როგორ შევარჩიოთ ველოსიპედის ჩაფხუტი

არ აქვს მნიშვნელობა, გრძელი მარშრუტი გაქვთ არჩეული თუ უბრალოდ ქალაქის ირგვლივ სეირნობას აპირებთ, თუ გადაწყვიტეთ ველოსიპედის ტარება, აუცილებლობას წარმოადგენს ატაროთ ველოსიპედის ჩაფხუტი. თქვენს ბავშვებს კი განსაკუთრებით სჭირდებათ მისი გამოყენება. და ასევე მნიშვნელოვანია ის, რომ ჩაფხუტი უნდა სწორი ზომისა და შესაბამისად მორგებული.

საგზაო უსაფრთხოების დაზღვევის ინსტიტუტის მიერ გამოქვეყნებული სტატისტიკური ინფორმაციის თანახმად, ველოსიპედისტთა სიკვდილიანობის გამომწვევ უმრავლეს შემთხვევებში სერიოზული დაზიანება მიყენებული თავის არეზე, რაც ხაზს უსვამს ველოსიპედის ტარებისას ჩაფხუტის გამოყენების მნიშვნელობას. ჩაფხუტის გამოყენება შეფასებულია როგორც საშუალება რაც 50%-ით ამცირებს თავის დაზიანების რისკს და 33 პროცენტით ამცირებს სხვა დანარჩენი არეების, სახისა და კისრის დაზიანების ალბათობას.

ველოსიპედის ჩაფხუტები არც თუ ისე ძვირია. ჩვენ შესანიშნავი მოდელები აღმოვაჩინეთ 50 დოლარზე ნაკლებ ფასში და ერთ-ერთი მათგანი 20 დოლარიც კი ღირს. მაგრამ, თუ თქვენ ფიქრობთ რომ  თქვენსავე ავტოფარეხში შენახული ძველი ჩაფხუტი საუკუნე გაძლებს, უნდა გითხრათ რომ ეს სრულებითაც არ შეესაბამება სიმართლეს. დამცავი ქაფისებრი ფენა წლების მანძილზე განილევა და საბოლოო ჯამში ეს იმას ნიშნავს რომ, წლების შემდეგ ის ვერ მოახერხებს სათანადო დაცვის დონის უზრუნველყოფას და რეალურად ფუნქციას დაკარგავს.

ჩაფხუტი – როგორც გამოსადეგი პროდუქტი

მომხმარებელთა კვლევის ფარგლებში ჩვენ ჩაფხუტები შევაფასეთ ვენტილაციის, მორგებადობის, გამოყენების სიმარტივისა და სხვა მახასიათებლების პარამეტრების მიხედვით. შემდეგ ჩვენ დიდი ყურადღებით დავგემეთ და ჩავატარეთ ექსპერიმენტი, რომლის ფარგლებშიც გამოვლინდა, როგორ იცავს ჩაფხუტი სხვადასხვა ტიპის შემთხვევებში. ჩვენს ტესტირებებში ჩაფხუტებს თავის ფორმებზე ვამაგრებთ და ვიყენებთ ისეთ აპარატურას, რომელიც ჩამოაგდებს ჩაფხუტს დაახლოებით 14 მილი/საათში სიჩქარით ბრტყელ გრდემლზე, რითაც შემდგომ ვიგებთ რამდენად უძლებს იგი ამ გავლენას. თავში მოთავსებული ელექტრონული სენსორი საშუალებას გვაძლევს მოვახდინოთ იმ ძალის მონიტორინგი, რომელიც გადაეცემა ველოსიპედისტის თავის   ქალას უბედური   შემთხვევისას.

ჩვენ ასევე ვტესტავთ ჩაფხუტის შესაკრავების, მიერთების წერტილებისა და ბალთების სიძლიერეს. ჩვენ ვაგდებთ 8 ¾ ფუნტის წონას 0.6 მეტრის სიმაღლიდან ისე რომ მან უბიძგოს ზუსტად თასმებს და დაასტიმულიროს ძალა, რომელიც შეიძლება წარმოიქმნას შეჯახებისას.

დაიმახსოვრეთ: ველოსიპედის ჩაფხუტი უნდა გამოიცვალოს ყოველ ხუთ წელიწადში ერთხელ, ან უფრო ადრეც, თუ იგი დაზიანდა. თუ ჩაფხუტი მოხვდა ავარიაში, ჩაანაცვლეთ იგი ახლით, თუნდაც საერთოდაც არ ეტყობოდეს დაზიანების რაიმე კვალი. გაფართოებული პოლისტიროლის ქაფი, რომელიც ფანტავს გავლენისგან მიღებულ ენერგიას, შესაძლოა ჯერ კიდევ ინტაქტური ჩანს, მაგრამ უნდა იცოდეთ რომ ველოსიპედის ჩაფხუტები ისეა შექმნილი, რომ ისინი საქმეს მხოლოდ ერთჯერადად აკეთებენ.

 

ველოსიპედის ჩაფხუტები იქმნება და იტესტება იმისთვის რომ ადამიანი დაიცვას მწვავე თავის დაზიანებისაგან, მაგალითად, როგორიცაა თავის ქალის დაბზარვა. ერთი საკმაოდ ახალი შემოთავაზება, რასაც ჩაფხუტების ტექნოლოგია გვთავაზობს არის მულტიმიმართულებითი დარტყმის დაცვითი სისტემა (MIPS). ეს თხელი, დაბალფრიქციული დამცავი ფენა ჩაფხუტის შიგნით საშუალებას აძლევს გარეთა კარკასს გადასრიალდეს რამდენიმე მილიმეტრით თავის ქალის გასწვრივ, დარტყმის დადგომისამებრ, რაც ამცირებს როტავიულ ძალასა და თავის მიმართ გადაცემული ენერგიის ოდენობას. როტაციული ძალა მიიჩნევა თავის ტვინის შერყევის გამომწვევ ერთ-ერთ მთავარ ფაქტორად.

ჩვენს ადრინდელ ტესტირებებში ერთიდაიმავე ბრენდისა და მოდელის ორი წყვილი ჩაფხუტი – ერთი MIPS ტექნოლოგიით დამზადებული და მეორე ამ ტექნოლოგიის გარეშე შექმნილი შევადარეთ ერთმანეთს. MIPS ჩაფხუტმა მოახერხა როტაციული ძალის 43 პროცენტამდე შემცირება, არა MIPS ჩაფხუტთან შედარებით. MIPS ჩაფხუტები დაახლოებით 20 დოლარით უფრო ძვირი ღირს ვიდრე არა-MIPS ვერსიები იმავე მოდელისათვის.

რთულია იმის დამტკიცება რომ ნებისმიერი ჩაფხუტი დაგიცავთ ტვინის შერყევისაგან, ვინაიდან ეს დიაგნოზი სხვადასხვა სიმპტომებისა და ნევროლოგიური შემოწმების შედეგების მიხედვით დაისმება; არ არსებობს ერთი კონკრეტული ობიექტური ტესტი, მაგალითად, როგორიცაა კომპიუტერული ტომოგრაფია ან მაგნიტო-რეზონანსული გამოკვლევა, რომელიც განსაზღვრავს პირს აღენიშნება თუ არა თავის ტვინის შერყევა. ეს კი იმას მიანიშნებს, თუ რატომაა შეუძლებელი ამტკიცო კონკრეტული ტიპის MIPS ჩაფხუტების შესახებ რომ მას შეუძლია ტვინის შერყევის შანსების შემცირება. თუმცა ჩვენი ტესტირების შედეგები იმაზე მეტყველებენ, რომ შესაძლოა იყოს სხვა დამატებითი სარგებელი, თუნდაც არ იყოს განმსაზღვრელი, MIPS ჩაფხუტი მაინც შესაძლოა იყოს ისეთი რამ, რაშიც დამატებით დანახარჯის გაკეთება, ნამდვილად ღირდეს.

Photo showing the inside of two bike helmets side-by-side. One with MIPS and one without.

 

კარგად მორგებადობა ჩაფხუტის ყიდვისას ამოსავალი წერტილია. თუ ჩაფხუტი არ არის თავზე სწორად პოზიციონირებული, მან შესაძლოა ვერ დაგიცვათ დარტყმის მომენტში. თასმები უნდა იყოს კომფორტული და ჩაფხუტიც სწორად პოზიციონირებული და მორგებული. როცა კი ის სწორად იქნება დარეგულირებული, მხოლოდ მცირე დამატებითი ცვლილებები დაგჭირდებათ ალბათ შემდეგ ჯერზე რომ ატარებთ მას.

მწარმოებლები განსხვავებული სტილისა და ზომის ჩაფხუტებს აწარმოებენ, ასე რომ საუკეთესო გზა იმისა რომ იპოვნოთ ისეთი ჩაფხუტი, რომელიც კარგად მოგერგებათ, არის წახვიდეთ მაღაზიაში, მოიზომოთ რიგი ბრენდების, მოდელებისა და ზომების ჩაფხუტები და შემდეგ მიიღოთ გადაწყვეტილება. თავის ზომები და ფორმები განსხვავდება. თუ ჩაფხუტი არ იქნება თქვენს თავზე კარგად მორგებული, მაშინ სჯობს სცადოთ განსხვავებული მოდელი. ბავშვებისათვის კი, არასოდეს იყიდოთ ძალიან დიდი ჩაფხუტი, იმ ფიქრით რომ ეს მას დიდობაშიც გამოადგება.

მაშინ როდესაც თქვენს თავზე საუკეთესოდ მორგებულ ჩაფხუტს შეარჩევთ, ისე უნდა მოირგოთ იგი, რომ მოახერხოს თქვენი შესაბამისად დაცვა. აქ წარმოდგენილია სამ ნაბიჯიანი საკონტროლო სია, რაც დაგეხმარებათ მაღაზიაში ჩაფხუტის სწორად მორგებაში.

  • ჩაფხუტი უნდა გერგებოდეთ მოხერხებულად მაგრამ არა – არაკომფორტულად, თქვენი თავი ნაწილობრივ უნდა აწვებოდეს რბილი ქაფის საფენებს შიგნიდან – მაშინაც კი, სანამ თასმებს შეიკრავდეთ.
  • შეარჩიეთ ის ზომა, რომელიც რაც შეიძლება მჭიდროდ გერგებათ, ოღონდ გაითვალისწინეთ, ეს სიმჭიდროვე არაკომფორტული არ უნდა იყოს. შემდეგ გამოიყენეთ მოსაზომებელი პადები, თუკი ეს თან ახლავს, იმისთვის რომ ზუსტად დაარეგულიროთ ეს მორგებულობა.
  • სარკეში შეამოწმეთ რათა დარწმუნდეთ რომ თასმები აფორმირებს V პატერნს და არის თითოეული ყურის ბიბილოს ოდნავ წინ.

მას შედეგ რაც დაადგენთ რომ ეს ჩაფხუტი ზუსტად სათქვენოა, მიმართეთ რჩევებს, რომელიც ქვემოთ გამოსახულ ილუსტრაციაზეა მოცემული, რათა საუკეთესოდ მოირგოთ თქვენი ახალი ჩაფხუტი.

ველოსიპედის ჩაფხუტის შეფასებების ჩვენი მიმოხილვა  მარკ მაკენტის ეძღვნება, ჩვენს თანამშრომელს, რომელმაც ცხოვრების 25 წელი მიუძღვნა ამ კომპანიას და 2016 წლის მაისში მოულოდნელად გარდაიცვალა. მარკმა მისი მრავალმხრივი ნიჭი არაერთი მნიშვნელოვანი პროექტის განხორციელებას მიუძღვნა მომხმარებელთა კვლევის დეპარტამენტში მისი მოღვაწეობის მანძილზე, მათ შორის ველოსიპედის ჩაფხუტებში, გულისცემის მონიტორებსა და ჩვილთა ეტლებში. რეიტინგები იყო მისი ერთ-ერთი ბოლო პროექტი, რომელზეც მუშაობდა. ჩვენ პატივს მივაგებთ მას და მის კონტრიბუციებს.

A woman wearing a bike helmet correctly.

ილუსტრაცია: ქრის ფილფოტი

შეამოწმეთ რამდენად მორგებულია ჩაფხუტი

  1. წინა კიდე უნდაარ უნდა აღემატებოდეს 1 ინჩს თქვენ წარბებს ზემოთ. თასმები მოჭერილ მდგომარეობაში, მკვრივად მიჯრილი ჩაფხუტის წინა კიდეზე. თუ ის უკან გადაინაცვლებსს, მაშინ თასმები ძალიან მოშვებულადაა. 
  2. მიაწექით ჩაფხუტს გვერდიდან გვერდამდე და წინიდან უკნისაკენ: ის საკმარისად კომფორტული უნდა იყოს იმისთვის რომ საფეთქლებთან კანი მოძრაობისას არ დაგინაოჭდეთ.
  3. „პონის კუდი“ – მსგავსი თმის ვარცხნილობა შესაძლოა ხელს უშლიდეს ჩაფხუტის სწორად მორგებას, ასე რომ, დარწმუნდით რომ ჩაფხუტის ტარების დატესტვით, იმაში რომ იგი თქვენი ფავორიტი იმიჯის ხელისშემშლელი არ აღმოჩნდება.
  4. იმისთვის რომ დატესტოთ ბალთებით შეკრული ნიკაპის თასმა არის თუ არა საკმარისად მჭიდროდ, ნახევრად გააღეთ პირი; ჩაფხუტი უნდა დააწვეს თქვენი თავის ზედა ნაწილს, ასეთი მანევრირებისას.
  5. წინა და უკანა თასმები უნდა ქმნიდნენ V პატერნს, რომლებიც გადაიკვეთება ზუსტად ყურისა ქვემოთ და წინა მხარეს.
  6. დაიკავეთ უკანა წვერით და ეცადეთ აქაჩოთ თქვენ თავს ზემოთ წინა მხრისკენ. თუ ჩაფხუტის წინა ნაწილი ჩამოსრიალდება, მაშინ დაამოკლეთ თქვენი უკანა თასმები.

ველოდიპედის ჩაფხუტების შეფასება მომხმარებელთა კვლევებზე დაყრდნობით

 

ველოსიპედის ჩაფხუტის ბრენდები

 

Bell

Bell ამერიკის შეერთებულ შტატებში უდიდესი ველოსიპედის ჩაფხუტების მწარმოებელია. მისი პროდუქციის ხაზი მოიცავს გზის, მთის, BMX და ორმაგი სპორტის ჩაფხუტებს. ჩაფხუტების უმრავლესობა ხასიათდება ჩაშენებული MIPS (მულტიმიმართულების დარტყმის დაცვის სისტემა) ტექნოლოგიით. მის მიერ წარმოებული ჩაფხუტები სპეციალიზებულ მაღაზიებში, ონლაინ და მასობრივ საცალო მაღაზიებში იყიდება. ფასების დიაპაზონი 25 დოლარიდან 400 დოლარამდე მერყეობს. Bell ასევე ფლობს Giro ბრენდს.

Bern

Bern-ის ჩაფხუტები მრგვალი ფორმით გამოირჩევა და სტილით წააგავს საციგურაო ან სათხილამურო ჩაფხუტებს. ფაქტობრივად, Bern-ის ბევრი ჩაფხუტი მულტისპორტული ჩაფხუტებია, ზოგიერთს მოყვება კიდეც ჩანაცვლებადი დამცავი ფენები, რაც შესაძლებლობას გაძლევთ ის გამოიყენოთ როგორც ზამთარში, ისე ზაფხულში. იყიდება სპეციალიზებულ საცალო მაღაზიებსა და ონლაინ მარკეტებზე. ფასები მერყეობს 50 დოლარიდან 120 დოლარამდე.

Cannondale

Cannondale-ს ჩაფხუტების ხაზი მოიცავს გზის და მთის ველოსიპედის ჩაფხუტებს. ის სთავაზობს ჩაფხუტებს როგორც მოზრდილებს, ასევე ბავშვებს და ფასები მერყეობს 35 დოლარიდან 160 დოლარამდე დიაპაზონში. იყყიდება სპეციალიზებულ მაღაზიებსა და ონლაინ მარკეტებზე.

Gernau

Garneau, ასევე ცნობილი, როგორც Louis Garneau სათავეს კანადიდან იღებს. მისი ამერიკული სათაო ოფისი ვერმონტში მდებაროებს. Gerneau გთავაზობთ ჩაფხუტების სრულ ხაზს ბავშვებისა და მოზრდილებისთვის, ფასი კი მერყეობს 30 დოლარიდან 350 დოლარამდე ფარგლებში. მათ უპირველესად შეხვდებით ველოსიპედების მაღაზიებსა და სპორტული საქონლის საცალო გამყიდველებთან.

Giro

Bell-ის მფლობელობაში მყოფი Giro-ს ხაზი მოიცავს გზის, გრუნტის, აერო, ტრიატლონის, ურბანულ ჩაფხუტებს და ისევე, როგორც Bell-ი, უმრავლესობა მისი ჩაფხუტებისა ხასიათდება MIPS ტექნოლოგიით. Giro-ს ჩაფხუტები იყიდება სპეციალიზებულ მაღაზიებში, ონლაინ მარკეტებზე და სპორტული საქონლის მაღაზიებში. ფასები მერყეობს 40 დოლარიდან 275 დოლარამდე.

Lazer

Lazer – ჩაფხუტების კომპანია დაფუძნებულია ბელგიაში და არსებობის მრავალ წელს ითვლის. მოდელების ფასები იწყება 50 დოლარიდან და ადის 250 დოლარამდე, ძირითადად ეს პროდუქტები ღია ფერებში გამოდის, არის მსუბუქი და მაღალი ვენტილაციით ხასიათდება. ისინი ძირითადად სპორტული საქონლის მაღაზიებსა და სპეციალიზებულ ველოსიპედების მაღაზიებშია გაყიდვაში.

Raskullz

C-Preme-ს მფლობელობაში მყოფი კომპანია დაფუძნებლია ლოს ანჟელესში, Raskullz-ი ქმნის ჩაფხუტებს, რომელთა დიზაინი იმეორებს პოპულარული სათამაშოებისა და მულტფილმების დიზაინს და მისი მიზნობრივი აუდიტორია, ძირითადად, ბავშვებია. Raskullz-ის ჩაფხუტები იყიდება სპორტული საქონლისა და მასობრივი საცალო ვაჭრობის მაღაზიებში. ფასები მერყეობს 25 დოლარიდან 28 დოლარამდე.

Schwinn

Schwinn ამერიკული კომპანია Pacific Cycle-ს მფლობელობაშია და მომხმარებელს სთავაზობს დაბალ-ფასიან ჩაფხუტებს, რომლებიც იყიდება როგორც ონლაინ, ასევე მასობრივ საცალო მოვაჭრეებთან. ფასების დიაპაზონი ვარირებს 20 დოლარიდან 40 დოლარამდე.

Scott

Scott მაღალი ცნობადობის მქონე ბრენდია და მისი ჩაფხუტები იყიდება უპირველესად ველოსიპედების მაღაზიებში, სპორტული საქონლის საცალო გამყიდველებსა და ელექტრონულ მაღაზიებში. Scott ყიდის როგორც მყარ ასევე რბილ კარკასიან ჩაფხუტებს და ფასები მერყეობს 100 დოლარიდან 220 დოლარის ფარგლებში. უმაღლესი შეფასების მქონე Arx Plus ჩაფხუტის მოდელი კი მთლიანად MIPS ტექნოლოგიაზეა დაფუძნებული.

Smith

ეს კომპანია, რომელიც ცნობილია მზის სათვალეების, სათხილამურო და სნოუბორდის ჩაფხუტების წარმოების კუთხით, ასევე აწარმოებს ველოსიპედის ჩაფხუტებსაც დამცავი ფენით, რომელიც იყენებს კოროიდ ტექნოლოგიას (ფოროვანი სტილის პლასტიკური ტუბების კლასტერი, რომელიც დარტყმისას იკუმშება). იყიდება ონლაინ და სპეციალიზებულ საცალო მაღაზიებში. ფასები კი მერყეობს 80 დოლარიდან 260 დოლარამდე საზღვრებში.