2020 წლის საუკეთესო მონიტორები

monitori

საუკეთესო მონიტორები შესანიშნავად გამოიყურება, ნათელი ფერებით, მკვეთრი დეტალებითა და მახასიათებლებით, რაც უფრო გიმარტივებთ ცხოვრებას და თქვენს სამუშაო მაგიდას კი ხდის ცოტათი მეტად კომფორტულს.

ალბათ გამოცდილებიდან გამომდინარეც დაგვეთანხმებით, რომ მონიტორების მახასიათებლების მოთხოვნები ვარირებს იმის მიხედვით თუ რისთვის იყენებთ მას, ზოგადად, გეიმინგისთვის თუ გრაფიკულ ფაილებთან პროფესიონალური მუშაობისათვის. ჩვენ ათობით დესკტოპ მონიტორებს გადავხედეთ, რათა აღმოგვეჩინა მომხმარებლის ფავორიტი საუკეთესო მონიტორები, თანაც სია ისე შეგვედგინა რომ ყველა კატეგორია გაგვეთვალისწინებინა. ჩვენ პორტატული მონიტორიც კი გამოვარჩიეთ, რომელიც თქვენი მოგზაურობების განუყრელ კომპანიონად იქცევა.  

ეკრანის ვიზუალის გარდა კიდევ არაერთი სხვა დეტალის გათვალისწინება მოგიწევთ მონიტორის არჩევისას, როგორიცაა ისეთი ერგონომიკული ფუნქციები, რომლებიც თქვენი ჯდომის სტილისა და თვალებისათვისაა უკეთესი, კარგი მონიტორი ბევრი პარამეტრით უნდა იყოს მორგებული მომხმარებელზე.

ჩვენ შევამოწმეთ როგორც მცირე ისე ექსტრა-დიდი ზომის მონიტორები, რეზოლუციებით 1080p-დან 4K-მდე, ასევე შეგვხვდა ისეთი მახასიათებლები, როგორიცაა “Frame Syncing” და რეგულირებადი საყრდენები და გავზომეთ ყველაფერი ფერთა გამიდან და განათებულობიდან, ე.წ. “Response Time”-მდე, ანუ რეაგირების სისწრაფემდე. ჩვენ ასევე გამოვარჩიეთ სპეციფიური მოხმარების შემთხვევებიც, რომელიც მონიტორს უფრო მორგებულს ხდის მის თითოეულ მომხმარებელზე. პროფესიული საქმიანობისთვის გსურთ თუ გეიმინგისთვის, თქვენს სახლის ოფისში თუ გზად, მნიშვნელობა არ

რომელია საუკეთესო მონიტორი?

ზოგადი მოხმარებისათვის, ჩვენ გირჩევდით Dell SE2719HR-ს. სოლიდური და ინტუიტიური მახასიათებლების ერთობლიობითა და კარგი პერფორმანსით, 27 ინჩიანი Dell1080p მონიტორი წარმოადგენს ხელმისაწვდომ არჩევანს, რომელიც მომხმარებლების დიდი უმრავლესობის საჭიროებებს სრული წარმატებით დააკმაყოფილებს.

Samsung Space Monitor (SR75) კი 32 ინჩიანი 4K მონიტორია, რომელიც თავისი ინოვაციური, სივრცის დამზოგველი დიზაინით, რომელიც კედელს ან სადგარს ისე ეკვრება რომ მინიმალურ ადგილს იკავებს და შესაძლებლობას გაძლევთ დატკბეთ სრულყოფილი ხედებით და ამას ფართის მინიმალურ დანახარჯზე ახერხებთ.

კომპაქტური HP EliteDisplay S14 საუკეთესო პორტატული მონიტორია, რომელსაც სამგზავრო მეორე ეკრანიც მოყვება. გამომდინარე იქედან რომ მას თან ახლავს USB-C ტიპის კაბელი, იგი მარტივად დასაკავშირებელია სხვა მოწყობილობებთან, არის მსუბუქი, კომპაქტური დიზაინის და ლეპტოპთან ერთად ძალიან მარტივად გადაიტანთ მას საკუთარი ჩანთითაც კი.

ჭეშმარიტად ცოცხალი გამოცდილებისათვის, მომხმარებელს Curved მონიტორს ვურჩევდით და ასეთია Acer Predator X34, თანაც ერთ-ერთი საუკეთესო ამ კატეგორიაში. 34 ინჩიანი ულტრაფართო დისპლეის სიმრუდე უზრუნველყოფს ხედვის სრულყოფილ კუთხეებს ნაპირიდან ნაპირამდე, რაც მას ხდის საუკეთესო არჩევანს გეიმინგ მიზნებისათვის ან იმ ადამიანებისათვის ვისაც მუშაობა დიდ ცხრილებთან უწევთ.

Dell S2417DG კი გეიმინგ მონიტორია, რომელიც ყველაზე ერთფეროვან ოფისსაც კი გამოაცოცხლებს, Alienware AW5520QF გიგანტური 55 ინჩიანი OLED გეიმინგ მონიტორია, რომელიც ზომებით ტელევიზორებსაც კი არ ჩამოუვარდება.

გამოსახულების საუკეთესო ხარისხის მისაღებად, შეგიძლიათ შეიძინოთ Acer PEO Series ProDesigner PE320QK. მისი შექმნისას მწარმოებლებმა გაითვალისინეს ფოტოგრაფებისა და გრაფიკული დიზაინერების მოთხოვნები, რომელთაც პიქსელური მასშტაბის სიზუსტე და ფერების მკვეთრი გარჩევადობა ესაჭიროებათ და მომხმარებელთა გამოკითხვის შედეგადაც დგინდება რომ ის ნამდვილად საუკეთესო მონიტორია, რომელსაც ამ დარგის პროფესიონალები უწევენ რეკომენდაციას.

საუკეთესო მონიტორები, რომელთა ყიდვას დღესვე შეძლებთ:

Dell SE2719HR (ფოტოს კრედიტი: Dell)

1. Dell SE2719HR

ზოგადი მოხმარების საუკეთესო მონიტორი

ზომა: 27 ინჩი | რეზოლუცია: 1920 x 1080 | განახლების სიჩქარე: 75 ჰერცი | რეაგირების დრო: 8 მილიწამი | პორტები: HDMI, VGA | კადრის სინქრონიზაცია: AMD FreeSync

✅ ხედვის ფართო კუთხეები

✅ მკაფიო დეტალიზაცია და ფერთა მკვეთრი გამა

✅ საკმაოდ გლუვი დიზაინი, რაც ძირითადად არ ახასიათებს ბიუჯეტურ მონიტორებს

❌ პორტების ლიმიტირებული არჩევანი

❌ სიმაღლის რეგულირების არარსებობა

Dell SE2719HR ნამდვილად დიდებულია ყოველდღიური მოხმარებისათვის, თანაც არც თუ ისე ძვირი ღირს. 27 ინჩიანი Dell წარმოდგენილია IPS პანელით, რაც იმას ნიშნავს რომ გამოსახულება ყოველი კუთხიდან ბრწყინვალე იქნება. მართალია მისი რეზოლუცია 4K მონიტორის მსგავსი ხარისხის არაა, მაგრამ მაინც მკვეთრი და ნათელია, ცოცხალი ფერებთა და შავი ფერის ღრმა დონეებით. უნდა ითქვას ისიც რომ მხოლოდ HDMI და VGA პორტების გამო იგი ვერ არის იდეალური გეიმინგისთვის (DisplayPort ბევრად უკეთესად არის აღჭურვილი გრაფიკული ბარათის კადრების მაღალი სიჩქარისათვის), მაგრამ ყველა სხვა შემთხვევაში 27 ინჩიანი დისპლეი მშვენივრად ართმევს თავს მასზე დაკისრებულ მოვალეობებს, რადგან მას მინიმალური დაყოვნების დრო აქვს და გააჩნია 75 ჰერციანი განახლების სიჩქარეც.

რეგულირებადი სტენდი საშუალებას გაძლევთ მონიტორი დააყენოთ თქვენი კომფორტისა და გემოვნების შესაბამისი კუთხით და აღსანიშნავია ისიც რომ მონიტორის დისპლეის ირგვლივ არსებული ჩარჩო საოცარი სივიწროვით გამოირჩევა. შედარებით მცირე სტენდი კი სივრცეს დაგიზოგავთ. გამომდინარე მისი დაბალი ფასიდან, შეგიძლიათ იფიქროთ ორი ცალის შეძენაზეც კი და მოიწყოთ ორ-ეკრანიანი სამუშაო სივრცე. ჩვენი ფავორიტი მონიტორი ფუნქციისა და ღირებულების პარამეტრების მიხედვით გახლავთ Dell SE2719HR – საუკეთესო მონიტორი ჩვენს ჩამონათვალში.

Samsung Space Monitor (SR75) (ფოტოს კრედიტი: Samsung)

Samsung Space Monitor (SR75) (სურათის კრედიტი: Samsung)

2. Samsung Space Monitor (SR75)

საუკეთესო სივრცის დაზოგვაში

ზომა32 ინჩი | რეზოლუცია3840 x 2160 | განახლების სიჩქარე60 ჰერცი | რეაგირების დრო4 მილიწამი | პორტებიHDMI, Mini DisplayPort, USB 3.0 | კადრის სინქრონიზაციაარა

✅ ინოვაციური სივრცის დამზოგველი დიზაინი

✅ ვიწრო ჩარჩო

✅ ცოცხალი, ზუსტი ფერები

❌ პორტების მცირე ოდენობა

❌ მოდიფიცირების არამოხერხებულობა

თუ ისეთ მონიტორს ეძებთ, რომელიც თქვენი სამუშაო მაგიდის ნახევარს არ იკავებს თავისი მოცულობითი სადგარით, მაშინ Samsung Space Monitor (SR75) ნამდვილად თქვენთვისაა შექმნილი. აღნიშნული 32 ინჩიანი მონიტორი თქვენი სივრცის უმცირეს ნაწილს მოითხოვს, განსხვავებით ამ ზომის სხვა მონიტორებისაგან და ეს განპირობებულია მისი ინოვაციური, მინიმალისტური დიზაინით, რაც მოიცავს მოსახერხებელ მონიტორის სტენდს, რომელიც ბრუნავს და იკეცება მონიტორის კორპუსში, როცა მას არ იყენებთ. იგი ერთ-ერთი საუკეთესოა იმ საოჯახო საოფისე მონიტორთაგან.

32 ინჩიანი, 4K დისპლეი იმდენად ტევადია რომ თავისუფლად შეძლებთ ერთდროულად რამდენიმე დავალების კეთებას და აუცილებლად უნდა ვთქვათ ისიც, რომ მისი მკვეთრი, ნათელი ფერებიც არ დაგტოვებთ გულგრილს, მხოლოდ ერთი მინუსი შეიძლება გამოიკვეთოს, რაც მისი მინიმალური განათების მცირე დიაპაზონი და შეზღუდული რეგულირებადობაა. მინიმალისტური ესთეტიკა ასევე შეიმჩნევა პორტების არჩევანშიც, ამ მოდელს მხოლოდ ერთი HDMI პორტი, Mini DisplayPort და USB კავშირი გააჩნია. თუმცა, Space Monitor-მა პერფორმანსის ტესტირებას საოცრად კარგად გაართვა თავი, თავისი ძლიერი ფერებისა და განათებულობის შედეგებით, რაც მას ხდის საკმაოდ კარგ ვარიანტად როგორც ოფისის საქმიანობისათვის ისე მედია მოხმარების კუთხით, თუმცა, ის მაინც არაა იდეალური გეიმინგისთვის. ის, საერთო ჯამში, მშვენიერი მონიტორია და მეტიც, თუ ბევრი ნივთით გადატვირთული სამუშაო მაგიდის ან მცირე ოფისისგან გამოწვეული კლაუსტროფობიის შეგრძნებაც გიჩნდებათ, მაშინ მართლაც, Samsung Space Monitor (SR75) გახლავთ თქვენთვის ყველაზე ოპტიმალური არჩევანი.

Dell S2417DG (სურათის კრედიტი: Dell)

3. Dell S2417DG

საუკეთესო საბაზისო გეიმინგ მონიტორი

ზომა24 ინჩი | რეზოლუცია2560 x 1440 | განახლების სიჩქარე165 ჰერცი | რეაგირების დრო1 მილიწამი | პორტებიDisplayPort, HDMI | კადრის სინქრონიზაციაNvidia G-Sync

✅ ცოცხალი quad-HD დისპლეი

✅ მაღალრეაგირებადი

✅ სასარგებლო სათამაშო პარამეტრები

✅ რეგულირების ბევრი შესაძლებლობა

❌ გამოკვეთილი ნავიგაციის ღილაკები

Dell-ის 24 ინჩიანი S2417DG შესაძლოა ბანალური მარტივი მონიტორი გეგონოთ, მაგრამ პირველი შთაბეჭდილებები ხშირად მცდარი რჩება ხოლმე 1080p-ზე უკეთესი რეზოლუციითა და 165 ჰერციანი განახლების სიჩქარით, ეს მონიტორი ერთ-ერთი საუკეთესოა ყოველდღიური გეიმინგისათვის და ამასთანავე, იგი ძალიან ხელმისაწვდომიცაა. იგი ძალიან კარგად ადაპტირდება ნებისმიერ გარემოსთან, მშვენიერია საოფისე დანიშნულების ან სახლში მუშაობისათვის.   

დახვეწილი დიზაინის მახასიათებლები და რეგულირებადი ერგონომიკული სადგარი, ჰორიზონტალური და ვერტიკალური ორიენტაციების ცვლის შესაძლებლობა, ვიწრო ჩარჩოები, რომლებიც გამოსახულების რეალისტურობას კიდევ უფრო ამკვეთრებს. ჩვენს ტესტირებებში ამ მოდელმა განსაკუთრებით კარგი შედეგები აჩვენა თამაშებისა და მულტიმედია ფაილების კუთხით. ჩვენ ასევე მოვიხიბლეთ Nvidia G-Sync მხარდაჭერის არსებობით, HDMI და DisplayPort პორტების არჩევანით და ვიზუალური პარამეტრებისა და გეიმინგ პრესეტების დიდი და ფართო არჩევანით. Dell-ის 24 ინჩიანი S2417DG საუკეთესო მონიტორია საბაზისო გეიმინგისა და სხვა უმრავლესობა სხვა დანიშნულების საქმიანობისათვის.

HP EliteDisplay S14 (სურათის კრედიტი: HP)

4. HP EliteDisplay S14

საუკეთესო პორტატული მონიტორი

ზომა14 ინჩი | რეზოლუცია1920 x 1080 | განახლების სიჩქარე60 ჰერცი | რეაგირების დრო5 მილიწამი | პორტებიUSB-C (ვიდეო და კვება) | კადრის სინქრონიზაციაარა

✅ გლუვი ზედაპირი, რომელსაც მოყვება საფარი და სადგარი

✅ მარტივი ერთარხიანი კავშირი

✅ მარტივად მოსახმარი პარამეტრების მენიუები

✅ Anti-glare დისპლეი

❌ ეკრანის მოძრაობის ფუნქციონალის არარსებობა

ყველა მონიტორი ოფისისთვის არ მზადდება. HP EliteDisplay S14, ფაქტობრივად ნებისმიერი გარემოსთვისაა შექმნილი, გარდა ოფისისა, მისი პორტატული დიზაინითა და მოსახერხებელი საფარით, რომელიც გადაკეცვისას სადგარი ხდება, შეგიძლიათ ნებისმიერ ბიზნეს მოგზაურობას, ექსკურსიას თამამად შეუერთდეთ, ან თუ უბრალოდ გსურთ თქვენი სამუშაო მაგიდისგან მოშორებით რამდენიმე ეკრანზე ერთდროულად იმუშაოთ. USB-C კავშირით HP EliteDisplay S14 სიგნალსა და კვებას ერთი მარტივი კაბელიდან იღებს, თხელი დიზაინი კი იმდენად პატარაა რომ მისი მოთავსება თქვენს ჩანთაში ლეპტოპთან ერთადაც კი სავსებით მოსახერხებელია.

როგორც უკვე აღვნიშნეთ, სიმსუბუქის გამო ის ძალიან მობილურია, დაკეცვადი საფარი იცავს მის anti-glare დისპლეის დაფხაჭვნისა და სხვა ტიპის დაზიანებებისგან, ამასთან IPS პანელის გამო ეკრანს ყველა კუთხიდან შესანიშნავი გარჩევადობით შეხედავთ. რაც შეეხება ფერების პერფორმანსსა და განათებულობას – ნორმალურია, პორტატული მონიტორისათვის – თუმცა, საერთო დიზაინი, რომელიც მოიცავს USB-C კაბელსაც და შეჯამებული კმაყოფილების ნიშნულის მიხედვით – საუკეთესოა. ასე, რომ გზად მეორე ეკრანიც თუ დაგჭირდებათ, აუცილებლად გააყოლეთ ხელს HP EliteDisplay S14 – წმნიდა პორტატულობის თვალსაზრისით, ის ნამდვილად საუკეთესო მონიტორია.

Acer Predator X34 (სურათის კრედიტი: Acer)

5. Acer Predator X34

საუკეთესო მრუდე მონიტორი

ზომა34 ინჩი | რეზოლუცია3440 x 1440 | განახლების სიჩქარე100 ჰერცი | რეაგირების დრო4 მილიწამი | პორტებიDisplayPort, HDMI | კადრის სინქრონიზაციაNvidia G-Sync

✅ შთამბეჭდავი დიზაინი

✅ გამოსახულების ჩინებული ხარისხი

✅ დაბალი ლატენტურობა

✅ სოლიდური ჩაშენებული სპიკერები

❌ ნავიგაციის მენიუ არაა მომხმარებელზე მორგებული

ფართოეკრანიანი მრუდე მონიტორები, ბევრად უკეთესია ვიდრე ბრტყელი, პანელური დისპლეები თითქმის ყველა ტიპის აქტივობისათვის, გეიმინგიდან დაწყებული გიგანტურ ცხრილებთან მუშაობით დამთავრებული. Acer Predator X34 გამიზნული იყო გეიმინგის დანიშნულებისთვის, მაგრამ მას ბევრი ისეთი შესანიშნავი მახასიათებელი აღმოაჩნდა, რომ ჩვენ რეკომენდაციას ვუწევთ თითქმის ყველა დანიშნულებით გამოყენებისათვის. Predator-ის 34 ინჩიანი 3440 x 1440 პიქსელიანი დისპლეი ერთ-ერთი საუკეთესოა, მათ შორის, რაც კი ოდესმე დაგვიტესტავს, შესანიშნავი განათებით, ფერებითა და ძალიან დაბალი ლატენტურობით.

ასეთ უზარმაზარ დისპლეიზე ერთდროულად ბევრი საქმის კეთებაც მარტივდება. ძალიან უპრობლემოდ ითამაშებთ ნებისმიერ თამაშს, რასაც Nvidia G-sync-ის მხარდაჭერას უნდა ვუმადლოდეთ და ასევე შეგიძლიათ შექმნათ პერსონალიზებული პროფილები თითოეული მომხმარებლისა და თამაშისათვის, RGB განათების აქცენტები კი განსაკუთრებით გამოკვეთს და დეტალებს, რაც თამაშს უფრო ცოცხალს და აღქმადს გახდის. ის წარმოდგენილია შესანიშნავი ხმოვანი სისტემითაც, ჩაშენებული 7 ვატიანი სპიკერებით, რომელიც ხმამაღალიცაა და ხმის სისუფთავითაც გამოირჩევა. ყველა თანხმდება იმაზე, რომ Acer Predator X34 საუკეთესო მრუდე მონიტორია სათამაშოდაც და ნებისმიერი სხვა აქტივობისათვის.

Acer PEO Series ProDesigner PE320QK (სურათის კრედიტი: Acer)

6. Acer PEO Series ProDesigner PE320QK

საუკეთესო პროფესიონალი მომხმარებლებისათვის

ზომა32 ინჩი | რეზოლუცია3840 x 2160 | განახლების სიჩქარე60 ჰერცი | რეაგირების დრო4 მილიწამი | პორტებიHDMI 2.0, DisplayPort 1.2, USB 3.0 | კადრის სინქრონიზაციაAMD FreeSync

✅ შესანიშნავი ფერები და წინასწარ დაპროგრამებული რეჟიმები

✅ ჩაშენებული დისპლეის საფარი და anti-glare ფენა

✅ AMD FreeSync მხარდაჭერა

❌ ზოგიერთი წინასწარი დაპროგრამების რეჟიმის გამო მცირეა სპეციფიურად მორგების ოფციები

❌ ხმის საშუალო ხარისხი

Acer PEO სერიის ProDesigner PE320QK გახლავთ ფართოეკრანიანი მონიტორი, რომელიც იმ პროფესიონალებისათვის შეიქმნა, რმომელთაც ესაჭიროებათ ფერების მაღალი გარჩევადობა და სიზუსტე რათა იმუშაონ ისეთ მასალებთან, როგორიცაა ფოტო, ვიდეო და გრაფიკული ფაილები. სერიოზული საქმისათვის ერთ-ერთი საუკეთესო მონიტორი PE32QK-ია, იგი საწარმოდან დაკალიბრებული გამოდის, აქედან გამომდინარე მის მიერ შემოთავაზებული სიზუსტის ხარისხი ძალიან მაღალი და სანდოა, მას ასევე გააჩნია მქრაქლი დისპლეი, რომელიც არ ირეკლავს განათეაბას, ჩაშენებული დისპლეის საფარი, რომლის სინათლის შემკრები ფუნქცია კიდევ უფრო უკეთ გამორიცხავს ფერის აღქმის აღრევის ალბათობას.

ეს შესანიშნავი დისპლეი AMD FreeSync-ის გარდა გამოირჩევა HDR 10 და DCI-P3 მხარდაჭერითაც და ყველაზე კარგი რაც აქვს, თქვენ უბრალოდ კალიბრაციის გრძელი და დამღლელი პროცედურების ჩატარება სრულებით არ მოგიწევთ ფერის სწორი ხარისხის მისაღებად. მნიშვნელობა არ აქვს ფრილენსერი ხართ და სახლიდან მუშაობთ თუ რაიმე სტუდიაში ან შემოქმედებით გუნდში, Acer PEO სერიის ProDesigner PE320QK მართლაც საუკეთესო მონიტორი იქნება შემოქმედებითი დარგების პროფესიონალებისათვის.

Alienware AW5520QF 55-Inch OLED Gaming Monitor (სურათის კრედიტი: Tom’s Guide)

7. Alienware AW5520QF 55-ინჩიანი OLED გეიმინგ მონიტორი

საუკეთესო OLED ეკრანი

ზომა55 ინჩი | რეზოლუცია3840 x 2160 | განახლების სიჩქარე120 ჰერცი | რეაგირების დრო0.5 მილიწამი | პორტებიHDMI 2.0, DisplayPort, USB 3.0 | კადრის სინქრონიზაციაNvidia G-Sync

✅ ლამაზი, პოლირებული დიზაინი

✅ შესანიშნავი OLED პანელი

✅ DisplayPort და რამდენიმე USB 3.0 პორტი

❌ ძალიან ძვირი

❌ HDR-ის მსგავსი მახასიათებლების გააქტიურების სირთულე

Alienware AW5520QF 55 ინჩიანი OLED გეიმინგ მონიტორი მათთვისაა შექმნილი, ვისაც დიდ ეკრანზე თამაში იტაცებს და ამ გამოცდილებას OLED დისპლეი კიდევ უფრო ამდიდრებს. მას გააჩნია კარგად პოლირებული დიზაინი, უამრავი დიდებული მახასიათებელი, როგორიცაა მაგალითად DisplayPort კავშირის შესაძლებლობა და სწრაფი 120 ჰერციანი განახლების სიჩქარე. და მაშინ როცა ტექნიკურად ის არ წარმოადგენს ტელევიზორს, მას მოჰყვება დისტანციური კონტროლის პულტი, რომლის საშუალებითაც მარტივად დაარეგულირებთ გამოსახულების პარამეტრებს და მოახდენთ ნავიგაციას მენიუებს შორის, სრულებით კომფორტულად, საკუთარი დივნიდანაც კი.

მაგრამ ის არამხოლოდ ტელევიზორის ზომის მონიტორი, ასევე შესანიშნავი OLED გეიმინგ დისპლეია. Alienware-ს კიდევ ერთი ღირსებაა ფერთა ფართო გამა და სიზუსტე, რაც ბაზარზე არსებულ ზოგიერთ საუკეთესო ტელევიზორსაც კი უწევს კონკურენციას. AW5520QF-ის ფასი მართალია საკმაოდ დიდია, მაგრამ თუ თქვენ გსურთ გქონდეთ პრემიუმ მონიტორი კონსოლზე ან კომპიუტერზე სათამაშოდ, Alienware-ს მონიტორი სწორედაც რომ უბადლოდ გაუძღვება ამ საქმეს. და რადგან კომპიუტერს თითქმის ყველა ტიპის მედია ფაილის სტრიმინგიც შეუძლია, თქვენ შეძლებთ უყუროთ, მოუსმინოთ ან ითამაშოთ ნებისმიერი რამ, რაც მოგესურვებათ.

როგორ უნდა აარჩიოთ თქვენზე მორგებული საუკეთესო მონიტორი

საუკეთესო მონიტორის პოვნა რთულ საქმედ მოგეჩვენებად, განსაკუთრებით მაშინ, როდესაც არ იცით თუ რას ეძებთ. აქ წარმოგიდგენთ რამდენიმე მთავარ ნიუანსს, რასაც მონიტორის შერჩევისას უნდა მიაქციოთ ყურადღება და ასევე ზოგიერთ სპეციფიურ რჩევას კონკრეტული სპეციალიზებული გამოყენებებისათვის.

ჩვენ ყოველ მონიტორს ერთი და იმავე მარტივი კრიტერიუმით ვაფასებთ, ვიწყებთ ზომისა და რეზოლუციის განხილვით. დიდი მონიტორი ზოგადად ბევრად უკეთესი არჩევანია, რადგან ის ვიზუალურად ბევრად უკეთეს პერფორმანსს გთავაზობთ, როგორც fullscreen მედია მოხმარების კუთხით ასევე ერთდროულად რამდენიმე საქმის კეთებისათვის ეკრანის გაყოფის ფუნქციით. რაც უფრო მაღალია რეზოლუცია, მით უკეთესია, რადგან ეს თქვენ საშუალებას გაძლევთ მიიღოთ უკეთესი დეტალური გარჩევადობა და აღიქვათ მეტი ინფორმაცია ეკრანის იგივე ზომაზე. ძველი ფრაზა „რაც დიდი მით უკეთესი“ ამ ორივე შემთხვევაში მართლდება და ჩვენ გირჩევთ შეიძინოთ უფრო მაღალი რეზოლუციის მქონე უფრო დიდი ეკრანი.

ჩვენი მიმოხილვის პროცესში, აგრეთვე ვზომავთ გამოსახულების ხარისხის რამდენიმე ასპექტს, ვაკვირდებით რამდენი ფერის წარმოდგენა შეუძლია მონიტორს (ფერთა გამა) და რამდენად აკურატულად აჩვენებს იგი თითოეულ ფერს (Delta-E შეფასება). რაც მაღალია შეფასება, მით უკეთესი ხარისხისაა დისპლეიც. დისპლეის განათებულობა კიდევ სხვა ფაქტორია, მაგრამ რაც უფრო მაღალია განათება, ეს ავტომატურად არ ნიშნავს რომ დისპლეიც უკეთესია, თუმცა ეს იმაზე მეტყველებს რომ მონიტორი უფრო ცოცხალ ფერებს და HDR (მაღალ დინამიურ დიაპაზონს) შემოგთავაზებთ.

სხვა ისეთი დანიშნულებისთვის, როგორიცაა პროფესიონალური მუშაობა გრაფიკაზე, დაგჭირდებათ დამატებითი მახასიათებლების ძიებაც. თუ ფერის ხარისხი თქვენს სამუშაოში მნიშვნელოვანია, თქვენ უნდა ეძებოთ საწარმოს მიერ დაკალიბრებული დისპლეები და ყურადღება უნდა მიაქციოთ ფერთა გამის სიზუსტეს.

გეიმინგის სფეროს საკუთარი, გამორჩეული მოთხოვნებიც აქვს ამ ასპექტში. როგორც მოგეხსენებათ, თამაშებში ყოველი წამი მნიშვნელოვანია, შესაბამისად ე.წ. lag დროის სიდიდე, რაღა თქმა უნდა, მხოლოდ და მხოლოდ დააზარალებს მოთამაშეს. გეიმინგ მონიტორებზე თქვენი არჩევანის შეჩერების შემთხვევაში, ჩვენ გირჩევთ, შეიძინოთ ისეთი, რომლის რეაგირების დრო 15 მილიწამი ან ნაკლებია.

რბილი გეიმფლეი ასევე არის გეიმინგ მონიტორში გადახდილი თანხის დიდი ნაწილი, ასე რომ, ყურადღება მიაქციეთ მონიტორის კადრის სინქრონიზების ტექნოლოგიას. AMD FreeSync და Nvidia G-Sync, მონიტორსა და გრაფიკულ ბარათს კოორდინირების საშუალებას აძლევს რათა მოხდეს ეკრანის განახლების სიჩქარის კოორდინირება GPU-ს გამოსასვლელთან, მაგრამ ისინი ამ პრობლემას შედარებით განსხვავებული გზით უდგებიან და მოცემული მონიტორი დიდი ალბათობით მხოლოდ ერთ ან სხვა განსხვავებული ფორმატის მხარდაჭერით იქნება წარმოდგენილი. თუ თქვენი გეიმინგ მოწყობილობა Nvidia-ს ბარათებს იყენებს, თქვენ დაგჭირდებათ G-Sync-ის შესაბამისი მონიტორი, მაშინ როცა AMD-ბაზაზე დაფუძნებული სისტემები მშვენივრად ართმევს თავს FreeSync დისპლეისთან მუშაობას.

მგზავრობისას სათადარიგო მონიტორად გამოსაყენებლად თქვენ ისეთი რამ დაგჭირდებათ რაც საკმაოდ პატარაა ლეპტოპთან ერთად სატარებლად და იმდენად მარტივად გასამართი, რომ საჭირო მომენტში სწრაფად შეძლოთ მანევრირება. ამისათვის ჩვენ გირჩევთ USB-C კავშირს, რომელიც საშუალებას მოგცემთ ერთადერთი კაბელის საშუალებით მიიღოთ როგორც ვიდეო სიგნალი, ასევე კვებაც. „რაც დიდი მით უკეთესი“ – ეს გამოთქმა აქაც ერგება, იმასაც მიაქციეთ ყურადღება თუ როგორ ერგება თქვენი მონიტორის ზომა ლეპტოპის დისპლეის, რადგან უფრო დიდი დისპლეის პანელს ექნება ლეპტოპისაგან განსხვავებული განზომილებები და შესაძლოა ისე მარტივადაც ვერ მოთავსდეს თქვენს ზურგჩანთაში ან ლეპტოპის ჩანთაში.

როგორ ტესტირებას გადის საუკეთესო მონიტორები

როდესაც საუკეთესო მონიტორების ძიებაში ვართ, ჩვენ მიერ მიმოხილულ ყოველ დისპლეის Klein K 10-A კოლორიმეტრით ვამოწმებთ, რომელიც გამომცდელ პროგრამულ უზრუნველყოფასთანაა მიბმული. ამით კი ჩვენ ძალიან დეტალიზებულად ვზომავთ დისპლეის განათებულობის დონეებს, ფერთა გამასა და ფერის სიზუსტეს.

განათებულობა იზომება წილებში ან კანდელა კვადრატულ მეტრზე (cd/m2) ერთეულებში. მეტი წილი ნიშნავს უფრო მაღალ განათებულობას, რომელიც თავის მხრივ გამოიხატება როგორც უფრო მკაფიო გამოსახულება, ნათელი ფერი და ძირითადად უფრო მეტად რეალისტური ვიზუალის კადრები. უბრალო მონიტორების შემთხვევაში დისპლეის „backlight“-ის მოცულობა 2-300 წილის ფარგლებში მერყეობს, თუმცა HDR (მაღალი დინამიურობის დიაპაზონი) დისპლეები ხშირად აჭარბებენ ამ უმაღლეს მაქსიმალური განათებულობის, იგივე Brightness-ის დონეს. თუმცა, მხოლოდ განათებულობით არ ვამოწმებთ დისპლეის ხარისხს, რადგან ხშირად ზოგიერთი მონიტორის ფერები ხუნდება ან არაკონსისტენტურ backlight-ს აწარმოებს.

HDR-ის შემთხვევაში ასევე ვაწყდებით ტესტირების სხვა გამოწვევებს, რამდენადაც ახალი შესაძლებლობები და სტანდარტები მონიტორს საშუალებას აძლევს ილუმინაციის იმაზე მაღალი პიკი წარმოქმნას, ვიდრე ჩვენი სტანდარტული ტესტების რეგისტრებშია ეს წინასწარ გათვალისწინებული. თუ ეჭვები წარმოგექმნებათ, წაიკითხეთ ინდივიდუალური მიმოხილვები სხვადასხვა დისკუსიებზე ამ საკითხების შესახებ და გაეცანით იმასაც, თუ როგორ ხდება ეს ინდივიდუალურ პროდუქტთან მიმართებაში.

ფერი ასევე დიდი საკვანძო საკითხია დისპლეებისათვის. მონიტორებს, რომლებიც მეტ ფერს წარმოქმნიან გააჩნიათ უფრო დიდი ფერთა გამა, რაც იზომება sRGB ან P3 ფერის სტანდარტებში. ეს წარმოდგენილია პროცენტის ფორმით, რაც მაღალია პროცენტულობა, მით მეტია ფერების რაოდენობა.

ფერის სიზუსტე კი ფერის კიდევ ერთი ასპექტია, რომელიც ჩვენ საშუალებას გვაძლევს გავზომოთ რამდენად ზუსტად ახდენს მონიტორი მოცემული ელფერის რეპროდუქცირებას. ეს წარმოდგენილია Delta-E რეიტინგის სახით, რომელიც მიუითებს სრულყოფილი მაჩვენებლიდან გადახრის დონეს. ნული სრულყოფილი ქულაა, მაშინ როცა უფრო დიდი რიცხვები მიუთითებენ უფრო დაბალ სიზუსტეს.

ჩვენ ასევე ვტესტავთ დისპლეის რეაგირების დროს, რაშიც Leo Bodnar-ის შესასვლელის მოცდენის ტესტერი გვეხმარება. ეს მოწყობილობა ზომავს იმას, თუ რამდენად დიდ ხანს უნდება სიგნალი წარმომქმნელი მოწყობილობიდან მონიტორამდე მიღწევას, რათა საბოლოოდ გაჩნდეს გამოსახულება დისპლეიზე. მილიწამებში გაზომილი ეს რიცხვი ყველაზე გამოსადეგი კოეფიციენტია გეიმერებისათვის და ნებისმიერი იმ ადამიანისათვის, რომელსაც ესაჭიროება დაუყოვნებელი ეკრანული უკუკავშირი ნებისმიერი შემავალიდან.

რომ შევაჯამოთ, ჩვენ მიერ ტესტირებული ყოველი მონიტორი თავისთავად გამოიყენება ინტერნეტ გვერდების სათვალიერებლად, ვიდეოს სტრემიმინგისთვის ან თვით მიმოხილვების დასაწერადაც კი.

ადაპტირებულია tomsguide.com-დან