2020 წლის საუკეთესო გეიმინგ მაუსები

mausi

საუკეთესო გეიმინგ მაუსის ქონა ნიშნავს დიდ განსხვავებას გამარჯვებასა და დამარცხებას შორის. არ აქვს მნიშვნელობა თამაშობთ ერთ კაციან თამაშებს თუ მთლიანად ერთვებით მულტიფლეიერში სახელისა და დიდებისთვის, იაფასიანი პროდუქტით ამას ვერ მოახერხებთ.

კარგი გეიმინგ მაუსი აუცილებლად დაოსტატებულს ვერ გაგხდით, თუმცა ის მისცემს თქვენს შესაძლებლობებს გაბრწყინების საშუალებას. ჩვენი რჩევების მიხედვით, თქვენ შეძლებთ აარჩიოთ საუკეთესო გეიმინგ მაუსი თქვენი თამაშის სტილის, ესთეთიკური შეხედულებებისა და ბიუჯეტის მიხედვით. რისი ყიდვაც არ უნდა გადაწყვიტოთ, ეს იქნება უფრო მოსახერხებელი და ეფექტური, ვიდრე სტანდარტული საოფისე მაუსი.

ზოგიერთი გეიმინგ მაუსი არის პატარა და სწორი, რითაც ძირითად აქცენტს ამახვილებს სისწრაფეზე. სხვები არის დიდი და დამატებითი ღილაკებით და საშუალებას გაძლევთ მოირგოთ თქვენს ხელზე. მწარმოებლები ასევე უშვებენ უკაბელო მაუსებსაც, იმ შემთხვევისთვის თუ თქვენი სამუშაო ადგილი ცოტა არეულია. მიუხედავად იმისა რომ თითოეული ადამიანისთვის არ არსებობს „საუკეთესო გეიმინგ მაუსი“, ჩვენსდ მიერ მოძიებული ინფორმაცია გამოგადგებათ მოიძოთ თქვენთვის შესაფერისი მაუსი.

პირველი მაუსი რომელიც განვიხილეთ არის შვეიცარული წარმოების Logitech G203: არც თუ ისე ძვირი, მსუბუქი გეიმინგ მაუსი. Logitech G203 არის შესანიშნავი მაუსი, რომელიც აერთიანებს მოსახერხებელ დიაინს, RGB განათებასა და მყიდველის გემოვნებაზე მორგებულ პროგრამულ უზრუნველყოფას. თუმცა ის ძალიან გავს SteelSeries Rivant 3-ს და $10-ით უფრო ძვირი ღირს, ამიტომ SteelSeries ჯერ კიდევ აქვს ჩვენი პატივისცემა.

რა არის საუკეთესო გეიმინგ მაუსი?

მაშინ როდესაც საუკეთესო გეიმინგ მაუსი წარმოადგენს თქვენი ფიზიკურ მოწყობას და თამაშის ქცევებს, მაშინ მინდა შემოგთავაზოთ რამდენიმე მაუსი.

პირველ რიგში, Logitech G502 არის საუკეთესო გეიმინგ მაუსი, რომელიც ოდესმე მინახავს, თავისი კომფორტული დიზაინით, მგრძნობიარე პროგრამული უზრუნველყოფითა და წონის დასარეგულირებლებით. მემარჯვენეებისთვის, ვისაც სურთ მაღალი ხარისხის სენსორი, G502 არია ძალიან მარტივი არჩევანი.

რადგან მოწყობილობას უშვებს Logitech, მან უდა გაძლოს წლები. თუ თქვენ მზად ხართ გადაიხადოთ $150, მაშინ თქვენ შეგეძლებათ მიიღოთ უკაბელო ვარიანტი – Logitech G502 Lightspeed. ჩვეულებრივი კაბელიანი G502 ღირს $80, ამიტომ ეს არ არის მარტივი რეკომანდაცია, თუ ფული პრობლემაა.

სპექტრის ბოლოს არის კიდევ ერთი მაუსის ვარიანტი – SteelSeries Rival 3. იმის გათვალისწინებით, რომ ეს მაუსი გვთავაზობს დამატებით ღილაკებს ცერა თითისთვის, პროგრამულ პაკეტს და LED განათებას, ის მხოლოდ $30 ღირს. სამწუხაროდ ამაზონზე არის უამრავი მეორეხარისხოვანი მსგავსი მაუსები, რომლებიც უფრო მეტად იყიდება.

თუმცა Rival 3 გამოირჩევა ჭკვიანი, შესანიშნავი დიზაინით, ასევე არის მსუბუქი, რაც გამოადგებათ eSport გეიმერებს. რთულია მოძებნო $30-იანი გეიმინგ მაუსი, მაგრამ უფრო რთულია იპოვო ისეთი მაუსი, როგორიცაა Rival 3.

კიდევ რამდენიმე მაუსია, რომელიც სიაში შევიყვანეთ, თუმცა ჩემი ფავორიტი არის უკაბელო Corsair Harpoon RGB. უკაბელო მაუსები ძირითადად იწყება $150 დოლარიდან, თუმცა Harpoon RGB არის ძალიან იაფად – მხოლოდ $50. მაუსი არ გვთავაზობს რაიმე კომპრომისებს, თუმცა გვაძლევს შესანიშნავ დიზაინს და მცირე RGB განათებას.

1. Logitech G502 HERO
საერთო ჯამში საუკეთესო გეიმინგ მაუსი

Max DPI: 16 000 | ღილაკები: 11 | ზომა: 5.2 x 3.0 x 1.6 ინჩი | წონა: 4.3 უნცია (რეგულირებადი)

+კომფორტული დიზაინი-არ მოერგება დიდ ხელზე
+დიდი ღილაკები
+უამრავი ფუნქცია

როგორც ჩემთვისაა ცნობილი Logitech G502 HERO არის საუკეთესო გეიმინგ მაუსი უმრავლესობისთვის. ეს დიდი, რეგულირებადი მაუსი ხელისთვის აკეთებს ყველაფერს მშვენივრად, გარეგანი დიზაინიდან დაწყებული პროგრამული უზრუნველყოფით დამთავრებული.

უპირველეს ყოვლისა, G502 არის ბრწყინვალედ შექმნილი მაუსი, რომელსაც აქვს შესანიშნავი, კუთხოვანი დიზაინი, რაც უსაზღვროდ მოსახერხებელია დიდი ხნით ხელში დასაჭერად. Logitech G Hub პროგრამის წყალობით, მარტივად შეგიძლიათ მაუსის მოწყობა სხვადასხვა თამაშებზე. ასევე შეგიძლიათ აკონტროლოთ მაუსის წონა.

Proteus Spectrum-ის განახლების წყალობით, G502-ს აქვს RGB განათება, ხოლო ამჟამინდელმა HERO განახლებამ ჩაანაცვლა ძველი სენსორი უფრო მძლავრი, მაღალი DPI მოდელით. თუ უკაბელო მაუს ეძებთ, მაშინ უნდა შეამოწმოთ Logitech G502 Lightspeed.

2. SteelSeries Rival 3
საუკეთესო ბიუჯეტური მაუსი

Max DPI: 8500 | ღილაკები: 5 | ზომა: 4.8 x 2.3 x 2.6 ინჩი | წონა: 2.7 უნცია

+შესანიშნავი ღირებულების-სენსორული უცნაურობა
+კარგი პერფორმანსი-არ არის მოქნილი
+გამართული პროგრამა

როდესაც SteelSeries Rival 3-ის განხილვა დავიწყე ორჯერ გადავამოწმე, როცა მისი ფასი გავიგე. ოცთაათი დოლარი არის ის, რასაც ჩვეულებრივ იხდი უბრალო, არა გეიმერულ მაუსში და არა ერთ-ერთი წამყვანი ბრენდის მაღალი ხარისხის მოწყობილობაში. და მაინც, Rival 3 გამოირჩევა ისეთივე დანიური ინჟინერიითა და ძლიერი პროგრამით, როგორც SteelSeries სხვა მაუსები. მას ასევე აქვს RGB განათებაც.

მიზეზი თუ რატოა Rival 3 ასეთი მოთხოვნადი და გაყიდვადი, არის მისი გასაოცრად მსუბუქი წონა: 2.7 უნცია. როგორც SteelSeries იუწყება, ამგვარი მახასიათებელი დაეხმარება eSports გეიმერებს, რომლებისთვისაც მნიშნვნელოვანია სისწრაფე და მაუსის სწრაფი მოძრაობა. მიუხედავად იმისა, ხართ თუ არა პროფესიონალი გეიმერი, Rival 3 არის კომფორტული, კარგად მოწყობილი მაუსი უამრავი მახასიათებლით და საკმაოდ დაბალ ფასში.

3. Corsair Harpoon RGB Wireless
საუკეთესო უკაბელო გეიმინგ მაუსი

Max DPI: 10000 | ღილაკები: 5 | ზომა: 4.6 x 2.7 x 1.6 ინჩი | წონა: 3.5 უნცია

+კომფორტული+არასაჭირო განათება
+კარგი პერფორმანსი
+რეალური ფასი

უკაბელო Corsair Harpoon RGB მაუსი სავარაუდოდ არის საუკეთესო შემოთავაზება, თუ თქვენ ეძებთ წამყვანი ორგანიზაციის მიერ შემოთავაზებულ იაფ უკაბელო მაუს. მხოლოდ $50, თქვენ ყიდულობთ უამრავ ფუნქციას.

ეს მაუსი გამოირჩევა დიზაინითა და სახელურის სტრუქტურით, შესანიშნავი პროგრამულობითა და უნაკლო უკაბელო ფუნქციონირებით. თქვენ იღებთ მძლავრ DPI სენსორს, RGB განათებასა და ორ პროგრამირებად, მოსახერხებელ ღილაკებს. ეს ჩვეულებრივი მაუსია, თუმცა გასაოცრად კარგი. ასევე გასათვალისწინებელია ის ფაქტი, რომ მისი ღირებულება დაახლოებით $100-ით ნაკლებია სხვა უკაბელო მაუსებთან შედარებით.

კიდევ ერთი კარგი მახასიათებელი არის ის, რომ მას აქვს Bluetooth მხარდაჭერა, ასე რომ, თქვენ შეგეძლებათ ის დაუკავშიროთ პლანშეტებს, სმარტფონებს – ან კომპიუტერებს, თუ არ გსურთ USB კაბელის გამოყენება.

თუ სინათლე გამორთული გაქვთ მაშინ მაუსი გაძლებს 60 საათი. ყველაფერი ჩართული რომც გქონდეთ, მაუსი რამდენიმე დღეს გაძლებს. ასევე მისი დატენვა შეგეძლებათ უბრალოდ USB კაბელით, თუნდაც იყენებდეთ მას.

4. Razer Basilisk V2
საუკეთესო FPS გეიმინგ მაუსი

Max DPI: 20000 | ღილაკები: 6 | ზომა: 5.1 x 2.4 x 1.7 ინჩი | წონა: 3.3 უნცია

+კომფორტული დიზაინი-მოუხერხებელი ბორბალი
+დახვეწილი-პროგრამული უზრუნველყოფაა გასაუმჯობესებელი
+კარგი პერფორმანსი თამაშში

Razer Basilisk-მა გააკეთა რაღაც ძალიან ჭკვიანური FPS მაუსისთვის. ნაცვლად იმისა, რომ ქონოდა „sniper” ღილაკი რათა დაეწია DPI სროლისას, მას ქონდა პედალი. ამ პატარა მეტალის პოვნა გაცილებით უფრო მარტივია საპოვნელად და დასაჭერად, ვიდრე ღილაკის.

Razer Basilisk V2-მა გააუმჯობესა ისედაც შესანიშნავი დიზაინი, დაამატა უკეთესი სენსორი, რეგულირებადი ბორბალი და უკეთესად სრიალი. ეს განსაკუთრებით კარგია FPS მოთამაშეებისთვის, რომლებსაც ჭირდებათ ზუსტად დამიზნება, თუმცა ის ყველა მხრივ კარგია გეიმინგში. საჭიროების შემთხვევაში, შეგიძლიათ მოაშოროთ ეს პედალი და დაამაგროთ რეზინის ღილაკი.

ჩემი ერთადერთი უკმაყოფილება Basilisk V2-ში არის მისი ბორბალი, რომელიც უფრო კარგიც შეიძლებოდა ყოფილიყო. თუმცა, თუ ერთელ მოუძებნით კომფორტულ პოზიციას, აღარ მოგიწევთ მისი ხელახლა დარეგულირება. პროგრამა Razer Synapse არის მძლავრი, თუმცა შეიძლება რამდენიმე დღე დაგჭირდეთ ყველა ვარიანტის შესასწავლად რაც თქვენ ხელთაა.

5. Razer Naga Trinity
საუკეთესო MMO გეიმინგ მაუსი

Max DPI: 16000 | ღილაკები: 17 (რეგულირებადი) | ზომა: 4.7 x 2.9 x 1.7 ინჩი | წონა: 4.2 უნცია

+უნივერსალური გვერდითა პანელი-ვერ დაარეგულირებთ სიმაღლეს
+მომხმარებელზე მორგებული-უნდა ისწავლოთ მრუდი ღილაკები
+მგრძნობიარე სისტემა

Razer Naga Trinity – შესაძლოა არის საუკეთესო MMO მაუსი. თუმცა მისი უნიკალური დიზაინის გათვალისწინებით, ისე შეიძლება ასევე იყოს MOBA-ს საუკეთესო მაუსი, ან თუნდაც მოქმედება/სათავგადასავლო ჟანრის თამაშებისთვისაც. ყველაფერი დამოკიდებულია თქვენს კონფიგურაციაზე.

ნაცვლად იმისა, რომ მუდამ გაჭედილი იყოთ მხოლოდ ორ ღილაკზე, Naga Trinity გთავაზობთ სამი სახის შემცვლელ პანელს: ერთი არის ორი ღილაკით, ერთიც შვიდი ღილაკით და ბოლო კოლოსალური 12 ღილაკით.

12 ღილაკიანი კონფიგურაცია არის გასაოცრად სასარგებლო ისეთი MMO თამაშებისთვის, როგორიცაა World of Warcraft, Final Fantasy XIV და სხვა, თუმცა დანარჩენი ორი პანელი უზრუნველყოფს იმ ფაქტს, რომ Naga Trinity გამოსადეგია ნებისმიერი სახის თამაშისთვის. ეს არის დიდი, მძიმე მაუსი, რომელიც კარგია მოთემაშეებისთვის, ვისაც დიდი ხელი აქვთ, ხოლო გვერდითა პანელები მარტივად იცვლება.

როგორ აირჩიოთ საუკეთესო გეიმინგ მაუსი თქვენთვის

სამი რამ არის გასათვალისწინებელი, როდესაც ყიდულობთ მაუს: დიზაინი, მახასიათებლები და ფასი.

დიზაინი სავარაუდოდ არის ყველაზე მნიშვნელოვანი ფაქტორი მაუსის შერჩევისას. საბოლოო ჰამში, საუკეთესო გეიმინგ მაუსი არის ის, რომელსაც ყველაზე კომფორტულად გრძნობთ ხელში; სხვა ყველაფერი არის მეორეხარისხოვანი.

სანამ იყიდით უნდა ნახოთ როგორ გიკავიათ ის. თუ ამას არ აპირებთ, მაშინ გაითვალისწინეთ დიდი გინდათ თუ პატარა, გრძელი თუ მოკლე, უამრავი ღილაკით თუ ცოტათი და ასე შემდეგ.

დამატებითი მახასიათებლები არის კიდევ ერთი ყურადღება გასამახვილებელი ფაქტორი. ეს ყველაფერი მოიცავს ისეთ რაღაცეებს, როგორიცაა უკაბელო კავშირი, დარეგულირებადი წონა, RGB სინათლე და შემცვლელი ნაწილები. მთავარი წესი რაც აქ მოქმედებს არის ის, რომ რაც უფრო მეტი მახასიათებელი გჭირდებათ, მით უფრო მეტი ძვირის გადახდა მოგიწევთ. უკაბელო მაუსი შემცვლელი ნაწილებით შეიძლება დაგიჯდეთ $150; მცირე ზომის მაუსი, მხოლოდ მცირე დამატებებით შეიძლება დაგიჯდეთ მხოლოდ $30, ან უფრო ნაკლებიც კი, თუ უფრო ძველ მოდელებს გადახედავთ.

ფასი ძირითადად არის იმის განმსაზღვრელი, თუ რამდენი მახასიათებელი აქვს მაუს, მაგრამ არსებობს კიდევ ერთი ვარიანტი ეკონომიის: იყიდოთ უფრო ძველი თაობის მაუსი. (ეს არ ნიშნავს იყიდოთ უკვე გამოყენებული მაუსი. ეს როგორც ასეთი არის ცუდი იდეა.) მას შემდეგ რაც გამოდის ახალი ვერსია, უფრო ძველი მოდელების ფასი ეცემა.

როგორ ვტესტავთ გეიმინგ მაუსებს

იმისათვის რომ დავტესტოთ გეიმინგ მაუსები, მათ ჩვენ გავატარებთ ოთხი სახეობის თამაშში: FPS, RTS, RPG და MMO. ჩვენ ვრწმუნდებით რომ რამდენიმე საათს მაინც ვთამაშობთ, როცა შესაძლებლობა გვაქ. ჩვენ ასევე ვიყენებთ მაუს მინიმუმ ორი დღის განმავლობაში, რათა დავადგინოთ მისი კომფორტულობა, ფორმა და საერთო დიზაინი.

პროგრამული უზრუნველყოფაც არის ერთ-ერთი მთავარი ნაწილი მაუსის შეფასებისას, რადგან თითქმის ყველა გეიმინგ მაუს აქვს წვდომა პროგრამული უზრუნველყოფის პაკეტთან. ჩვენ ვაკეთებთ პროგრამის ანალიზს ფუნქციონალიზებასა და ადვილად გამოყენებაზე. საუკეთესო პროგრამულად უზრუნველყოფილები არიან მსუბუქები და ადვილად სასწავლები; უფრო სუსტი პროგრამულად უზრუნველყოფილი არის არასტაბილური ან ჩახლართული.

ფასიც დიდ როლს თამაშობს ჩვენს ტესტებში, თუმცა „იაფი“ არ ნიშნავს „უკეთეს“. ნაცვლად ამისა, ჩვენ გვჯერა, რომ უფრო ძვირმა პროდუქტმა უფრო მეტი უნდა შემოგვთავაზოს. უფრო იაფი მაუსები ყოველთვის კომფორტული უნდა იყოს თამაშებში, თუმცა ჩვენ არ განვჯით მათ, რადგან ისინი გვთავაზობენ უფრო მარტივ დიზაინსა და უფრო მცირე მახასიათებლებს.

vendoo #vendoo vendoo.ge #vendoo.ge mymarket #mymarket #mymarket.ge onoff #onoff #onoff.ge baba.ge #baba.ge