5 საუკეთესო სახლის ვიდეო ზარი

სახლის დაცვიდან დაწყებული – სტუმრების მიღებით დამთავრებული, ეს კარის ვიდეო ზარები უზრუნველყოფენ თქვენი სახლის უსაფრთხოებას

დღევანდელი ვიდეო ზარები კარგებია არა მხოლოდ ამანათის ქურდებისთვის, ასევე მათ აქვთ შესაძლებლობა ჩაიწერონ მომხდარი და შემდეგ გადაამოწმოთ, თუ ვინმემ რაიმე ნივთი ან ამანათი მოიპარა თქვენი კარებიდან, გარდა ამისა გაქვთ შესაძლებლობა შეამოწმოთ თქვენი მნახველები სმარტფონიდან და ეკონტაქტოთ მათ ონლაინ რეჟიმში. კორონა ვირუსით გამოწვეული პანდებიის დროს, იმის საშუალება, რომ აკონტროლოთ თქვენი ამანათები და კომუნიკაცია დაამყაროთ კარის ზღურბლზე მყოფ ადამიანებთან, რათა მისცეთ მათ ამანათის მოწოდების ინსტრუქცია, განსაკუთრებით კარგი საშუალებაა. თუ თქვენ გამოუცდელი ხართ სახლის დაცვის სისტემაში და გსურთ დაიწყოთ თქვენი კარების წინა არეალის მონიტორინგი, ან თუ გსურთ არსებული სისტემის გაუმჯობესება, ჩვენ მიერ წარმოდგენილი ვიდეო ზარები აუცილებლად დაგაიტერესებთ.

როგორ ავარჩიოთ სწორი სახლის ვიდეო ზარი

პირველი რაც გასათვალისწინებელია სახლის ვიდეო ზარის არჩევისას, ესაა მისი ბრენდი და შეთავსებადობა სხვა ჭკვიანი სახლის ფუნქციებთან. როდესაც შესაძლებელია, ჩვენ ვურჩევთ, რომ შეიძინოთ ერთი და იმავე ბრენდის მოწყობილებები უფრო კარგი ინტეგრაციისთვის. ზოგიერთი ვიდეო ზარი ისეა მოწყობილი, რომ მარტივად შეიძლება მისი სხვა ბრენდის პროდუქტებთან სინქრონიზაცია, თუმცა გაცილებით მარტივია როდესაც ყველა ერთი ბრენდია და სმარტფონის აპლიკაციით შეგეძლებათ მათი კონტროლი. თუ თქვენ გამოუცდელი ხართ სახლის დაცვის სიტემაში, თუმცა უკვე გაქვთ სმარტ სპიკერები Google ან Amazon-ისგან, შესაძლოა სურვილი გაგიჩნდეთ Nest ან Ring-ის ვიდეო ზარების შეძენაზე, რათა მარტივად აკონტროლოდ ისინი. სმარტ სახლების უმეტეს მოწყობილობას ექნება Google Assistant ან Amazon Alexa მხარდაჭერა, თუმცა სხვა დაცვის სისტემები, როგორიცაა შიდა/გარე კამერები და მოძრაობის სენსორები შეთავსებადი იქნება მხოლოდ ერთი და იმავე ბრენდთან.

თუ თქვენ მომავალში გსურთ სახლის დაცვის სისტემის გაფართოება, შესაძლოა მოგინდეთ იმ სისტემების ნახვა, რომლებიც გვთავაზობს ყველა მოწყობილობას, რაც შეიძლება დაგჭირდეთ. მაგალითისთვის SimpliSafe და Ring აქვს ისეთი სისტემების ერთობლიობა, რომელიც მოიცავს სხვადასხვა სახის სენსორებს, ჭკვიან საკეტებს და კამერებს რაც შეგეძლებათ დაუმატოთ თქვენს უკვე არსებულ დაცვის სისტემას, ხოლო კომპანიები როგორიცაა Arlo და Eufy ძირითად ყურადღებას ამახვილებს შიდა/გარე კამერებსა და განათებაზე.

ყველა ამ კამერის დამონტაჟება არის საკმაოდ მარტივი, ერთადერთი რაც უნდა გაითვალისწინოთ არის ის, რომ უნდა გქონდეთ შესაერთებელი კაბელი. წინააღმდეგ შემთხვევაში უნდა გამოიძახოთ სპეციალისტი დასამონტაჟებლად, თუ არ გსურთ თავის შეწუხება. თუ თქვენ უკვე არსებულ კაბელს უერთებთ ახალ ვიდეო ზარს, მაშინ აუცილებლად უნდა შეამოწმოთ ცვალებადი დენი. ამ კამერების უმეტესობა მუშაობს 16-დან 25 ვოლტამდე, თუმცა ზოგი არის 8 ვოლტიანიც. მიუხედავად იმისა, რომ ყველა ამ ვიდეო ზარს აქვს ელექტრო კავშირი, ზოგიერთ მათგანს აქვს სპეციალური დამხმარე ბატარეა, იმ შემთხვევისთვის თუ ელექტროობა დაიკარგება. ასეთი ტიპის ვიდეო ზარებს გვთავაზობს Eufy.

იმის გარდა რომ აარჩიოთ ვიდეო ზარი, რომელიც შეთავსებადია თქვენ „ჭკვიან“ სახლთან და ემთხვევა კაბელში გამავალ ცვალებად დენს, ყურადღება უნდა გაამახვილოთ იმ მახასიათებლებსა და ფუნქციებზე, რომლებსაც ის გვთავაზობს. იმის გათვალისწინებით, რომ ვიდეო ზარები ინახავენ ინფორმაციას cloud-ზე, სავარაუდოდ თქვენ მოგიწევთ თვიური ფულის გადახდა, რათა გქონდეთ წვდომა ვიდეოების ისტორიაზე. მიუხედავად იმისა, რომ ეს ფასი შეიძლება იყოს $3-ზე ნაკლები თვიურად, ზოგიერთი შეიძლება უფრო ძვირიც დაგიჯდეთ, თუმცა შემოგთავაზებენ პრემიუმ ფუნქციებს როგორიცაა გაუმჯობესებული მოძრაობის დეტექტორი ან პროფესიონალური მონიტორინგი. იმის გამო რომ ამგვარი ფუნქცია უფრო ძვირი ჯდება, ასევე საწყის ფასთან ერთად უნდა გაითვალისწინოთ მისი ყოველთვიურად გადასახდელი თანხაც.

როგორ ავარჩიეთ და შევაფასეთ ისინი

ჩვენ მოვიძიეთ 10 ექსპერტისა და 71 000 მომხმარებლის შეფასება, რათა აგვერჩია ტოპ ხუთი წლის სახლის ვიდეო ზარი. იმისათვის რომ გამოგვეთვალა საბოლოო მაჩვენებელი, ჩვენ ავიღეთ რეიტინგები სანდო პუბლიკაციებიდან როგორებიცაა Tech Radar, CNET და Tom’s Guide და განვათავსეთ 100-ქულიან სკალაზე, რათა გაგვემარტივებინა თქვენთვის არჩევანი. ჩვენი მომხმარებლის ქულა წარმოადგენს იმ მომხმარებელთა პროცენტულ რაოდენობას, რომლებმაც შეაფასეს პროდუქტი მინიმუმ 4 ქულით 5-დან ისეთ საიტებზე, როგორიცაა Amazon, Best Buy და Walmart.

-საუკეთესოდ შეფასებული-

Google Nest Hello

საერთო ქულა: 85/100 | მომხმარებელთა ქულა: 96%-მა მიანიჭა მას 4 ვარსკვალი და ზევით

ეს პრემიუმ ვიდეო ზარი არის შესანიშნავი შენაძენი Google Smart სახლისთვის.

3MP კამერა | 4:3 HD ვიდეო | ხედვის არე 1600 | 16-24V AC | ზომა: 4.6 x 1.7 x 1.0 in.  

Nest Hello
GOOGLE
Walmart.com
$172.49

+შეთავსებადია სხვა Google Home პროდუქტებთან-ძვირია
+24/7 ვიდეოს ჩაწერა   
+სახის ამოცნობის სისტემა   

ერთი შეხედვით Google Nest Hello შეიძლება ძვირად მოგეჩვენოთ 200$-ად, თუმცა ის ბევრად უფრო მეტს გვთავაზობს ვიდრე უბრალოდ კარის წინა არეალის მონიტორინგი. კამერა არის მკაფიო და სუფთა, ასევე ის გვთავაზობს 24/7-ზე ვიდეოს ჩაწერასა და სახის ამოცნობის სისტემას. იმის ნაცვლად რომ დაუცადოთ შეტყობინებას როდის რეკავს ვიდეო ზარი, Nest Hello თვითონ ადგენს მოძრაობას და მას შეუძლია სიზუსთით გითხრათ განსხვავება ადამიანსა და ობიექტს შორის – თუ თქვენ გაქვთ Nest Cam IQ, მას შეუძლია დააგდინოს ადამიანი უცხოა თუ თქვენი ნაცნობი. Tech Radar-მა გააკეთა ასეთი განცხადება, რომ ეს ვიდეო ზარი „აწარმოებს სუფთა, მკაფიო ხმას, რაც უადვილებს კარებთან მყოფს თქვენი ხმის გაგებას,“ როგორიცაა ინსტრუქციის მიცემა ამანათის დასატოვებლად. ასევე შეგიძლიათ თქვენი ხმა ჩაწეროთ წინასწარ, იმ შემთხვევებისთვის, როდესაც სალში არ ხართ.

თქვენ გჭირდებათ Nest Aware გამოწერა, იმისთვის რომ მიიღოთ ეს ფუნქციები, თუმცა Google ამჟამად გვთავაზობს ორ დონიან გადახდის სისტემას: ჩვეულებრივი Nest Aware, რომელიც $6 ღირს, გვთავაზობს 30 დღიან ვიდეო ისტორიას, გამაფრთხილებელ მახასიათებლებს, ხმის ამოცნობასა და გადაუდებელი დახმარების ზარებს, ხოლო Nest Aware Plus ღირს ორმაგი, გვთავაზობს 10 დღიან ვიდეო ისტორიას 24/7-ზე და 60 დღიან ვიდეო ჩაწერას. მიუხედავად იმისა, რომ ეს მომსახურეობა უფრო ძვირი ჯდება, შეგიძლიათ გამოიყენოთ 30 დღიანი უფასო ვერსია, რათა შეადაროთ სხვა მოდელებს და გააკეთოთ არჩევანი.

შესაძლოა ხელოსანი დაგჭირდეთ Nest Hello დასამონტაჟებლად, თუმცა ზოგიერთმა მომხმარებელმა თავისით გაართვა ამ დავალებას თავი. „ინსტალაცია იყო ძალიან მარტივად შესასრულებელი და აპლიკაციაც ნაბიჯ-ნაბიჯ გკარნახობთ თუ როგორ უნდა მოიქცეთ. მე დამჭირდა 40 წუთზე ნაკლები და არ არის დასამონტაჟებლად ხელოსნის გამოძახება“ ამბობს ერთ-ერთი მომხმარებელი. არ აქვს მნიშვნელობა იცნობთ თუ არა სახლის დაცვის სისტემას, Nest Hello არის საუკეთესოდ შეფასებული სახლის ვიდეო ზარი.

-ყველაზე ყოვლისმომცველი-

SimpliSafe Pro Video Doorbell

საერთო ქულა: 75/100 | მომხმარებელთა ქულა: 75%-მა მიანიჭა მას 4 ვარსკვალი და ზევით

საუკეთესო ვიდეო ზარი, რათა შეავსოთ SimpliSafe სახლის დაცვის სისტემა

  1080p 16:9 ვიდეო | ხედვის არე 1620 | 8-24V AC | ზომა: 4 x 1.5 x 1 ინჩი  

Simplisafe Pro
SIMPLISAFE
Amazon.com
$132.00

+მარტივი დასაყენებლად  -არ აქვს ხმოვანი ბრძანება
+სამართლიანი ფასი   
+შესანიშნავი ვიდეოს ხარისხი   

სახლის დაცვის სისტემებს შორის SimpliSafe არის ლიდერი, ყველაზე ყოვლისმომცველი „ჭკვიანი“ სახლის დაცვის სისტემებით, რაც კი დაგვიტესტავს. ეს ვიდეო ზარი შეგიძლიათ გამოიყენოთ დამოუკიდებლად, მისი დაკავშირება Amazon და Google სისტემებთან არ იქნება კარგი ვარიანტი, რადგან მას არ გააჩნია ხმოვანი ბრძანების ფუნქცია. თუმცა კარგი ამბავი არის ის, რომ ვიდეო ზარი ადვილად უკავშირდება არსებულ SimpliSafe სახლის დაცვის სისტემას, როგორიცაა საბაზისო კლავიატურა და მოძრაობის სენსორი შიდა/გარე კამერებზე, კვამლისა და წყლის დეტექტორები, ჭკვიანი საკეტები და სხვა. ისევე როგორც სხვა SimpliSafe მოწყობილობა, ეს ვიდეო ზარიც მარტივად ყენდება ინსტრუქციების მიხედვით, რომელიც აპლიკაციაში. მოითხოვს მხოლოდ სახრახნის, Wi-Fi კავშირს და არსებულ კაბელს.

მას შემდენ რაც დააყენებთ SimpliSafe Pro, უნდა ელოდოთ ისეთ მახასიათებლებს, როგორიცაა ორმხრივი აუდიო, ინფრაწითელი ღამის ხედვა, ფართე ხედვის არეალი, მიახლოების შესაძლებლობა და მოძრაობის დეტექტორი. შეფასებებში, რომლებიც PC Mag და Tom’s Guide-მ გამოაქვეყნეს, ირწმუნებიან რომ 1080p ვიდეოს ხარისხი არის სუფთა და მკაფიო, ისევე როგორც ორმხრივი აუდიო, თუმცა მიუხედავად ფართე ხედვის არეალისა, ისე კარგად ვერ აღიქვამს სიმაღლეს როგორც Google Nest Hello ან Arlo Pro. მისი მოძრაობის სენსორი არის უნიკალური,  ერთ სენსორს იყენებს, რათა გაარჩიოს ადამიანის ფორმა და მეორე სენსორს – ადამიანის ტემპერატურის აღსაქმელად, რაც გულისხმობს, რომ ყოველ წამს არ მოგივათ შეტყობინება თუ სახლის წინ ციყვმა ან რომელიმე შინაურმა ცხოველმა ჩაიარა. თუმცა, იმისათვის რომ წვდომა გქონდეთ ვიდეო ისტორიასთან, უნდა გამოიწეროთ SimpliSafe გეგმა, მისი ფასი არის $4.99 ყოველთვიურად, იმისთვის, რათა ნახოთ ჩანაწერები.

-ფართო ხედვის არეალი-

Arlo Video Doorbell

საერთო ქულა: 84/100 | მომხმარებელთა ქულა: 86%-მა მიანიჭა მას 4 ვარსკვალი და ზევით

Arlo-ს მაღალი ხარისხის დაცვის კამერების, ვიდეო ზარისეული ვერსია

  1:1 ვიდეო | ხედვის არე 1800 | 16-24V AV | ზომა 5 x 1 x 1 ინჩი  

Arlo Video Doorbell
Arlo
Amazon.com
$138

+1:1 ვიდეო-დიდი მოცულობის  
+კარგი ნებისმიერ ამინდში   

Arlo არის დიდი ზომის ვიდეო ზარი ფართო ხედვის არეალით, რომელიც კონკურენციას უწევს Nest Hello-ს უფრო დაბალი ფასით. როდესაც Arlo-ს სხვა დაცვის კამერები უფრო ძვირი ღირს, ეს ვიდეო ზარის ვერსიაც გამოირჩევა ისეთივე კარგი ხარისხის ვიდეოებითა და ამინდგამტარობით, უბრალოდ უფრო იაფად. თვითონ ვიდეო ზარი ღირს $150, ხოლო მისი გამოწერა რათა ვიდეო ისტორია შეამოწმოთ თვიურად $3 ჯდება.

Arlo-ს საუკეთესო ნაწილი შეიძლება მისი ასპექტის 1:1 შეფარდება და 1800-იანი ხედვის არე იყოს – კვადრატული სურათით თქვენ იღებთ როგორც ვერტიკალურ, ასევე ჰორიზონტალურ ხედს, ასე რომ აუცილებლად შეამჩნევთ ამანათებს კარების ქვეშ ან კამერის გვერდზე. ის ასევე აღჭურვილია ორმხრივი აუდიო სისტემით, წინასწარი ხმოვანი მესიჯის ჩაწერის საშუალებით და გაუმჯობესებული მოძრაობის დეტექტორით. როგორც Wirecutter-მა გამოაქვეყნა: „ის ყველაზე ზუსტ შეტყობინებებს აგზავნის სმარტფონზე, ვიდრე სხვა კარის ვიდეო ზარები, რომლებიც გამოვცადეთ“, ის კარგად განასხვავებს ადამიანებს, ამანათებს, ცხოველებსა და მანქანებს, მცირე უზუსტობა მოსდის მხოლოდ ჩამვლელი მანქანების და ხეების რხევის დროს.

ერთი უარყოფითი რამ რაც აქვს Arlo-ს, არის მისი ზომა. ის არ არის ისეთივე მოსახერხებელი როგორც სხვები. გასათვალისწინებელია ის ფაქტი, რომ ეს ვიდეო ზარი არის ერთადერთი სიაში, რომელიც აღწევს ხუთ ინჩს სიგრძეში. მის გამოსაყენებლად არ არის აუცილებლად საჭირო Arlo-ს სისტემები, მაგრამ ის იყენებს იმავე აპლიკაციებს რასაც Arlo-ს სხვა პროდუქტები. ეს მას კარგ არჩევანად აქცევს, თუ თქვენ გარე კამერებიც გსურთ, თან ისე, რომ არ იგრძნოთ თავი ერთი კომპანიის დაცვის სისტემაში ჩაკეტილად, ასევე აღსანიშნავია ის ფაქტი, რომ მას აქვს Amazon Alexa და Google Assistan მხარდაჭერა.

­-არ ჭირდება გამოწერა-

Eufy Security Video Doorbell

საერთო ქულა: 73 /100 | მომხმარებელთა ქულა: 86%-მა მიანიჭა მას 4 ვარსკვალი და ზევით

ხელმისაწვდომი ვიდეო ზარი მხოლოდ ერთხელ გადახდით – არანაირი გამოწერა

  4:3 ვიდეო | ხედვის არე 1600 | 16-24V AC | ზომა: 4.8 x 1.7 x 1 ინჩი  

Eufy Security
EUFY
Amazon.com
$135.99

+არ ჭირდება გამოწერა-არ აქვს cloud-based მხარდაჭერა  
+იმახსოვრებს 30 დღის ვიდეოს   

Eufy ვიდეო კამერა იმითაა უნიკალური, რომ არ აქვს cloud მეხსიერების მხარდაჭერა, ასე რომ თქვენ არ მოგიწევთ დამატებით ფულის გადახდა ვიდეო ჩანაწერების ნახვისთვის ან დამატებითი ფუქნციებისთვის. მისი 4GB-იანი მეხსიერება სრულიად საკმარიცია ვიდეოების ჩასაწერად 30 დღის განმავლობაში, ის იწყებს ჩაწერას მას შემდეგ რაც დააფიქსირებს მოძრაობას და იწერს 5 წუთის განმავლობაში, ასევე მისი კონტროლი შეგიძლიათ დისტანციურად. თუმცა, რადგან მას არ აქვს cloud მხარდაჭერა, თქვენ არ ხართ დაცული თუ ხელსაწყო გაფუჭდება ან მოიპარავენ.

Eufy კამერას გააჩნია ისეთი მახასიათებლები, როგორიცაა ჭკვიანი მოძრაობის ზონა, მოძრაობის დეტექტორი, ორმხრივი აუდიო და წინასწარ ჩაწერილი ხმოვანი შეტყობინება. მიუხედავად მისი ბიუჯეტური ფასისა, Eufy-ს აქვს კარგი ვიდეო ხარისხი 4:3 შეფარდებით (ისეთივე როგორც Nest Hello) და 1600  ხედვის არე. Eufy ასევე გვთავაზობს დაცვის კამერებს, რომლებიც შეთავსებადია Alexa და Google Home სისტემებთან.

ინსტალაცია არის მარტივი, თუ უკვე გაქვთ სპეციალური კაბელი და დაახლოებით 15 წუთი დაგჭირდებათ. იმ შემთხვევაში, თუ არსებულ კაბელს ვერ დაუკავშირებთ, მას მოყვება თავისი სპეციალური კაბელი და შეგიძლიათ რვა განსხვავებული ხმის დაყენება. Eufy ასევე გთავაზობთ ვიდეო ზარებს ბატარეას მხარდაჭერით, იმ შემთხვევაში თუ არ გსურთ კაბელით დაკავშირება.

-საუკეთესო ღირებულება-

Ring Video Doorbell

საერთო ქულა: 73 /100 | მომხმარებელთა ქულა: 86%-მა მიანიჭა მას 4 ვარსკვალი და ზევით

ორიგინალური, არის მარტივად დასაყენებელი და გვთავაზობს უამრავ შესაძლებლობას მისაღებ ფასად

  720p HD video | ხედვის არე 1800 | 8-24V AC | ზომები: 4.9 x 2.4 x 8 ინჩი  

Ring Video Doorbell
RING
Amazon.com
$99.99

+დაბალი ფასი  -შედარებით დაბალი ვიდეოს ხარისხი
+Amazon Alexa მხარდაჭერა  -პირადული მაჩვნელებლების პოტენციური პრობლემა

Ring-ის $99-იანი ვიდეო ზარი არის ხელმისაწვდომი საშუალება, სახლის დაცვის სისტემაში. ეს ბიუჯეტური არჩევანი გვთავაზობს ისეთივე შესაძლებლობებს, როგორსაც უფრო ძვირი ვერსიები, მაგალითად პირდაპირი ვიდეო, ორმხრივი აუდიო, მოძრაობის სენსორები. ეს კარგი არჩევანია Amazon Alexa მომხმარებლებისთვის, რადგან სტუმრებს შეგეძლებათ ესაუბროთ Echo Speaker გამოყენებით. თუ მომავლისთვის აპირებთ სახლის დაცვის სიტემის გაუმჯობესებას, Ring ასევე გვთავაზობს DIY სისტემას შიდა/გარე კამერებისთვის, „ჭკვიანი“ განათება და სხვა. იმისთვის რომ ნახოთ ჩაწერილი ვიდეოები, ყოველთვიურად უნდა გადაიხადოთ $3, მაშინ როდესაც Protect Plus-ის ვიდეოებისთვის უნდა გადაიხადოთ $10 თვიურად.

ეს ვიდეო ზარი არ გამოირჩევა ხარისხით, თუმცა მას აქვს 1800 ხედვის არე. შედარებისთვის, Rind Video Doorbell 2 ($199) აუმჯობესებს ვიდეო ხარისხს 1080p რეზოლუციამდე და ამატებს ტენვად ბატარეას, თუმცა ამცირებს ხედვის არეს 1600-მდე ჰორიზონტალურად და 900-მდე ვერტიკალურად. ასე რომ მივიჩნევთ სტანდარტულ Ring ვიდეო ზარს ოპტიმალურ ვარიანტად მათთვის, ვისაც სურთ ეკონომია.

მიუხედავად იმისა, რომ Amazon-მა გამოასწორა უამრავი სახითხი უსაფრთხოებასთან დაკავშირებით, ჩვენ უნდა ვახსენოთ პირადობასთან დაკავშირებული პრობლემა, რომელიც შეიძლება წარმოიქმნას Ring-ის ახალი აპლიკაციის – Neighbors გამო. შეიძლება ერთი შეხედვით კარგად ჟღერს ეს ფუნქცია, რომელიც საშუალებას აძლევს სამეზობლოს გააზიარონ და ნახონ ვიდეო ჩანაწერები თავიანთი Ring მოწყობილობებით, მაგრამ Wirecutter აღნიშნავს, რომ ეს აპლიკაცია არ არის საუკეთესო ვარიანტი, რადგან ავტომაუტრად რეგისტრირდებით Ring აქაუნთზე და საშუალებას აძლევთ ყველას ნახონ თქვენი კამერით ჩაწერილი ვიდეოებიც. გარდა ამისა Vice იუწყება, რომ ამ აპლიკაციამ შეიძლება გამოიწვიოს რასობრივი პროფილირება. რა თქმა უნდა თქვენ შეგიძლიათ უარი თქვათ ამ აპლიკაციაზე.