როგორ ავარჩიოთ საუკეთესო დივანი

ყველაზე ცუდი დრო იმისთვის, რომ მიხვდე თუ როგორ არ მოგწონს შენი ახალი დივანი არის ის მომენტი, როდესაც მას სახლში მოგიტანენ. ონლაინ შოპინგი მარტივს ხდის მოძებნას და გვთავაზობს უამრავ არჩევანს, თუმცა როდესაც ყიდულობთ დივანს რომელსაც უშუალოდ ხედავთ, მნიშვნელოვანია საშინაო დავალების გაკეთება. ათასობით კვლევის შემდეგ, მათ შორის სამი წამყვანი ავეჯის კომპანიაში ვიზიტის, ექსპერტების გამოკითხვისა და თითქმის ყველა დივანის დატესტვის შემდეგ, ჩვენ შეგვიძლია გითხრათ განსხვავება საუკეთესო დივანსა და ჩვეულებრივს შორის. ეს რჩევები მოგეხმარებათ მიიტანოთ სახლში გამძლე და კომფორტული ავეჯი. ასევე რეკომენდაციას გავუწევთ რამოდენიმე ფირმას, რომელიც განსაკუთრებით მოგვეწონა.

დივნის შერჩევა თქვენი ადგილისა და ბიუჯეტისთვის იწყება იმის გადაწყვეტით, თუ რა სტილის დივანი გსურთ. ასევე ძალიან მნიშვნელოვანია განსაზღვროთ თუ რა ზომის დივანი დაეტევა თქვენს სახლში. გარდა ამისა, უნდა იცოდეთ თუ რამდენი ადამიანი გსურთ რომ დაეტიოს დივანზე და რას უნდა აარიდოთ თავი, თუ თქვენი შინაური ცხოველები ან ბავშვები რეგულარულად იქნებიან დივანთან. ჩვენ გეტყვით თუ როგორ უნდა განსაზღვროთ საუკეთესო ხარისხი, რამდენის დახარჯვას უნდა ელოდოთ და თუ როდის შეძლებთ საუკეთესო ფასში შოვნას.

დივანი არის ერთ-ერთი ყველაზე ძვირადღირებული ავეჯი, რომელსაც ხალხი ყიდულობს. სწორედ ამიტომ, ჩვენ გირჩევთ შეიძინოთ ისეთი პიროვნებისგან ან კომპანიისგან, რომელსაც გააჩნია უკან დაბრუნების შეთავაზება. ვიმედოვნებთ, რომ ჩვენი რჩევები დაგეხმარებათ აარჩიოთ თქვენ ინტერიერზე მორგებული დივანი.

გადაწყვიტეთ თუ რა ფორმის და ზომის დივანი გჭირდებათ

დივნები და სავარძლები ყველა სხვადასხვა ზომის და ფორმისაა. თქვენთვის სწორი არჩევანი დამოკიდებულია იმაზე, თუ რამხელა ადგილი გაქვთ, რამდენი ადამიანის დატევა გსურთ, გინდათ თუ არა ის უბრალოდ წასათვლემათ თუ ღამით დარჩენილი სტუმრებისთვის. სულ არის ოთხი ტიპის დივანი რომელსაც შეხვდებით:

  • სტანდარტული დივანი ან ტახტი: ძირითადად არის 72 და 84 ინჩის ზომის, კომფორტულია სამი ან ოთხი ადამიანის დასაჯდომად
  • Loveseat: დაახლოებით დივანის მსგავსია, მაგრამ მხოლოდ ორი ადამიანისთვის, 48 ინჩიდან 72 ინჩამდე
  • სექციური: შედარებით დიდი მოდულური დივანი, რომელიც შედგემა ორი ან მეტი სექციისგან და აქვს L ან U ასოს ფორმა.
  • დივანი საწოლი: ამ ტიპის დივანი იშლება სწორ, ლეიბისმსგავს სწორ ზედაპირად და გაძლევთ საშუალებას დაისვენოთ მასზე.

მიუხედავად იმისა, რომ დიზაინერმა შეიძლება შეურაცყოფად მიიღოს ის ფაქტი, რომ მის დივანს ტახტს დაუძახებთ, ყოველდღიური მოხმარებისას დიდი განსხვავება არცაა. ორივეს განმარტემა არის ავეჯი, რომელიც დაიტევს ერთზე მეტ ადამიანს.

აირჩიეთ დიზაინი

არ აქვს მნიშვნელობა რამდენად კარგადაა დივანი გაკეთებული, თქვენ მაინც არ იქნებით ბედნიერები თუ არ მოგწონთ მისი დიზაინი. შეავიწროეთ ძებნის არეალი იმ სტილით, რომელიც მოგწონთ და მიგაჩნიათ, რომ შეავსებს თქვენი ბინის ინტერიერს. ქვემოთ მოცემულია რვა ყველაზე გავრცელებული დიზაინი დღესდღეობით.

Mid-century modern: შუა საუკენეების ესთეტიკის განმასხვავებელი ნიშნები არის სუფთა და მინიმალისტური სტრუქტურა, რომელიც არის დაბალ მოუკაზმავ მეტალის ან ხის ფეხებზე.

Lawson: „კომფორტული ჯინსები“ დივანებს შორის, Lawson პრაქტიკულად არის სინონიმი იმისა, თუ რას ვუწოდებთ ჩვენ კვინტესენციურ დივანს.

English roll arm: ბალიშებით აღჭურვილი, თუმცა მტკიცე დიზაინის დივანი გამორჩეულია მისი წინ გადმოხრილი კონტურული სახელურებით. ამ სტილის დივანი განსაკუთრებით კარგია ტრადიციულ ან დიდ გარემოში, სადაც სივრცე არ იქნება პრობლემა.

Chaise: წარმოიდგინეთ გრძელი სავარძელი, რომელზეც გადაკრულია მდიდრული ქსოვილი და თქვენ მიიღებთ chaise ტიპის დივანს. ტრადიციულად, ამ ტიპის დივანს მხოლოდ ერთ მხარეს აქვს ხელის დასადები, თუმცა დღესდღეობით დიზაინერებმა დაივიწყეს ეს.

Settee: მცირე ზომის დივანი, რომელიც განკუთვნილია ორი ადამიანისთვის. სტილი შეიძლება იყოს როგორც ტრადიციული, ასევე თანამედროვე. მისი კოხტა პროპორციების გამო, ამ ტიპის დივანს დგამენ ძირითადად მცირე ზომის ოთახებში, ან ისეთ ადგილებში, როგორიცაა საძინებელი, ოფისები ან თუნდაც დერეფნები.

Tuxedo: კვადრატული პარამეტრები, სხვადასხვა ზომის ხელების დასადები, ეს ის ფაქტორებია, რომელიც გამოყოფს ამ დივანს.

Chesterfield: გამოირჩევა მისი დალიანდაგებული ზურგითა და მაღალი ხელებით, ამ ბრიტანულ დიზაინზე გადაკრულია ტყავი.

Camelback: ხშირ შემთხვევაში მასზე არის ორი ბალიში, ამ ტიპის დივანი მეოთხე ადგილზეა მოთხოვნად დივანებს შორის.

დარწმუნდით რომ დივანი ეტევა თქვენ სახლში

 ხშირად მოგვისმენია საშიში ისტორიები იმის შესახებ, თუ როგორ შეიძინა ვიღაცამ ოცნების დივანი მხოლოდ იმისთვის, რომ ბოლოს აღმოეჩინა ის, რომ დივანი არ ეტეოდა კარებში, ვერ აქონდათ კიბეებზე ან არ ეტეოდა ოთახში. ძველებური ანდაზა „ორჯერ გაზომე, ერთხელ გაჭერი“ აღწერს ზუსტამ ამ სიტუაციას, როდესაც ასობით – თუ არა ათასობით – დოლარს იხდით დივანში ყველაფრის გაუთვალისწინებლად. წარმოგიდგენთ რამდენიმე ნაბიჯს, რომელიც უნდა გაიაროთ დივნის ყიდვის დროს.

საგულდაგულოდ გაზომეთ დივანი

გაზომეთ დივნის სიგრძე, სიმაღლე და სიგანე; დამატებითი ზომების აღებაც შესაძლოა უფრო კარგიც კი აღმოჩნდეს შემდგომი გადაადგილებისთვის. მიუხედავად იმისა, რომ ზომები უმეტეს შემთხვევაში მოცემულია კატალოგებში, ჩვენ გირჩევთ, რომ თან ატაროთ საზომი ლენტი, რათა დარწმუნდეთ პირადად მონაცემების სისწორეში. აუცილებლად კითხეთ გაყიდვების წარმომადგენელს დაშლილი სახით შეიძლება თუ არა დივნის წაღება, ან მარტივად შორდება თუ არა მას ნაწილები.

გაზომეთ თქვენი შესასვლელი

განიხილეთ ყველა მარტივი შესასვლელი თქვენ სახლში და ასევე წინააღმდეგობებიც, რომლებმაც შეიძლება თავი იჩინონ ჩაბარების დროს. მკვეთრი კიბეები, ვიწრო კორიდორი ან მცირე ზომის ლიფტი შეიძლება პრობლემა გახდეს, მანამ სანამ დივანი კარებამდე მიაღწევს.

შეარჩიეთ სწორი დივანი თქვენი ცხოვრების სტილის მიხედვით

მას შემდეგ, რაც უკვე შეამცირეთ ძებნის არეალი ფორმისა და ზომის გათვალისწინებით, გაითვალისწინეთ პირადი მოთხოვნებიც. თქვენ შესაძლოა სრულიად განსხვავებული მოთხოვნები გქონდეთ ვიდრე წუნია ხალხს. იფიქრეთ კითხვაზე, თუ რომელი მოერგება ყველაზე მეტად თქვენი ცხოვრების სტილს.

როგორ გამოყენებთ დივანს

იყავით გულრწფელები იმაზე, თუ როგორ გამოიყენებთ დივანს. მაღაზიებში ხშირად შევხვდებით მიყდველებს, რომლებიც მანეკენებივით დასხდებიან მათზე დასატესტად, თუმცა რეალურად სახლში სულ არ აპირებენ მასეთ პოზაში დაჯდომას. თუ თქვენ მიეკუთვნებით იმ კატეგორიას, რომლებსაც დივანზე თვლემა უყვართ, მაშინ თავი აარიდეთ ისეთ დივნებს, რომლებსაც რამდენიმე ბალიში აქვს, რადგან ბევრი წოლით ისინი მარტივად გაფუჭდება. თუ თქვენ მოგწონთ დამჯდარი კითხვა ან ქსოვა ან რაიმეს კეთება, მაშინ თქვენ უფრო შუა-საუკუნეების-თანამედროვე ვერსია უფრო შეგეფერებათ.

რამდენი ადამიანი დაჯდება დივანზე?

იფიქრეთ თუ რამდენი ადამიანი დაჯდება დივანზე, ასევე გაითვალისწინეთ თუ როგორ ურჩევნიათ ჯდომა. მაგალითისთვის, თუ ერთ ადამიანს მოსწონს ჩვეულებრივად ჯდომა, ხოლო მეორეს ურჩენია წამოწოლა და თავის სახელურზე ჩამოდება, მაშინ სწორედ ამ პოზაში უნდა აარჩიონ მომავალი დივანი. მაგრამ თუ გსურთ უფრო დიდი და ტევადი ადგილი, მაშინ უნდა განიხილოთ ორი განსხვავებული ზომის დივანი, რომელსაც მიადგამთ ერთმანეთს და ექნება “L” ფორმა.

გყავთ თუ არა ბავშვები ან შინაური ცხოველები?

ყოველთვის სათანადოდ შეაფასეთ ძაღლების, კატების ან ბავშვების უნარი გაანადგურონ თქვენი ავეჯი. ტყავის დივნები არის ყველაზე მარტივი გასაწმენდად. რადგანაც ეს მატერიალი შედარებით უფრო გლუვია, სხვა მატერიალებთან შედარებით უფრო რთულია მათი დაკაწვრა ცხოველების კლანჭებით. დამატებითი დაცვის ფენისთვის, შეგიძლიათ შეამოწმოთ დივნები ავეჯის შალითათი. ადვილად მოსახსნელი ბალიშები მარტივი იქნება გასარეცხად და გასასუფთავებლად. ოჯახებს, რომლებსაც პატარა ბავშვები ყავთ, თავი უნდა აარიდონ სავსე ბალიშებს, რადგან პატარა ფეხებით მუდმივად სიარული, ბალიშებს დეფორმირებას გამოიწვევს. კარგი იქნება ასევე თუ აარიდებენ თავს დეკორაციებით მორთულ დივანს, რომლებსაც აქვთ ღილები, რადგან ზოგიერთი ბავშვისთვის მათი მოძრობა შესაძლოა ზედმეტად მიმზიდველი აღმოჩნდეს.

რამდენად მარტივად იკაწრება თქვენი იატაკი?

თუ მგრძნობიარე ხისგანაა თქვენი იატაკი გაკეთებული, აუცილებლად ყურადღება მიაქციეთ დივნის ფეხებს. ექსპერიმენტებიდან ვიცით, რომ ხშირია შემთხვევები, როდესაც დივანი აფუჭებდეს იატაკს. თუმცა, კარგად დადებულ ხალიჩას შეუძლია აღმოფხვრას ეს პრობლემა.

როგორ შევამოწმოთ ხარისხი

ლეიბის შემდგომ, სავარაუდოდ დივანი არის ყველაზე მეტად გამოყენებადი ავეჯი. ჩარჩოს, ბალიშებისა და გადასაკრავი მასალის ხარისხის მეტყველებს იმაზე, თუ რამდენი ხანი გაძლებს დივანი.

ჩარჩო

ჩარჩოების უმეტესობა აგებულია დამუშავებული ხისგან, თუმცა ჩვენი ექსპერტები გვირჩევენ, რომ თავი ავარიდოთ MDF ან მერქნის ბურბუშელის ფილას, რომლებიც კარგად არ იკავებს სამაგრს, წებოს ან ლურსმნებს. ნაცვლად ამისა, უმჯობესია მოძებნოთ ხის მყარი მერქნის ან მტკიცე ხის მასალა. ყველაზე გამძლე დივნები დამზადებულია ტრადიციული დამაკავშირებლებით, ისინი მოიხმარენ უფრო მცირე წებოსა და სამაგრებს ერთმანეთთან დასაკავშირებლად. როდესაც ცდით დივნებს, მისი ჩარჩო უნდა იყოს გამძლე. ყოველი ქანი არის იმის მანიშნებელი, რომ დივნის ჩარჩო არ არის გამძლე.

ბალიშები

გარდა სტილისა, ბალიშებს არის ყველაზე მნიშნველოვანი ელემენტი, რომელიც უნდა გაითვალისწინოთ. ზოგიერთ ადამიანს, უნდა თვლემისთვის განკუთვნილი ბალიშები, სადაც ჩარგავენ თავს, ხოლო ზოგიერთი ადამიანი კი უფრო მყარ ბალიშს ამჯობინებს. იდეაში, უმეტესწილად შეგხვდებათ ოთხი ტიპის ბალიში:

  • ფორებიანი ბალიში: დამზადებულია მაღალიელასტიურობის ფორებით, რომელზეც გადაკრულია პოლიესტერი, ეს არის ყველაზე ხშირად გავრცელებული ბალიშის ტიპი.
  • ბუმბულის ბალიში: ბალიში, რომელიც სავსეა 100 პროცენტი ბამბით. ეს არის ყველაზე მდიდრული ბალიშის სტილი, თუმცა მას ხშირად სჭირდება დარბილება.
  • Innerspring core: მატრასის მსგავსად, ამ ტიპის ბალიშებსაც აქვთ ინდივიდუალური რგოლები, რომლებიც გახვეულია ბალიშის ფორებში. ეს ბალიში ბევრ სხვასთან შედარებით, უკეთ დრეკადია.
  • Memory foam: ამ ტიპის ბალიშებს ძირითადად შეხვდებით დასაძინებელ დივნებზე. ის არის ძალიან გამძლე, თუმცა მისი ფორმის გამო, სავარაუდოდ ბევრს არ ესიამოვნება.

გადასაკრავი მასალა

საცალო მოვაჭრეები გადასაკრავი მასალის ძალიან დიდ არჩევანს გვთავაზობენ სხვადასხვა ფასში. ამ მასალებს აქვთ სპეციალური შეფასების სისტემა, რომელიც განსაზღვრავს მათ გამძლეობასა და ხანრძლივობას. ჩავთვალოთ 50 000 როგორც სტანდარტული, 80 000 როგორც პრემიუმი და 100 000 როგორც უმახლესი ხარისხის. ყველა, რომელიც 25 000-ზე მეტია, ითვლება როგორც ნორმალური, თუმცა თუ თქვენ დიდი ოჯახი ან შინაური ცხოველები გყავთ, მაშინ ჯობია თუ პირდაპირ 50 000 და მაღლა დაიწყებთ არჩევას.

როდესაც გააკეთებთ არჩევანს, უმჯობესი იქნება თუ ნიმუშად მოითხოვთ ოდნავ დიდს, რათა კარგად დააკვირდეთ თუ როგორ აჯდება მზის სინათლესა და სახლში არსებულ ინტერიერს. შეეცადეთ დაწვეთ მასზე ყველა მხრიდან, რათა დაადგინოთ თუ რამდენად კომფორტულია ის – ამის შეფასება კი უბრალოდ ხელის შეხებით ნამდვილად არ შეიძლება.

რამდენი უნდა დახარჯოთ და როდის იყიდოთ

მდიდრული ტიპის დიზაინის მქონე დივნები, არაა აუცილებელი შექმნილი იყოს მდიდრული მასალისგან, უმეტესად მოკრძალებული სადა სტანდარტებითაა აწყობილი. როგორც მოდაში, დივნებშიც ხშირად უფრო მეტის გადახდა გიწევთ მისი ბრენდისგან გამომდინარე. ჩვენი ექსპერიმენტებიდან გამომდინარე, მინიმუმ $1200 დახარჯვა მოგიწევთ, რათა შეიძინოთ სამ კაციანი დივანი ხარისხიანი მატერიალებით. $3000-ზე ზევით გადახდა გიწევთ იმ შემთხვევაში, თუ უკვე ბრენდის სახელი ფიგურირებს.

იანვარი და ივლისი არის საუკეთესო თვეები, რათა შეიძინოთ დივანი ფასდაკლებით. ვინაიდან, ავეჯის კომპანიები წელიწადში ორჯერ აგზავნიან ახალ საქონელს გასაყიდად, თებერვალსა და აგვისტოში. თუ თქვენ ყიდულობთ დივანს საცალო მოვაჭრესგან, რომელსაც აქვს „როგორიც არის“ სექცია, მაგალითად IKEA, უკან დაბრუნებული დივნები გაძლევთ საშუალებას აღმოაჩინოთ პოტენციური სისტეები გარკვეული მოდელებისთვის.

როგორ ავარჩიეთ და გამოვცადეთ

ამ გზამკვლევისთვის, ჩვენ შევაფასეთ დივანები მათი გამძლეობის, კომფორტულობის, ფასისა და სხვადასხვა სტილის მიხედვით. უფრო კონკრეტულად რომ ვთქვათ, ჩვენ გვინდოდა შეგვერჩია ისეთი დივნები, რომლევიც გამოადგებოდა ნებისმიერ ადამიანს, თუნდაც ცხოვრობდეს დიდი ქალაქის გარეთ და შეეძლოს ონლაინ გამოწერა. ჩვენ მოვძებნეთ ისეთი დივნები, რომლებიც სხვადასხვა მომხმარებელზე იქნებოდა მორგებული და მოვძებნეთ ისეთი კომპანიები, რომლებსაც უკან დაბრუნების ვარიანტებიც აქვთ (რადგან თუ თქვენ არ მოგწონთ ახალი დივანი, ან უბრალოდ არ ეტევა თქვენ სივრცეში, მაშინ მისი დაბრუნება მოგინდებათ). ჩვენ ვეძებდით თანამედროვე სტილის ხელმისაწვდომ მოდელებს, ასევე კარგი კონსტრუქციის მქონეს, რადგან არავის არ უნდა ახალი დივანი ორ კვირაში დაეშალოს.

მიუხედავად იმისა, რომ ჩვენ ძიება დავიწყეთ ისეთი მოვაჭრეებისგან როგორიცაა Bloomingdale და Macy, ასევე CB2, Pottery Barn და West Elm, ჩვენი ძირითადი აქცენტი გავამახვილეთ ფართოდ მოთხოვნად დივნებზე: იმ დივნებზე, რომლებიც შეგიძლია გამოიწეროთ ონლაინ, რომლებიც შეგმნილია და გაყიდულია ერთი და იმავე კომპანიის მიერ. იმისათვის რათა გაგვეგო თუ რომელი დივნები გამოგვეცადა, გავესაუბრეთ უამრავ ექსპერტს და გავარკვიეთ ბევრი ფაქტი იმის შესახებ, თუ როგორ კეთდება დივანი. საბოლოო ჯამში, ჩვენ დავტესტეთ შვიდი დივანი, შვიდი სხვადასხვა კომპანიისგან.

გადავწყვიტეთ გამოგვეცადა ერთი საუკეთესოდ გაყიდვადი მოდელი თითო კომპანიისდან. ჩვენ ვარაუდით, სწორედ ეს მოდელები არიან წარმომადგენელი სახეები იმ დივნების, რომელთა ყიდვასაც გადაწყვეტთ სამომავლოდ; ასევე ვფიქრობთ, რომ ეს არჩეული მოდელები წარმოადგენენ იმ კომპანიის სახეს, რომელსაც მიეკუთვნებიან. ნიმუშების შეკვეთის დროს ჩვენ მოვითხოვეთ მოტანის სერვისი და გარანტია, ასევე დაბრუნების შესაძლებლობა.

თითოეული ნიმუშის შეკვეთის დროს ჩვენ ვინიშნავდით მოწოდების დროს, შეკვეთიდან დაწყებული ჩაბარებით დამთავრებული. შემდგომ ჩვენ ვიჯეთ, ვიწექით და ვთვლემდით თითეულ მათგანზე რამდენიმე დღის განმავლობაში, რათა ჩაგვენიშნა ყველაფერი. ჩვენ ვაბრუნებდით მის ბალიშებს, ვწევდით და გადავაადგილებდით დივანს, რათა დაგვედგინა მისი წონა და სახელურების გამძლეობა. ჩვენ შევამოწმეთ მათი ნაკერები, გავხსენით ბალიშები და გამოვიკვლიეთ შიდა ნაწილი.

მას შემდეგ, რაც დავასრულეთ ჩვენი კვლევები, მოვიწვიეთ მეგობრები და კოლეგები რათა დაგვხმარებოდნენ; მათში ასევე იყო ინტერიერის დიზაინერი, რომელიც თავისთავად აფასებდა დივნის ინტერიერს, ცხოვრების სტილზე მწერალი, რომელსაც ქონდა დიდი რეზიუმე და გამოცდილება სახლის მორთვის მარკეტზე და პროფესიონალი ორგანიზატორი. ჩვენი სტუმრები განსხვავდებოდნენ ერთმანეთისგან სიმაღლით, წონით და ასაკით, ასევე მათ თან ახლდათ ბავშვები, რომლებსაც ევალებოდათ ჩვენ სატესტო მოდელებზე ფეხებით სიარული.

ჩვენ ასევე ვთხოვეთ ჩვენს გამომცდელებს შეეფასებინათ არჩეული ფავორიტი დივანი შვიდ პოზიციაში: დამჯდარი დივანზე და საუბარი წვეულების დროს, მიწოლილი და მოდუნებული, წინ წამომჯდარი, დამჯდარი თითქოს ორ საათიან ფილმს უნდა უყურო, დამჯდარი ისე თითქოს საყვარელი შოუს ერთ სეზონს უნდა უყურო, ან სრულიად წამოწოლი დასაძინებლად/ჩასათვლემად.

ჩვენი არჩევანი

ჩვენ აღმოვაჩინეთ, რომ Article’s Ceni დივანი არის კომფორტული, კარგად აგებული და უფრო სტილური ვიდრე სხვა მსგავსი ფასის დივნები, ასევე Article გთავაზობთ სხვადასხვა მიმზიდველ სტილს, რომელიც მოიცავს დივნებს დასაძინებლად. კომპანიის დივნები სხვადასხვა ფაბრიკაში შეგიძლიათ შეიძინოთ, Ceni მათ $1000-ზე ნაკლებ ფასში ყიდის.

სავარაუდოდ დამზადებული იმავე ფაბრიკაში, რომელიც აწარმოებს წამყვან დივნებს როგორიცაა B&B Itali და Knoll, Article’s Ceni უშვებს პოლირებულ ხეს, ხვეულ ჩარჩოებს და მაღალი სიმჭიდროვის მქონე პოლიურეთანის ბალიშებს, რომელიც გახვეულია პოლიესტერში. ჩვენი გამოცდელებისთვის მას ქონდა ელეგანტური ფორმა, რაც აბათილებდა მის ფასს. თუ თქვენ 30 დღის განმავლობაში გადაწყვეტთ, რომ არ მოგეწონათ თქვენი დივანი, კომპანია მოვა და წაიღებს მას. აუცილებლად შეინახეთ შეფუთვა, წინააღმდეგ შემთხვევაში Article არ მიიღებს მას.

BenchMade Modern-მა მოგვაწოდა დივანი, რომელიც იყო კარგი შესახედაობის, კომფორტული, სუფთა და საგულდაგულოდ მოწყობილი. ამ კომპანიის დივნები, სხვებთან შედარებით უფრო ძვირია, თუმცა ჩვენ ვფიქრობთ, რომ ხარისხი მოდის ფასთან ერთად. დივანის ჩარჩო კარგადაა დამზადებული და BenchMade გვთავაზობს სხვადასხვა გადასაკრავებსაც. კომპნია ასევე დაგიმზადებთ დივანს თქვენი მითითებული ზომებით, იმ შემთხვევაში თ განსხვავებული მისაღები გაქვთ. თუ თქვენ გჭირდებათ სპეციალური ზომის დივანი ან უფრო ნაკლებ დროში გსურთ მისი მიღება ვიდრე ეს სტრანდარტული 12 კვირაა, BenchMade Modern-ს ჭირდება მხოლოდ 24 დღე. მიუხედავად ასეთი სიჩქარისა, კომპანია არ კარგავს ხარისხიანობას. ჩვენ ასევე წავიკითხეთ უამრავი მომხმარებლის დადებითი შეფასება კომპანიაზე და მის პროდუქტზე.

კომპანია ასევე მიმართავს მთავარ გამოწვევას – როდესაც ხალხი არასწორად ზომავს და უკვეთავენ ისეთ დივანს, რომელიც არ დაეტევა – ამისთვის მათ უნიკალური გამოსავალი აქვთ.  BenchMade-ს შეუძლია გამოგიგზავნოთ გეგმა/მონახაზი იმ ნივთისა, რომლის შეძენაც გსურთ და ამის მიხედვით შეგიძლიათ გაარკვიოთ დაეტევა თუ არა ის თქვენთვის სასურველ ადგილას. ეს თითქოს მცირედი დეტალი ძალიან სასარგებლო რამ აღმოჩნდა.

თუ თქვენ ძალიან გეჩქარებათ და ფულიც ძალიან დიდ ფაქტორს თამაშობს, მაშინ გირჩევთ პირდაპირ მიხვიდეთ IKEA-ში (ასევე შეგიძლიათ გამოიწეროთ დივნები IKEA-ს ვებგვერდიდან). მიუხედავად იმისა, რომ მოგვწონს IKEA-ს სკანდინავიური სტილი, მისი დივნები არც თუ ისე კომფორტულია. თუმცა, კომპანიის ხელმისაწვდომობა და საქონლის დაბრუნების შესაძლებლობა მას ერთ-ერთ განსახილველ ვარიანტად ტოვებს.

დაახლოებით $550 ფასში, IKEA-ს დივნების დამარცხება ძალიან რთულია ფასის მიხედვით. სამწუხაროდ, ამ შემთხვევაში იღებთ იმას, რისთვისაც იხდით. ეს დივნები, ერთი სიტყვით რომ ვთქვათ არის არაკომფორტული, განსაკუთრებით კი იმ დივნებთან შედარებით, რომლებიც გამოვცადეთ. ასევე არ შეგვიძლია თავი დავდოთ მათ გამძლეობაზე. ჩვენ იმედგაცრუებულები დავრჩით, როდესაც მხოლოდ რამდენიმე საათიანი გამოცდის შემდეგ, ჩვენი Kivik დივანი გამოიყურებოდა როგორც გაწელილი და გაუმართავი. თუმცა, მეგობარმა, რომელმაც რამდენიმე წლის წინ შეიძინა ეს მოდელი, ახლაც მშვენიერ მდგომარეობაში აქვს.

მიუხედავად იმისა, რომ IKEA-ს ავეჯი ტოვებს ბევრ რამეს გასაუმჯობესებელს, ჩვენ მოგვწონს მისი უბრალო სტილი და მრავალფეროვნება. ისინი გაძლევენ უამრავ საშუალებას და დივნის თქვენ გემოვნებაზე მოწყობის ვარიანტებს.

კონკურენცია

Interior Define’s Sloan დივანი არის ერთ-ერთი გამორჩეული ჩვენ ტოპ არჩევნებში. ეს კომპანია გთავაზობთ დამატებით შესაძლებლობებს ფაბრიკის გარეთაც: თქვენ შეგიძლიათ მოაწყოთ დივნის სიგრძე, ასევე შეგიძლიათ ზოგიერთ მოდელს გამოუცვალოთ ფეხები. ზოგიერთი დივანი გთავაზობთ ზურგის ან დასაჯდომ ბალიშებს. ასევე კომპანია გთავაზობთ ორ დივანს, რომელიც საცალო ვაჭრობით ღირს $1000.

ნატალი ბრეშნაიდერს – მაღალხარისხიანი დივნების დამამზადებელი, რომელმაც შექმნა ნაწილები პრინცისა და პრისცილა პრესლისთვის – კმაყოფილია Sloan-ის ხაზებით და მოსწონს ბალიშები ჩადებულია მხოლოდ ერთი მხრიდან. თუმცა, ერთ-ერთი მომხმარებელი იყო იმედგაცრუებული ექვს თვიანი ჩვეულებრივი მოხმარების შემდეგ: „ბალიშები ყოველთვის გამოიყურება როგორც დაკეცილი და დაზიანებული. აუცილებლად იზნიქება ის ადგილი სადაც იჯექით.“ სწორედ ეს არის ის, რაზეც ჩვენ გამომცდელები ნერვიულობდნენ, ერთნი ამბობდნენ, რომ „ბალიშები უმეტესად ინარჩუნებენ ფორმას“, მეორენი კი საპირისპიროს ამტკიცებდნენ.

Joybird

ჩვენ საწყის ეტაპზე რეკომენდაციას ვუწევდით Joybird-ს მისი ხარისხის, კომფორტულობის და ფასის გამო. თუ თქვენ შეიძინეთ Joybird დივანი და ხართ ამით ბედნიერები, მაშინ თქვენი გამოცდილება ძალიან გავს ჩვენი გამომცდელებისას. თუმცა, 2017 წელს ჩვენ შევწყვიტეთ Joybird Korver-ისთვის რეკომენდაციის გაწევა უამრავი ნეგატიური კომენტარის შემდეგ მის მომსახურეობაზე, გრძელვადიან მიწოდებასა და  პროდუქტის დეფეტებზე. ჩვენ ვიმედოვნებდით, რომ კომპანია გადაჭრიდა ამ ყველაფერს მას შემდეგ რაც La-Z-Boy-მ შეიძინა ის 2018 წლის ივლისში, თუმცა როგორც გაირკვა, დღესდღეობითაც იგივე პრობლემებია.

დივანის ყიდვისას გასათვალისწინებელი ჩექლისთი

როდესაც ყიდულობთ დივანს პირადად, ან ცდილობთ გამოიწეროთ ის ონლაინიდან, მაშინ გაითვალისწინეთ შემდეგი ფაქტორები, რომლებიც ქვევითაა მოყვანილი.

  • კომფორტულია დასაჯდომად თუ დასაწოლად?
    დივანი უნდა ერგებოდეს თქვენი სხეულის წონას, არ უნდა იგრძნობოდეს ზედმეტად მსუბუქად ან მძიმედ. გამოცადეთ ნებისმიერი დივანი დამატებითი ბალიშების გარეშე. წაიკითხეთ რამდენიმე გაზეთი მოკლედ მასზე მჯდომარემ/მწოლიარემ, თუ ტკივილს იგრძნობთ მაშინ აარჩიეთ სხვა სტილის ან ფორმის.
  • ადვილია თუ არა ადგომა?
    თუ ნახავთ რომ დივნიდან წამოდგომა რთულია, მაშინ უნდა აარჩიოთ სხვა სიმაღლის მქონე დივანი თავისი დამხმარე ბალიშებით. დაჯდომა ყოველთვის ადვილია რბილ დივანზე, თუმცა შემდგომ წამოდგომა რთულია, განსაკუთრებით მათთვის ვისაც ტკივილები აწუხებთ.
  • აქვს თუ არა საკმარისი სიმაღლე?
    თქვენი ფეხები კომფორტულად უნდა იყოს იატაკზე როდესაც მჯდომიარე პოზაში ხართ. თუ თქვენ 160 სანტიმეტრზე დაბალი ხაღტ, მაშინ აარჩიეთ დივანი, რომელსაც ექნება 48დან 53მდე სანტიმეტრის სიღრმე.
  • ისევ კომფორტულია ორი ან სამი ადამიანისთვის?
    ყოველთვის გაითვალისწინეთ ის ფაქტი, რომ რაც უფრო მეტი ადამიანი ზის დივანზე, უფრო სხვანაირია მასზე ჯდომის გრძნობა.