2020 წლის საუკეთესო მიკროტალღური ღუმელები

mikrotalguri gumeli
mikrotalguri gumeli

წარმოგიდგენთ საუკეთესო მიკროტალღურ ღუმლებს, მორგებულს ყოველი ოჯახის სიდიდესა და ბიუჯეტზე

საუკეთესო მიკროტალღური ღუმელები ცხოვრებას ხომ ასე გვიმარტივებენ. გასული დღის სადილის სწრაფად გაცხელება, კარაქის გალღობა, ნაყინის დარბილება და სამზარეულოს ასობით სხვა პატარა დავალება კარგი მიკროტალღური ღუმლის ყოველდღიურ მოვალეობებში შედის და ამ ყველაფერს ის სწრაფად, მარტივად და ხარისხიანად აკეთებს თქვენთვის.

სტანდარტული მიკროტალღური ღუმელის შეძენა გსურთ, თუ ჩაშენებულის, ორივე შემთხვევაში, საუკეთესო მიკროტალღური ღუმელი უნდა გთავაზობდეთ ისეთ სიმძლავრეს, შესაძლებლობებსა და მახასიათებლებს, რომლებიც მოერგება თქვენს ბიუჯეტსაც და სამზარეულოსაც.  

იმისთვის რომ ბაზარზე არსებული ღუმლების საუკეთესო ერთეულთა სია შეგვედგინა ჩვენ გადავხედეთ CNET-ის, Good Housekeeping-ის, Consumer Reports-ის მიერ ამორჩეულ მოწყობილობებს და ასევე Best Buy-ს, Lowe’s-ს და The Home Depot-ის ბესტსელერ ღუმლებს. შემდგომ ჩვენ ეს ჩამონათვალი კიდევ უფრო დავავიწროვეთ და გთავაზობთ მათ კატეგორიზაციას მახასიათებლების, ფასის, დიზაინისა და სხვა ფაქტორების მიხედვით.

40 საათზე მეტი ხანგრძლივობის კვლევის საფუძველზე, ჩვენ შევარჩიეთ საუკეთესო მიკროტალღური ღუმლები ყველა ზომის ოჯახისა და სამზარეულოსათვის.

რომელია საუკეთესო მიკროტალღური ღუმელი?

ჩვენი ტოპ რჩეული გახლავთ Toshiba EM925A5A, 80 დოლარიანი მოდელი, რომელიც გთავაზობთ მახასიათებელთა მშვენიერ კომპლექტაციას, თანაც შესანიშნავ ფასად. მას გააჩნია 900 ვატიანი სამუშაო სიმძლავრე და 0.9 კუბური ფუტის შიდა სივრცე, რომელიც დაიტევს საკვების ყველაზე დიდ ულუფასაც კი.

მათთვის, ვისაც ესაჭიროება უფრო დიდი ზომის კერძების გაცხელება, ჩვენი არჩევანი GE Profile JES2251SJ-ია, მძლავრი, 1200 ვატიანი მოდელი, რომლის სენსორი იმასაც შეგატყობინებთ, თუ როდისაა თქვენი საკვები მზა მდგომარეობაში.

Sharp-ის 24 ინჩიანი IoT მიკროტალღური ღუმელი (1,399 დოლარი) შეგიძლიათ დაუკავშიროთ ახალ “Sharp Kitchen” აპლიკაციას. იგი საშუალებას მოგცემთ დისტანციური მართვის პულტით აკონტროლოთ ღუმლის მახასიათებლები, მიიღოთ შეტყობინებები, როცა საკვები მზად იქნება. გარდა ამისა, იგი უკავშირდება ბრენდის ონლაინ სოციალურ ფორუმს Simply Better Living-საც.

Amazon-ის უახლესი სმარტ მოწყობილობა კი Amazon Smart Oven-ია, რომლის ფასიც 249 დოლარს შეადგენს. იგი მიკროტალღური, კონვექციური ღუმელისა და აეროგრილის კომბინაციაა. Smart Oven ასევე შეგიძლიათ დაუკავშიროთ და მართოთ Alexa-ს მოწყობილობითაც.

2020 წლის საუკეთესო მიკროტალღური ღუმელები

(სურათის კრედიტი: Toshiba)

1. Toshiba EM925A5A

საერთო შეფასების მიხედვით საუკეთესო მიკროტალღური ღუმელი

ტიპიჩასაშენებელი | ზომა19.2 x 15.9 x 11.5 ინჩი | ტევადობა0.9 კუბური ფუტი | სიმძლავრე900 W | სიმძლავრის დონეები13 | მომზადების მახასიათებლებისწრაფი მომზადების ფუნქცია | აპლიკაციით მართვაარა

✅ ამზადებს იდეალურად

✅ შესანიშნავი ფასი

❌ არ აქვს სენსორები ავტომატურად ახლიდან გაცხელებისათვის

ეს ის ტკბილი შემთხვევაა, როდესაც ფასიც, სიმძლავრეც და ფუნქციებიც, ყველა მათგანი დაბალანსებულია. Toshiba EM925A5A-ს გააჩნია საკმარისი შიდა სივრცე დიდი პორციების გასაცხელებლად; საკმაო სიმძლავრე, წარმოდგენილი 900 ვატით, რათა კარგად მოახერხოს თეფშზე არსებული საკვების გაცხელება და საკმაოდ დაბალი ფასი, რომელიც 80 დოლარს შეადგენს.

თუმცა ეს ღუმელი თანამედროვე, მოდური მახასიათებლებით ვერ დაიკვეხნის, მას არ აქვს ხმოვანი ბრძანებებით მართვის ფუნქცია, ასევე არ გააჩნია სენსორები, რომლებიც თქვენი საკვების მომზადების სტადიას გიჩვენებენ. თუმცა ის გამოირჩევა Express Cook-ის ფუნქციონალით: 1-დან 6-მდე დააწექით ნებისმიერ ღილაკს და შემდეგ Start ღილაკს, შედეგად, სწორედ ამ დროში მიიღებთ მომზადებულ საკვებს.
Wirecutter-მა საკმაოდ ამომწურავი გამოცდა ჩაუტარა ამ მოდელს, რომლის შედეგებმაც აჩვენა ის, რომ ეს ღუმელი საკვებს ზედმიწევნით და თანაბრად აცხელებს, ასევე მას გააჩნია უხმო რეჟიმი, რაც, დაგვეთანხმებით, მიღწევაა ღამის საათებში (თუმცაღა, ნაკლებად გირჩევდით დღე-ღამის ამ მონაკვეთში მირთმევას).

(სურათის კრედიტი: Sharp)

2. Sharp ZSMC0912BS

საუკეთესო ბიუჯეტური მიკროტალღური ღუმელი

ტიპიჩასაშენებელი | ზომა19.1 x 11.5 x 16.1 ინჩი | ტევადობა0.9 კუბური ფუტი | სიმძლავრე900 W | სიმძლავრის დონეები10 | მომზადების მახასიათებლებიპოპკორნი, პიცა, კარტოფილი, სასმელები | აპლიკაციით მართვაარა

✅ ხელმისაწვდომი

✅ ზომასთან შედარებით მაღალი სიმძლავრის

❌ არ აქვს შიდა განათება

❌ არ აქვს მზადების რეჟიმის სენსორი

Sharp ZSMC0912BS კი მარტივი, სადაც მიკროტალღური ღუმელია, 0.9 კუბური ფუტის მოცულობის მქონე შიდა სივრცითა და 900 ვატიანი მაგნეტრონით. ამის გამო ის შედარებით მცირე ზომისაა და ცოტათი ნაკლები სიმძლავრის, ვიდრე სხვა დანარჩენი მოდელებია, მაგრამ იგი საკმაოდ კარგად უმკლავდება წასახემსებსა და საკვების მცირე ულუფებს.

გარდა ამისა მისი მოხმარება საკმაოდ მარტივია. თუ ფინჯანი ყავის სწრაფად გაცხელება გსურთ, მოათავსეთ მასში და დააწექით ექსპრეს ღილაკს, რომელიც 30 წამიან რეჟიმს გაააქტიურებს, თუ ეს საკმარისი არ იქნება, შეგიძლიათ ხელმეორედ დააწვეთ იმავე ღილაკს დამატებითი 30 წამისათვის. რაღა თქმა უნდა, ის მარტივი მიკროტალღური ღუმელია და ვერ დაიტევს დიდ თეფშსა თუ კერძს, მაგრამ ის თავს მშვენივრად ართმევს ისეთ რუტინულ საქმეებს როგორიც წასახემსის სწრაფად შეთბობაა.

(სურათის კრედიტი: sears)

3. Kenmore 73779

კიდევ ერთი შესანიშნავი ბიუჯეტური მიკროტალღური ღუმელი

ტიპიჩასაშენებელი | ზომა11 x 19 x 14.3 ინჩი | ტევადობა0.9 კუბური ფუტი | სიმძლავრე900 W | სიმძლავრის დონეები10 | მომზადების მახასიათებლებიპოპკორნი, კარტოფილი, პიცა, დიდი მოცულობის გალღობა | აპლიკაციით მართვაარა

✅ მარტივი, სუფთა დიზაინი

❌ სენსორების არარსებობა

Kenmore 73779 კიდევ ერთი გონივრული არჩევანია მათთვის, ვინც ამ ტიპის მოწყობილობაში ინვესტირებას ბიუჯეტურად უდგება, რამდენადაც, ეს ღუმელი ამ ფასისათვის შესანიშნავი ფუნქციების კრებულითაა წარმოდგენილი. თქვენ იღებთ სუფთა, სმარტ დიზაინს; საკმაოდ დიდ მომზადების სიმძლავრეს 900 ვატიანი მაგნეტრონისაგან; აგრეთვე, არანაკლებ ტევად შიდა სივრცეს, რომელიც 1.1 კუბურ ფუტს შეადგენს და თავისუფლად დაიტევს 10-ინჩიან იგივე, 25 სმ დიამეტრის მქონე თეფშსაც.

რასაც ამ მოწყობილობის ყიდვის შემთხვევაში ვერ მიიღებთ, სენსორია, რომელიც ამოწმებს კერძის მომზადებულობის დონეს, თუმცა მიიღებთ მომზადების რამდენიმე „პრესეტ“ რეჟიმს, მათ შორის გადნობის რეჟიმს, რომლის საშუალებითაც შეგიძლიათ შეიყვანოთ გაყინული საკვების ტიპი და წონა და მიკროტალღური ღუმელი გამოგითვლით იმას, თუ რა დრო დასჭირდება მას ამ საკვების გასალღობად.

(სურათის კრედიტი: GE)

4. GE Profile JES2251SJ

საუკეთესო მიკროტალღური ღუმელი დიდი ოჯახებისათვის

ტიპიჩასაშენებელი | ზომა14 x 24 x 19 ინჩი | ტევადობა2.2 კუბური ფუტი | სიმძლავრე1,200 W | სიმძლავრის დონეები10 | მომზადების მახასიათებლებისაუზმე, ლანჩი, სადილი, ინვერტორ-გალღობა | აპლიკაციით მართვაარა

✅ დიდი შიდა სივრცე იტევს ფართე თეფშებსაც

✅ საკვები თანაბრად ცხელდება

❌ მაღალი ფასი

თუ თქვენ რეგულარულად გიწევთ დიდი ოდენობის საკვებიც გაცხელება, თქვენი დიდი ოჯახის გამოსაკვებად, ცხადია რომ კიდევ უფრო დიდი ზომის მიკროტალღური ღუმელი კარგ დახმარებას გაგიწევთ. GE Profile JES2251SJ-ში თავსდება ძალიან დიდი მოცულობის საკვები, მას 2.2 კუბური ფუტის შიდა სივრცე გააჩნია, რომელშიც მოთავსებულია 16-ინჩიანი მბრუნავი სადგარი, რაც 40 სანტიმეტრის დიამეტრის თეფშსაც კი დაიტევს. მიკროტალღურ ღუმელს გააჩნია 1200 ვატის სიმძლავრე. მიმოხილვები კი აჩვენებს რომ ის საკვებს თანაბარზომიერად აცხელებს, რაც საკმაოდ რთული მისაღწევია დიდ შიდა სივრცეში.

JES2251SJ ასევე აღჭურვილია სენსორით, რომელიც გამცნობთ თუ როდის იქნება მზად თქვენი საკვები. ეს საკმაოდ ეფექტური მახასიათებელია, რაზეც ყველა მიმომხილველი თუ მომხმარებელი, ერთმნიშვნელოვნად აცხადებს, რომ ჩინებულად მუშაობს.

აღნიშნული მიკროტალღური ღუმელი არ გახლავთ დაბალფასიანი. მისი ფასი დაახლოებით 300 დოლარია, თითქმის ორჯერ ძვირია ჩვენ მიერ მიმოხილულ მცირე ზომის ღუმლებთან შედარებით.

 (სურათის კრედიტი: GE)

5. GE JVM3160RFSS

ტოპ  over-the-range მიკროტალღური ღუმელი

ტიპიOver the Range | ზომა29.9 x 16.5 x 15.3 ინჩი | ტევადობა1.6 კუბური ფუტი | სიმძლავრე1,000 W | სიმძლავრის დონეები10 | მომზადების მახასიათებლებიავტომატური მომზადება, ბავშვთა უსაფრთხოების ბლოკირება | აპლიკაციით მართვაარა

✅ მოდური ექსტერიერი

✅ ექსპრეს მომზადების რეჟიმები

✅ ძლიერი ჰაერის ვენტილაცია

❌ არ აქვს სენსორული აღჭურვა

❌ არ ანათებს ღილაკებიანი პანელი

ამ ტიპის მიკროტალღური ღუმლები თქვენი სამზარეულოს ზედა თაროებში იკავებს ადგილს. ეს ნიშნავს იმას, რომ ისინი ნაკლებ სივრცეს იკავებენ და თქვენს ძვირფას მაგიდის სივრცეს სხვა დანიშნულებას მოუძებნით. GE JVM3160RFSS-ს გააჩნია სუფთა და მოსახერხებელი დიზაინი, რომელიც ხუთ სხვადასხვა ფერშია ხელმისაწვდომი. 1.6 კუბური ფუტის მოცულობის სივრცე და 1,000 ვატიანი მაგნეტრონი თანაბრად ათბობს საკვებს.

„თბილი“ რეჟიმი თქვენს საკვებს ზუსტად იმ ტემპერატურამდე შეათბობს, რაც დაუყოვნებლივ მირთმევისთვის იქნება ოპტიმალური, მაშინ როდესაც ექვსი ექსპრეს მზადების ღილაკით ერთი დაჭერით მოამზადებთ თქვენს საყვარელ საკვებს. თუმცა, ნაკლზეც უნდა გავამახვილოთ ყურადღება, რაც ღილაკებიანი პანელის განათების არქონაა, რის გამოც მას ძნელად თუ დაინახავთ სიბნელეში. ეს მიკროტალღური ღუმელი ასევე მოიცავს მძლავრ, ორსიჩქარიან სისტემას, რომელიც 300 კუბურ ფუტ ჰაერს ერთ წუთში გადააადგილებს.

 (სურათის კრედიტი: Whirlpool)

6. Whirlpool WMH53521H

საუკეთესო over-the-range მიკროტალღური ღუმელი დიდი ოჯახებისთვის

ტიპიOver the Range | ზომა17 x 30 x 16 ინჩი | ტევადობა2.1 კუბური ფუტი | სიმძლავრე1,000 W | სიმძლავრის დონეები10 | მომზადების მახასიათებლებიავტომატური მომზადება, ორთქლი | აპლიკაციით მართვაარა

✅ ამზადებს შესანიშნავად, ორ-დონიანი მზადებისათვის ბადიანი ცხაური

❌ მაღალფასიანი, ორთქლით მზადების ფუნქციონალი ზრდის ღირებულებას

WMH53521H გახლავთ ისევ და ისევ over-the-range მიკროტალღური ღუმელი, რომელიც თანაბრად უყვართ როგორც კრიტიკოსებს, ისე მის მომხმარებლებს. მყიდველები ხაზს უსვამენ მის პერფორმანსს ახლიდან გაცხელებასა და საკვების მომზადების მიმართულებით. თუმცა უნდა აღინიშნოს, რომ საქმე ყოველთვის სიმძლავრეში არაა; ამ ღუმელს გააჩნია 1,000 ვატიანი მაგნეტრონი, რომელიც უფრო მცირეა ვიდრე სხვა ძალიან მსგავსი მოდელებისა. მომხმარებლებმა ასევე გაუსვეს ხაზი ამ მიკროტალღური ღუმლის მოხმარების სიმარტივეს, ასევე მის ტევადობასაც, 2.1 კუბური ფუტის სივრცის ინტერიერი და დიდი, 14 ინჩიანი მოძრავი სადგარი ყველაზე დიდი ზომის თეფშსაც კი უპრობლემოდ დაიტევს. ასევე მას მოჰყვება ბადიანი ცხაური, რაც ღუმელში თქვენ მიერ გასაცხელებელი საკვების კიდევ უფრო დიდ ტევადობას განაპირობებს ერთ ჯერზე. გადნობის/დარბილების ფუნქცია შესანიშნავია ისეთ სენსიტიურ ინგრედიენტებთან სამუშაოდ, როგორიც, მაგალითად, კარაქია.

 (სურათის კრედიტი: GE)

7. GE JES1097SMSS სმარტ ჩასაშენებელი მიკროტალღური ღუმელი

საუკეთესო სმარტ მიკროტალღური ღუმელი

ტიპიჩასაშენებელი | ზომა17.3 x 10.1 x 14.1 ინჩი | ტევადობა0.9 კუბური ფუტი | სიმძლავრე900 W | სიმძლავრის დონეები10 | მომზადების მახასიათებლები: სკანირება მომზადებისათვისაპლიკაციით მართვადიახ, Amazon Alexa, Google Assistant/GE Appliances აპლიკაცია

✅ ძალიან კარგი პერფორმანსი

✅ ხმოვანი მართვის ფუნქციონალი მუშაობს გამართულად

❌ სკანირება მომზადებისათვის ფუნქციას აქვს მცირე რაოდენობის საკვების ტიპის მხარდაჭერა

თუ თქვენ გხიბლავთ იდეა, რომ მიკროტალღურ ღუმელს საკუთარი ხმით უბრძანებთ და აამოქმედებთ, მაგრამ ამავდროულად, Amazon Basics მოდელის მიერ შემოთავაზებულ პერფორმანსსაც არ ჯერდებით, მაშინ GE JES1097SMSS ნამდვილად კარგი არჩევანი იქნება. მას იგივე Alexa ხმოვანი მართვის ფუნქციონალი აქვს; უბრალოდ თქვენ მას ეტყვით: „Alexa, microwave for 60 seconds“ (დაკავშირებული უნდა იყოს Amazon Alexa ხმოვან მოწყობილობასთან) და მიკროტალღური ღუმელი მიჰყვება თქვენს ბრძანებებს. ის ასევე მუშაობს Google Assistant-თანაც, ასე რომ Google Home speaker-ითაც უპრობლემოდ შეძლებთ მის მართვას. 900 ვატიანი სიმძლავრის წყალობით ის ბევრად უფრო სწრაფად ამზადებს და აცხელებს საკვებს, ვიდრე ამას Amazon-ის მოდელი ახერხებდა, მაგრამ, ამასთან, ხშირად სიჩქარის კუთხით კონკურენციას უფრო მძლავრ მოდელებს ვერ უწევს ხოლმე.

აღნიშნული ღუმელი ასევე შესაძლოა იმართოს GE Appliances Kitchen app-ითაც, თუმცა ისიც უნდა ვთქვათ, რომ ზოგიერთი მიმომხილველი მცირე სირთულეს გადააწყდა მის ინსტალაციასა და დაკავშირებაში. როცა ის დაკავშირებულია, საკმაოდ სასარგებლო მახასიათებელსაც გთავაზობთ, რომელსაც Scan-to-Cook ეწოდება. როდესაც თქვენ მხარდაჭერილი მიკროტალღურ ღუმელში მომზადებადი საკვების შტრიხკკოდს დაასკანირებთ, აპლიკაცია ამოიცნობს ამ კოდს და დაუყოვნებლივ დააპროგრამებს მიკროტალღურ ღუმელს შესაბამისად. მიმომხილველებმა ისიც დაასკვნეს, რომ აღნიშნული ფუნქციონალი საკმაოდ კარგად მუშაობს, ერთადერთი გულდასაწყვეტი მომენტი კი ისაა, რომ მხარდაჭერილი პროდუქტების ჩამონათვალი არც თუ ისე გრძელია.

აქ იხილავთ ამ ჩამონათვალს.

(სურათის კრედიტი: Amazon)

8. AmazonBasics Microwave

საუკეთესო ბიუჯეტური სმარტ მიკროტალღური ღუმელი

ტიპიჩასაშენებელი | ზომა17.3 x 10.1 x 14.1 ინჩი | ტევადობა0.7 კუბური ფუტი | სიმძლავრე700 W | სიმძლავრის დონეები10 | მომზადების მახასიათებლებიავტო პოპკორნ შევსება | აპლიკაციით მართვადიახ, Amazon Alexa

✅ ხმოვანი მართვის ფუნქციონალი

✅ აპლიკაციით მართვა სმარტფონიდან

❌ დაბალსიმძლავრიანი მწარმოებლურობა

❌ „პრესეტ“ პროგრამები, რომლებიც არ მუშაობს კარგად

AmazonBasics მიკროტალღური ღუმელიც მოგანიჭებთ იმ სიამოვნებას, რასაც ხმოვანი მართვის რეჟიმი წარმოადგენს. დააწვებით Alexa-ს ღილაკს მიკროტალღურ ღუმელზე და ახლოს მდებარე Amazon-ის Alexa device, როგორიცაა მაგალითად Echo Dot მორჩილად მოგისმენთ ინსტრუქციების მისაღებად. ასე რომ, რაც გჭირდებათ გახლავთ, ის, რომ უკვე გქონდეთ Alexa-ს მოწყობილობა (როგორიცაა Echo Dot). ინსტრუქციები კი ასეთი შეიძლება იყო: microwave for 60 seconds,” “reheat a cup of coffee” ან “defrost a 13-pound bag of peas,” – ღუმელიც მოგისმენთ და მითითებას დაუყოვნებლივ შეასრულებს.

ერთი საინტერესო ფუნქციონალი გახლავთ პოპკორნის ავტომატური შევსება. მიკროტალღური ღუმელი წინა გამოცდილების საფუძველზე გამოთვლის თუ რა რაოდენობის პროდუქტი გჭირდებათ და ავტომატურად გააკეთებს შეკვეთას Amazon-ზე.

მიმომხილველებმა დაადგინეს რომ ხმით მართვის ფუნქციონალი მშვენივრად მუშაობს ჩაშენებულ Amazon Alexa-ს ასისტენტთან, იგი იგებს და მიჰყვება ინსტრუქციებს საკმაოდ მკაფიოდ. თმცა, არსებობს რამდენიმე „სიუპრიზიც“: CNet-მა დაადგინა რომ ე.წ. „პრესეტებმა“ არ იმუშავა კარგად რამდენიმე სხვადასხვა რაოდენობაზე. ღუმელმა ერთი ცალი კარტოფილი მოამზადა მშვენივრად, მაგრამ სამმაგი ოდენობის შემთხვევაში, მოუმზადებელი გამოვიდა.

ამის ნაწილი შესაძლოა ისაა რომ ამ ღუმელს შედარებით დაბალი სიმძლავრე გააჩნია. იგი მხოლოდ 700 ვატითაა აღჭურვილი და აქედან გამომდინარე, უჭირს დიდი ზომის საკვების მომზადება ან/და ამისათვის უფრო მეტ დროს საჭიროებს, ვიდრე სხვა, უფრო მძლავრი ღუმელები. ასე რომ რამდენადაც ეს მოდელი მშვენიერი არჩევანია ოფისის ან სახელდახელო შემთხვევაში, ოჯახებმა ყურადღება უნდა შეაჩერონ უფრო დიდ და მძლავრ მოდელებზე.

 (სურათის კრედიტი: Breville)

9. Breville Quick Touch

საუკეთესო დიზაინის მქონე მიკროტალღური ღუმელი

ტიპიჩასაშენებელი | ზომა18 x 20.5 x 12.5 ინჩი | ტევადობა0.9 კუბური ფუტი | სიმძლავრე1,100 W | სიმძლავრის დონეები10 | მომზადების მახასიათებლებისმარტ გალღობა, კიდევ მეტი | აპლიკაციით მართვაარა

✅ დიდებული დიზაინი

✅ პროგრამირებადი ღილაკები

✅ სენსორზე დაფუძნებული მზადება

❌ მაღალფასიანი

სმარტ მიკროტალღური ღუმლები არამხოლოდ ამატებენ აპლიკაციებსა და Wi-Fi მხარდაჭერას; ზოგჯერ სმარტ დიზაინი ტექნოლოგიასაც კი გადასწონის. Breville Quick Touch გთავაზობთ ძალიან განსხვავებულ, მაგრამ მომხმარებელზე მორგებულ მიდგომას, რომელიც საშუალებას მოგცემთ მზადების პროცესი თქვენვე მართოთ. გარეთა მხარეს თქვენ გექნებათ რამდენიმე ღილაკი სუფთა, სმარტ, უჟანგავი ფოლადის ექსტერიერზე, რომელიც ლამაზი, რეტრო დიზაინით გამოირჩევა. როდესაც კარებს გააღებთ, თქვენ თვალში მოგხვდებათ ბევრად მეტი დამატებითი ღილაკი, რომელიც ხშირად გამოყენებად პარამეტრებს დაგაპროგრამებინებთ. თუ თქვენი სასმელების შეთბობა კონკრეტული გზით გიყვართ, პროგრამირების ღილაკიც სწორედ ამისთვისაა. ღილაკის დაპროგრამება თქვენს ფენქეიქებზე კარაქის ოპტიმალურ ტემპერატურაზე დნობისთვისაც კია შესაძლებელი.

Quick Touch ასევე მოიცავს სენსორზე დაფუძნებულ ავტო გალღობის ფუნქციონალსაც, რომელიც ტენიანობის სენსორს იყენებს საიმისოდ, რომ დაადგინოს, რამდენად შესატყვისადაა გალღობილი თქვენი პროდუქტი. სხვა მოსახერხებელი მახასიათებელი კი „კიდევ მეტი“ ღილაკია. მასზე დაჭერა კიდევ ცოტა მეტი ხნით აყოვნებს პროდუქტს ღუმელში და მაშინ გამოგადგებათ, თუ კერძი თქვენთვის სასურველ ტემპერატურამდე ჯერ კიდევ არ გაცხელებულა.

როგორ უნდა აარჩიოთ თქვენზე მორგებული მიკროტალღური ღუმელი

დღესდღეობით ბაზარზე მიკროტალღურ ღუმელთა ორი ძირითადი ტიპია ხელმისაწვდომი: countertop – ჩასაშენებელი და over-the-range – იგივე თაროებში შესადგმელი მოდელი. თითეულის შესახებ გამოგადგებათ ამ რამდენიმე ფაქტის ცოდნა.

 (სურათის კრედიტი: GE)

Countertop: ესენი კლასიკური მიკროტალღური ღუმლებია, რომლებიც თქვენს სამზარეულოს ზედაპირზე ტოსტერისა და დასაჭრელი დაფის გვერდითაა მოთავსებული. ისინი არ საჭიროებს სპეციფიურ ინსტალაციას, გარდა ელექტრულ წრედში ჩართვისა. თუმცა, ზოგიერთი მოდელი შესაძლოა შედარებით მაღალი იყოს, ასე რომ დარწმუნდით რომ კარგად შეისწავლით თქვენი სამზარეულოს ზომებს, სანამ ღუმელს შეიძენდეთ.

Over the range: ასევე მოიხსენიებენ ჩაშენებულ ან მიკროტალღურ ჰუდებად. აღნიშნული მიკროტალღური ღუმლები ინსტალირდება თქვენი გაზქურის ზემოთ, ზოგავს სივრცეს და უზრუნველყოფს ვენტილაციას, რომელიც შეიწოვს და ფილტრავს ნამწვსა და მზადებისას ექსტრაგირებულ სურნელებსაც. ამ ტიპის მიკროტალღური ღუმლები ყველაზე სუფთაა, რამდენადაც ყველა კაბელი და ვენტილაცია აბსოლუტურად უხილავია თვალისათვის. თუმცა, ისინი მოითხოვენ კონკრეტულ სპეციფიურ ინსტალაციის სამუშაოებს.

ყველაზე გავრცელებული ზომა 30 ინჩზე ნაკლების სიფართე და 16 ინჩის სიღრმეა, მაგრამ დარწმუნდით რომ გაზომვები დიდი გულისყურით ჩაატარეთ თქვენს სამზარეულოში, სანამ მას იყიდდეთ. ამ მიკროტალღურ ღუმელთა უმრავლესობას კარები მარცხნიდან მარჯვენა მიმართულებით ეღება, მაგრამ ზოგიერთი პოპულარული მოდელის კარი შესაძლოა ზემოთა მიმართულებით გაიღოს. ასევე უნდა დარწმუნდეთ იმაშიც, რომ რომელიმე მომიჯნავე მოწყობილობის კარი არ შეუშლის ხელს მიკროტალღური ღუმლის სრულფასოვან ფუნქციონირებას.

vendoo #vendoo vendoo.ge #vendoo.ge mymarket #mymarket #mymarket.ge onoff #onoff #onoff.ge baba.ge #baba.ge