული და სახალისოა და ერთ-ერთი მთავარი ადგილი უჭირავს მსგავსი თემატიკის ბლოგებს შორის. ამ ბლოგის ყველაზე დიდ ღირსებას კი ის წარმოადგენს, რომ იგი ყველა ასაკის მკითხველისთვის თანაბრად საინტერესოა, მიუხედავად იმისა, თუ რა სფეროდან მოდიან ისინი. ბლოგის სოციალიზაციას სადისკუსიო პანელები უზრუნველყოფს, რომლებშიც მკითხველებს საშუალება აქვთ იურთიერთონ და გამოამჟღავნონ მეცნიერებისადმი თავიანთი სიყვარული. Facebook გვერდი ყოველდღიურად აზიარებს IFL Science-ს ბლოგებს და მას დღესდღეობით 25 მილიონი მოწონებაც აქვს.

The Commonwealth Scientific and Industrial Research Organisation (CSIRO) გახლავთ ავსტრალიის ეროვნული მომსახურების სააგენტო. 1916 წელს დაარსებული სწორედ ამ ორგანიზაციის შექმნილია დღევანდელი WiFi, Aerogard (მწერების საწინააღმდეგო ცნობილი საშუალება), გახანგრძლივებული ვადით სატარებელი კონტაქტური ლინზები. აღნიშნული ბლოგი პოპულარულია არა მხოლოდ ეროვნული, არამედ გლობალური მასშტაბითაც. ბლოგზე საკმაოდ მრავალფეროვანი თემები განიხილება, რომლებიც მოიცავს მეურნეობას, ოკეანის კვლევებს, წარმოებას და ჯანდაცვას.

Kruszelnicki-ს საფირმო ჟესტი მეცნიერების მიმართ იუმორისტული და ამავდროულად ინფორმატიული მიდგომაა, აღნიშნული ბლოგი ერთ-ერთ ყველაზე რთულ და კომპლექსურ და ხშირად განხილვად (მაგრამ არც ისე ხშირად მარტივად ახსნად) სამეცნიერო კითხვებს განიხილავს. დაწყებული beautiful act of vomiting (პირღებინების ლამაზი აქტი) დასრულებული how many cells in a person? (რამდენი უჯრედი გააჩნია ადამიანს?) საკითხით, Kruszelnicki ეძებს გზებს საიმისოდ რომ გახადოს ერთის მხრივ რთული და კომპლექსური საკითხები გასასრთობი და სასიამოვნოდ წაკითხვადი სახის, რათა შეინარჩუნოს და გააფართოვოს მკითხველთა წრე და მოიცვას ყველა კატეგორია. Dr Karl-ზე მეტი ინფორმაციის მისაღებად, შეგიძლიათ გადაათვალიეროთ მისი Twitter ანგარიში და პირადად დაუსვათ მას შეკითხვები სამეცნიერო სფეროდან.

Nautilus „მსოფლიოს წამყვანი მოაზროვნეებისა და მწერლების ნააზრევს გაცნობთ, რომლებიც მეცნიერებას, კულტურასა და ფილოსოფიას აერთიანებს“. Nautilus ოფიციალურად ჟურნალსა და ონლაინ ვებსაიტს წარმოადგენს, თუმცა მას აქვს რიგი განშტოებები, რომლებიც მოიცავს ყოველდღიურ „მუზებს“, მოკლე ამონარიდებს რომლებიც დაგვაფიქრებს მეცნიერებისა და ჩვენი ყოველდღიურობის კავშირზე. ამ ბლოგზე ასევე შეხვდებით მსოფლიო მასშტაბის თანამედროვე მეცნიერების შესახებ ინფორმაციას, გაეცნობით მათ მიმდინარე პროექტებს და პირველებს გეცოდინებათ იმ ინოვაციების შესახებ, რომლებიც ფუნდამენტურად შეცვლიან ჩვენს გარესამყაროს უახლოეს წლებში. ალბათ ფიქრობთ, რომ მეცნიერება და ფილოსოფია ერთმანეთისაგან დაშორებული და ურთიერთგამომრიცხავი სფეროებია, თუმცა, გვინდა გითხრათ, რომ აღნიშნული ბლოგი ამ წარმოდგენას აბსოლუტურად გაგინეიტრალებთ, ვინაიდან თითოეული პოსტი გულმოდგინედ გამოკვლეულ და დადასატურებულ ინფორმაციაზეა დაყრდნობილი, მარტივად იკითხება და იქმნება მათთვის, ვინც ჭეშმარიტად იღებს სიამოვნებას მსუბუქი სამეცნიერო სტატიების კითხვისაგან.

Public Library of Science არაკომერციული ორგანიზაციაა, რომელიც საჯაროდ აქვეყნებს სამეცნიერო ჟურნალებსა და ლიტერატურას. PLOS-ზე კონტენტს ქმნიან არამხოლოდ ბლოგის ედიტორები, არამედ მათ დამოუკიდებელი წყაროებიც გააჩნიათ, მათ შორის მოიაზრებიან სამეცნიერო ჟურნალისტები და მკვლევარებიც. ბლოგები, რომლებიც PLOS-ზეა თავმოყრილი, მოიცავს ისეთი თემების ფართო დიაპაზონს, როგორიცაა ბიოლოგია, საბუნებისმეტყველო მეცნიერებები, მედიცინა და ჯანმრთელობა, კვლევის ანალიზი და სამეცნიერო პოლიტიკა. მორგებულია იმ ადამიანებზე, რომლებიც წარმოადგენენ სამეცნიერო საზოგადოებას და რომელთაც შეუძლიათ სამეცნიერო კონცეფციების ღრმად წვდომა, მართალია ეს ბლოგი არ არის ყველა სეგმენტზე გათვლილი, მაგრამ კარგი საშუალებაც შეიძლება იყოს თუ თქვენ სამეცნიერო ენთუზიასტი ხართ და ეძებთ უფასო და ხელმისაწვდომ რესურსებს მრავალი საკითხის შესახებ.

Improbable Research-ზე ჯერ გაიცინებთ, შემდეგ კი დაფიქრდებით. რეალური კვლევების კოლექცია შეიძლება ჩათვალოთ, „როგორც კარგად, ისე ცუდად, როგორც მნიშვნელოვნად, ისე ტრივიალურად, როგორც ღირებულად, ისე არასაჭიროდ“, იგი გახლავთ პოპულარული Annals of Improbable Research-ის ონლაინ მანიფესტაცია, რომელიც, თავის მხრივ, ნობელის დაჯილდოების პაროდიის Ig Nobel Awards-ის შექმნისთვის გახდა ცნობილი. ამ ბლოგზე ბევრ ისეთ თემას შეხვდებით, რომელიც საგონებელში ჩაგაგდებთ და ცოტათი გიჟურადაც მოგეჩვენებათ. დარწმუნებულები ვართ, რომ ეს ბლოგი ნამდვილად დაატყვევებს თქვენს ცნობისმოყვარეობას და დაგაფიქრებთ სამეცნიერო კვლევებისა და ინოვაციის სარგებელზე.

თუ გსურთ წარმოდგენა შეგექმნათ იმის შესახებ, თუ რა ტიპის კონტენტი დაგხვდებათ საიტზე, სადეგუსტაციო პოსტსაც შემოგთავაზებთ: „How aesthetically pleasing is your country’s diffraction pattern?

ბლოგს წარმოადგენს Scientific American და იგი საკმაოდ გახმაურებული და ხშირად კრიტიკის ობიექტი სამეცნიერო მწერლის Brian Switek-ის მიერ იმართება. ბლოგი შეეხება ევოლუციას, სახეობების გადაშენებისა და გადარჩენის საკითხებს, იკვლევს ბუნების ისტორიას და მოვლენებს შეისწავლის ანთროპოლოგიის, ზოოლოგიის, არქეოლოგიისა და პალეონტოლოგიის ჭრილშიც. თუ თქვენი ინტერესები ბიოლოგიის მეცნიერებასთან ხშირად იკვეთება, მაშინ ეს ბლოგი ნამდვილად შემოგთავაზებთ ღირებულ სამეცნიერო მასალებს და კომპლექსური კონცეფციების ნაპრალების შევსებაშიც დაგეხმარებათ. ერთი სიტყვით, დაგანახებთ პრობლემას სრულებით სხვა კუთხიდან რაც თქვენს ცნობისმოყვარეობას თუ კვლევის საჭიროებას დაგიკმაყოფილებთ და ნამდვილად პროდუქტიულ და საჭირო დახმარებას გაგიწევთ.

ბოტანიკის ბლოგის მატიანეს ეს განშტოება მოიცავს სიახლეებსა და ხედვებს მეცნიერებაზე ნარგავების შესახებ და ეკოლოგიაზე. მასზე ინფორმაცია ყოველთვიურად ახლდება და თავსდება ახალი კვლევები. იგი დიდ დახმარებას გაუწევს ბოტანიკის მეცნიერებით ღრმად დაინტერესებულ ნეისმიერ პირს.

NewScientist მეინსტრიმისთვის ყველაზე ცნობილი სამეცნიერო პუბლიკაციების კრებულია. ჟურნალმა წლების მანძილზე მყარად განიმტკიცა საკუთარი სახელი და მისი წარმატება ძირითადად იმითაა განპირობებული, რომ ყოველი ამბავი, რომელსაც იგი გადმოგცემთ გამყარებულია მსოფლიო მკითხველთა რეალური ინტერესით და გადმოცემის მარტივი და მსუბუქი ფორმით სასიამოვნოდ იკითხება ნებისმიერი მზაობის მკითხველის მიერ.

გაითვალისწინეთ, რომ საიტზე სრული წვდომისათვის მისი გამოწერა მოგიწევთ, რაც კონკრეტულ ფინანსურ დანახარჯთანაა დაკავშირებული, თუმცა მეორეს მხრივ, დაფიქრდით, იქნებ ეს ინვესტიცია თქვენი წარმატებული სამეცნიერო კარიერის განმაპირობებელიც გახდეს.

მედიცინის დოქტორის, აკადემიური კლინიკური ნევროლოგის Steven Novella-ს მიერ შექმნილი აღნიშნული ბლოგი ფარავს ისეთ თემებს, როგორიცაა ნეირომეცნიერება, სამეცნიერო სკეპტიციზმი, ფილოსოფიის და მეცნიერებისა და მედიის ურთიერთკვეთა. ამ ბლოგზე შეხვდებით ახალ აღმოჩენებს, პრობლემატურ საკითხებს, სიახლეებს, Novella გაგიზიარებთ საკუთარ ცოდნასა და გამოცდილებას, ხედვებსა და წარმოდგენებს უამრავ საგანზე, დაწყებული გენმოდიფიცირებული ორგანიზმებიდან ე.წ. „ქლიქბაითებით“ (იხ.: clickbait (რაც ყველას ასე გვეჯავრება)) დასრულებული. პლატფორმაზე განიხილება ისეთი თემები, რომლებიც მეინსტრიმ მედიასაშუალებებში ცხელ საკითხებს წარმოადგენს, თუმცა რაც ყველაზე მთავარია, ეს სამეცნიერო, კრიტიკული გზით ხდება, რაც ამ ბლოგს ჭეშმარიტად საგანმანათლებლო და „თვალის ამხილველ“ რესურსად აპოზიციონირებს.

იმართება Scientific American-ის მიერ, რომელიც გახლავთ სამაგიდო და ხელმისაწვდომი საშუალება, სამეცნიერო გამოცემა, რომლის თემატიკაც მოიცავს გონებას, ჯანმრთელობას, ტექნოლოგიებსა და მდგრად განვითარებას. ბლოგის მიძღვნილი სექცია, რომელიც მთავარ საიტს ჟურნალის კონტენტისგან გამოყოფს მოიცავს უამრავ გასაოცარ „გემრიელ ლუკმას“, როგორიცაა „როგორ ვიხტუნოთ ასტეროიდზე“, რაც შესაძლოა სრულებით არ იყოს ყოველდღიური ცხოვრების გასამარტივებელი პროდუქტიული სტატია, მაგრამ მოახერხოს თქვენი წარმოსახვის უნარის გაღიზიანება და ინსპირაციაც კი მოგგვაროთ, ამას კი მხოლოდ და მხოლოდ მეცნიერება ახერხებს.

⚠️ გაფრთხილება: აღნიშნული ბლოგი არ გახლავთ რეკომენდირებული სუსტი გულის მქონე ადამიანებისათვის, ვინაიდან, იგი მოიცავს ისეთ გრაფიკულ მასალას, რომელიც შესაძლოა გამაღიზიანებელი აღმოჩნდეს (მაშინ, როდესაც ზოგიერთი ადამიანისათვის ამას საპირისპირო ეფექტი აქვს). Mortui Vivos Docent ინსტაგრამ-ბლოგია, რომელსაც სასამართლო პათოლოგანატომი Nicole Angemi უძღვება. ბლოგზე გვხდება გაკვეთების ამსახველი გრაფიკული გამოსახულებები, რომელთაც თან ერთვის შესაბამისი სამეცნიერო აღწერილობა, კომენტარი. მისი მთავარი საქმიანობა გარდაცვლილთა სხეულებში ინფექციებისა და დაავადებების იდენტიფიცირებაა და მისი გრძელი სტატიები ნამდვილად ნათელს ჰფენს ბევრ კომპლექსურ სამედიცინო კონცეფციას და სპეციფიურ ინფორმაციას ყველასთვის გასაგები ნაწყვეტი ცნობების სახით გადმოსცემს. ის ხშირად ეკითხება თავის მიმდევრებს, გაკვეთის ფოტომასალაზე დაყრდნობით გამოიცნონ თუ რა დაავადება აღენიშნებოდა გარდაცვლილს, რაზეც შემდგომ უკვე ქმნის პოსტს და აწვდის მათ საკუთარი ანალიზის დეტალიზებულ პასუხს.

პროგრამული დეველოპერისა და მეწარმის Jeff Atwood-ის მიერ შექმნილი ბლოგი Coding Horror ერთ-ერთი ყველაზე ცნობილი ბლოგია კომპიუტერული პროგრამირების საზოგადოებაში. Atwood „ჩემს შესახებ“ განყოფილებაში აცხადებს, რომ „პროგრამირების ხელოვნება არ წარმოადგენს მხოლოდ კოდირების შესწავლას; აუცილებელია პროგრამებს მიღმა არსებული ხალხის გამოკვლევაც.“ სწორედ ამ მიდგომით, ამ ბლოგზე შეხვდებით როგორც  პროგრამირების ხელოვნების ღრმა ანალიზს, ასევე გაეცნობით ადამიანებს, რომლებმაც შექმნეს ეს ენები. ეს ორმაგი მიდგომა უფრო საინტერესოს ხდის საკითხის შესწავლას და მეტ ხალისს ჰმატებს ამ ტექნიკურ მეცნიერებას. ბლოგი თანაბრად სასარგებლოა როგორც დამწყები, ისე პროფესიონალი პროგრამისტებისათვის.

თერმული მეცნიერებების პროფესორ John Abraham-ისა და გარემოს დაცვის სფეროში მოღვაწე მეცნიერ Dana Nuccitell-ის ეს ბლოგი კონცენტრირებულია კლიმატსა და გარემოსდაცვით მეცნიერებებზე და განიხილავს პოპულარული თემებს, რომლებიც პუბლიკაში სკეპტიციზმს იწვევენ. აუცილებლად წასაკითხი ბლოგია მათთვის, ვისაც მძაფრი ინტერესი გააჩნია კლიმატის მეცნიერების კუთხით.

Wired ონლაინ პუბლიკაციაა, რომელიც ტექნოლოგიური საკითხების მრავალმხრივი გაშუქებით გამოირჩევა. ეს გამოცემა სწორედ იმ ადამიანებისთვისაა შექმნილი, რომლებიც ეძიებენ მეცნიერებას ტექნოლოგიის მიღმა. Wired Science-ს კონტენტი არამხოლოდ სერიოზულ ტექნოლოგიურ საკითხებს მოიცავს, ასევე მასზე შეხვდებით ბევრ გასართობ, უცნაურ ამბავს რომლებიც შეეხება რობოტებს, ან თუნდაც ასეთ საკითხებს: physics of a tennis ball bouncing off a basketball.

ეს ბლოგი ბიოლოგიის დოქტორის Joe Hanson-ის მიერაა შექმნილი და მასზე მის მიერ შექმნილი საგანმანათლებლო ვიდეოები თავსდება. თითოეული მათგანი სასიამოვნო და გასართობია და ამასთანავე მათი ყურება სარგებელსაც გიტოვებთ, თან ერთობით, თან სწავლობთ.

ძალიან მცირეა მეცნიერების იმ სფეროების რაოდენობა, რომლებიც ახერხებს მასების ინსპირაციას, კოსმოსი კი ამ გამონაკლისს ნამდვილად წარმოადგენს. Space.com შესანიშნავი რესურსია ნებისმიერი იმ ადამიანისათვის, რომელსაც არაინტეპრეტირებული, სუფთა და ხელმისაწვდომი ანგარიშები აინტერესებს კოსმოსის შესახებ.

მართალია Google-ში ნებისმიერი ინფორმაციის უსწრაფესად მიკვლევაა შესაძლებელი, მაგრამ მთავარი ისაა, რაც თქვენ აღმოაჩინეთ, ნამდვილად გჭირდებათ კი?! ხშირად ინფორმაციის ეს ზღვა მოცულობა და მრავალფეროვნება დამაბნეველიც ხდება. ბლოგები კი ღირებული რესურსია, რომლებიც იძლევა ანალიტიკურ ხედვებს ხალხზე, გამოგონებებზე, აღმოჩენებზე, რომლებიც განაპირობებენ და ახალისებენ სამეცნიერო ინოვაციებს. მაკრო თუ მიკრო ბლოგები, რომლებიც ამ ჩამონათვალში განვიხილეთ, ხშირად ისეთი დისკუსიებისა და თემების წარმოქმნის საფუძველი ხდება, რომლებიც მომავალი სამეცნიერო კვლევების, განათლებისა და ფართო გავრცელების კატალიზატორად წარმოდგება.

ბოლოს, კი თუ თქვენ ამ პოსტის კითხვის მანძილზე, ცოტათი მაინც გაგიღვივდათ ინტერესი თუნდაც პირველი ნაბიჯები გადადგათ მეცნიერებაში, მოდით დაიწყეთ ნაწილაკების მეცნიერებით და აუცილებლად დაეკონტაქტეთ ATA Scientific-ის გუნდს, ისინი თქვენ ყველა კითხვაზე გაგცემენ პასუხს.